muslima627 :

الهدى أنا خليتك للأخر لأني عايزه أقولك حاجه كنت متردده أكتبهالك ولا لأ أولا بالنسبه للتحاليل البنات فادوكي جدا والحمد لله وأنا رأيي نقطع الشك باليقين وتعديهم أحسن وفي مكان موثوق فيه ثانيا وده اللي كنت عايزه أقولهولك إنت قلتي إنك كنتي بتروحي لدكتور إسمه محمد المليجي صح ؟؟؟؟ هو ده الدكتور اللي عيادته في التحرير ؟؟؟؟؟؟؟؟؟؟؟؟؟ لو هو اللي أنا أقصده وأنا أعتقد ذلك يبقى نصيحه مني يا قمر بلاش تروحي للراجل ده الله يخليكي هو في ناس كتي بيقولوا عليه بروفيسور واللذي منه وتروحي عيادته تلاقيها زحمه موووووووووووت وفيها من كل محافظه ومن دول عربيه كمان بس بصراحه أنا الراجل ده أذاني أذي كبير جدا وهو وحسبي الله ونعم الوكيل فيه السبب في كل اللي مريت بيه وربنا جعله سبب في تأخير حملي تسع سنين أنا كنت رايحاله كويسه وكنت متجوزه بقالى سنتين وكنت كويسه والناس اللي قعدوا يزنوا علي دماغي بيه ويحكولي عن شطارته وللأسف لما رحتله راح عملي عملية كي لعنق الرحم على الصاحي من غير بنج ومن غير ما ياخد رأيي حتى ولا يديني فكره ومن أول زياره أنا لما لقيت نفسي بموت وهصوت سألته بتعمل إيه قالي كي كنت هضربه برجلي طبعا الكي بالطريقه ده عملي كدمات جامده في عنق الرحم ونشفان فيه ربنا ينتقم منه وتاني حاجه كنت عامله أشعه صبغة نتيجتها إني كويسه ونورمال جه هو قالي لأ إنت مش نورمال وإن عندي إلتصاقات في الأنابيب و كتبلي على حقن تتاخد في الرحم لتسليك الإلتصاقات ده وأنا من سذاجتي رحتله تاني وأخدت معايا الحقنه الأولي وإدهالي وكانت أول مره في حياتي أعرف إني بعرف أصوت من كتر الألم مش عايزه أقولك إني كنت سليمه ومعنديش حاجه في الأنابيب وهو تسببلي في تشوه الأنبوبه اليمين وإنسداده تماما صعب تسليكها وإنسداد بسيط في الأنبوبه الشمال وكمان جالي نزيف بعد الحقنه ده قعد 40 يوم ولما رحت لدكتور تاني عملت تحليل حمل وقالي بنسبة تسعين في الميه إني كنت حامل وهو قتلي الجنين بالحقنه ده وإضطريت بعدها أعمل منظار ودخلت في دوامه بسببه وبسبب اللي هو عمله ومفيش دكتور رحتلهوشاف اللي هو عمله إلا ويخبط دماغه بإييده ويقول حسبي الله ونعم الوكيل فيه لدرجة إني فكرت أرفع قضيه عليه وأقفله العياده بس للأسف معرفتش لأني مش مقيمه في مصر بس يا ستي ده مختصر جدا لتفاصيل اللي هو عمله معايا بس أنا قلت للأمانه هقولك عليه وإنت بعد كده حره إما تكملي معاه أو لأ بس أنا حبيت أوضحلك الصوره وعلى فكره أنا كمان كان وداني مستشفى بدراوي وهي مستشفي رديييييئه جدا جدا لكن ياللا حصل خير وحسبي الله ونعم الوكيل فيه وربنا يا حبيبتي يقدرلك الخير يارب ويرزقك من حيث لا تحتسبي بكل ما تتمني حتى يرضيكي يارب آمين آمين آمين

الهدى أنا خليتك للأخر لأني عايزه أقولك حاجه كنت متردده أكتبهالك ولا لأ أولا بالنسبه للتحاليل...