am marium :

alooooooooooooooooooooooooooooooooooooooooooooooooooooooooooo any body here

alooooooooooooooooooooooooooooooooooooooooooooooooooooooooooo any body here

muslima627 :

الله يسلمك يا ميكو يارب ربنا يخليكي يا إشتقت يارب ويكرمك على سؤالك علينا يارب أبدا يا ستي هيه جنة من بداية الشهر التاسع كده وهيه إبتدت متكبرش خالص ونموها بقى ضعيف تقريبا أخوها المتوفي إبتدى يأثر عليها المهم إتولدت حجمها صغير قوي وأول ما إتولدت كان عندها مشاكل ولله الحمد مكنتش بتعرف تتنفس ولا ترضع ولا بتتحرك كويس ولا بتعيط زي با قي الأطفال طبعا هما خدوها من بطني على أجهزة التنفس الصناعي ودخلوها العنايه المركزه ولما فقت من البنج وعرفت اللي حصل كنت هتتجنن عليها نزلت روحتلها في قسم العنايه المركزه والله وأنا لسه بهدوم العمليات وطبعا قبل ما أدخلها لازم تعقيم كامل ولما شفتها يا حبيبتي قطعت قلبي كان نفسي أخدها في حضني لقيتها يا حبيبتي مليانه سلوك ومش مسموحلي إلا إني بس أدخل إيدي ألمسها طبعا إتدمرت نفسيا ولكي أن تتخيلي ألأيام ده عدت عليه إزاي وتاني يوم إستلمت إبني التاني ( أنا سميته عمر) وكنت متفقه مع الدكتور إني عايزه أستلمه وأشوفه لأني سألت شيوخ وقالولي ما دام دبت فيه الروح يبقى يتعامل معامله المتوفى ويدفن المهم زوجي طبعا شافه بعد الولاده مباشرة وأنا شفته تاني يوم وعملناله إجراءات الدفن كلها وإدفن في المقابر والحمد لله بس طبعا أنا كنت مدمره تماما وكل ما أتحايل على الدكاتره يخرجولي جنة ويجيبوهالي ميرضوش وكل ما أشوفها قلبي يوجعني وكمان لما إبتدت تتحسن راح جايلها صفره المهم مش هطول عليكي الحمد لله الفتره ده عدت على خير وخرجت أنا وهيه من المستشفى مع بعض بصراحه أنا وقفت لزوجي ولدكتور الأطفال وقلتلهم أنا من سابع المستحيلات أمشي وأسيب بنتي هنا لوحدها هعدلكم على باب العنايه المركزه لكن الحمد لله كانت إبتدت تتحسن وأخذتها معايا بس طبعا كانت ضعيفه قوي وصغنونه قوي فكل حاجه بتعملها ببطء شديد يعني مثلا سرتها لسه واقعه من يومين يعني بعد تلات أسابيع من الولاده .... وطبعا الرضاعه كلها صناعي بحاول أديها طبيعي لكن مفيش فايده متعب عليها جدا .... وهكذا بقى لكن الحمد لله أهم حاجه إنها بخير وبقت في إيدي وعرفت أشيلها ده كان حلم والله أنا كل ما أشيلها وأبصلها أقولها إنت خلصتي على صحتي يا جوجي بس مش مهم كله يهون بأمر الله المهم إنك تكوني بخير بس يا ستي ده الملخص المختصر للي حصل ربنا يارب يقر أعينكم كلكم بأولادكم يارب بس من غير ما يتعبوكم بإذن الله

الله يسلمك يا ميكو يارب ربنا يخليكي يا إشتقت يارب ويكرمك على سؤالك علينا يارب أبدا يا ستي هيه...

اشتقت اليك :

ميكو... كويس انك سألتى على التشققات ديه...و فعلا أنا سمعت كتير عن زيت الزيتون زي ما أوكسى قالت...بس المشكلة فى ريحته..... بس كنت عايزاكى تسألى هلى تستعمليه للبطن بس و لا لباقى الاماكن اللى ممكن تزيد مع الحمل.... وده لانى فى حملى فى انس مكنتش أعرف حاجة عن الموضوع ده و طبعا ماستعملتش حاجة...و بعد الولادة الله ما يوريكى...ظهرت الخطوط ديه مش بس فى بطنى...لا فى أعلى الذراع....و الفخد و البطن و عند الصدر كمان... طبعا جسمى كان عامل زي ما يكونوا اتنين شداد مسكونى و شدونى قصاد بعضهم بكل قوتهم... هو الشكل مش بيكون وحش أوي....لكن برده لو قدرنا نتفاداه بيكون أفضل.... و ربنا يكملك على خير

ميكو... كويس انك سألتى على التشققات ديه...و فعلا أنا سمعت كتير عن زيت الزيتون زي ما أوكسى...