اشتقت اليك :

هدي.... الحمد لله إن البنات ردوا عليكى باستفاضة.....بس أنا مقدرتش أشوفك فى القلق ده كله و ماردش عليكى.... هدي الموضوع مش محتاج القلق ده كله......الموضوع عايز شوية ترتيب و تظبيط..... و قبل كل شئ...هاسألك سؤال...هو ينفع إن حد يفضل سليم على طول.....مش كل واحد فينا معرض لشوية تعب و لا شوية لخبطة....وبناخدلهم علاج و يورحوا لحالهم....يمكن الفرق فى تأخر الحمل....إننا بناخد علاج...لكن الموضوع مرتبط بحاجة تانية مهمة....برزق....ربنا لما يأذن بيديهولنا.... المهم...هأقولك اللى أنا عايزاه فى كام نقطة ... أولا...زي ما قالوا البنات....بلاش نحكم على تحاليل قديمة....انسيها خالص دلوقتى....و خلينا بس نستخلص كام نقطة علشان تحكمى بيهم على التحاليل الجديدة.... - ضعف التبويض بيكون عرض لشئ تاانى..و لازم السبب يتعالج....و السبب ده ممكن يكون لخبطة هرمونات....أو برولاكتين عالى..أو سوء فى آداء الغدة الدرقية....يبقى تعملى التحاليل و بناء عليها تشوفى العلاج.... - لما تعملى التحاليل لازم ال FSH يكون أعلى من ال LH بنسبة كافية جدا...الضعف....و إلا يبقى فيه تكيس و لازم يتعالج....و للأسف فيه دكاترة كتير بيشوفوا النسبة متقاربة و بيقولو كله تمام.... ثانيا....أنا من راي البنات انك تسيبى أي دكتور مر على هذه الأرقام مرور الكرام..مهما كان لقبه أو شهرته....لانه كده كان عايز يدخلك على عملية من غير ما يظبطلك الأمور صح.....و ليا رأي...طالما هتثقى فى دكتور عادل و تبعتيله النتايج...طب ما تتعبى شوية كمان و تعمليله زيارة تفهمى منها الامور وجها لوجه...و ده هيكون أفضل ليكى....و هيوفر عليكى مجهود ووقت كبير.... ثالثا....طبعا دكتور العظام قالك تنسى الحمل دلوقتى لحد ما تعالجى ظهرك.....لكن انتى بس دوري و شوفى لو فيه حاجة فى الهرمونات مش تمام تستفيدي بالوقت و تظبطيها.....علشان لما حالة ظهرك تسمح بالعملية تكونى وفرتى وقت و ظبطى أمورك.... و أخيرا بالنسبة للبروجسترون....زي ما قالوا البنات.....بيتغير من شهر لشهر....و لو عالجنا السبب فى الضعف ممكن يتحسن لوحده...و لو ماتحسنش فعلاجه التنشيط.....و ديه هرمونات مماثلة للى بيفرزها جسمنا.....و بتعوض النقص و تظبط الأمور و تساعد الجسم على حدوث تبويض طبيعى .....فيبقى تخافى منها ليه (الموقف زي ما حد يقولك عندك برد و علاجه كذا....بناخد الدوا المظبوط و نبقى تمام) ...بس هو كل الاختلاف إنك مش هتاخدي التنشيط على الفاضى....لو ثبت ضعف تبويض هتاخديه لما تقبلى على العملية....و ان شاء الله استجابتك تبفى زي الفل....

هدي.... الحمد لله إن البنات ردوا عليكى باستفاضة.....بس أنا مقدرتش أشوفك فى القلق ده كله و ماردش...

اشتقت اليك :

هدي.... واضح ان تحليلك فعلا كان فى اليوم ال 21 ...لانه مستحيل يطلع كده فى الأيام الأولى... و علشان ترتاحى هاقولك المفيد.... فى النصف الثانى من الدورة هم كاتبين بيكون من 2 -25 لكن معظم الدكاترة بيقولو لو الرقم تحت 8 يبقى محصلش تبويض فى الشهر ده....او كان ضعيف... و لو من 8 لحد 10 يبقى حصل تبويض بس كفاءته مش تمام... فوق 10 ....معقول ...بس الأنسب للحمل إنه يكون فعلا فوق 15..... و الطبيعى لحد 25.....و فوق ده من غير تنشيط ممكن يكون حمل..... أما التنشيط فممكن يرفعه لأرقام كبيرة جدا...فوق الرينج ده ... ريحى نفسك....و عيدي التحاليل الشهر ده ...و بناء عليه تتصرفى...و كل حاجة ليها علاج يا قمر.....و متبصيش بقى للتحاليل القديمة

هدي.... واضح ان تحليلك فعلا كان فى اليوم ال 21 ...لانه مستحيل يطلع كده فى الأيام الأولى... و...

MIKOMIKO :

الدكتور اداني mothercare كريم لتشققات الحمل.

الدكتور اداني mothercare كريم لتشققات الحمل.

oxygenatom :

انا حعمل النهاردة لسة يا زينب LH,FSH,AMH

انا حعمل النهاردة لسة يا زينب LH,FSH,AMH