زوزو يارب عمليتك تتم على خير
وبلاش تتأخري علينا يعنى اول ماتلاقي نفسك قادرة تقعدي تعالي وقوليلنا عملتي اية

ام انس وميكو ازيكو يا قمرات عاملين ايه

ازيك انتي يا ام اياد.

ميكو قوليلي زئزئة اخبارها ايه
وزيارتك الجاية للدكتور امتى ؟
يلا بقى روحي واعرفي حتجيبي اية
والله كلنا متشوقين نعرف نوع البيبي بتاعك وطالما دي كانت رغبتك من البداية فخلاص اعمليها
ونصيحة بلاش تحطي اهل جوزك في دماغك قوي كدة لسة حيحصل حاجات كتير
انتى لسه في بدايه الطريق
امال تعملي ايه لو عايشة في بيت عيلة زيي

انا مبسوطة
عشان قريت كل المشاركات بتاعتكو وحسيت وكاني قاعدة معاكو
بس انا متدايقة اوي
وعايزة احكيلكو انا متدايقة ليه
بصراحة هي مش موضوع يدايق
بس انا عندي احساس ان ربنا بيديني تحذير
انا الفترة اللي فاتت كنت غايصة شغل
لدرجة ان اوقات كتير كنت بروح على المغرب
ولولا ان جوزي مشغول ومش فاضيلي
وكمان مانكرش الحق هو متفاهم جدااااااااااااااااااااا
لولا انه ماتخانقش معايا بسبب تاخيري ده
المهم
النهارده
وبعد ما الموضوع اللي كنت باتاخر بسببه تم بنجاح
وهابدا استفيد من نتائج الشغل اللي فات
اتفركش الموضوع تماما
المدير قاللي انه هيعتذر عن الموضوع كله
ولا كاني بذلت اي مجهود
ولا كاني اتاخرت على بيتي
ولا كاني عملت اي تضحية
واللي يدايق اكتر
انه المدير ليه حق
لان في ناس بتنخرب وراه
وعايزين يوقعوه في اي غلط
وانا لو اقنعته انه يبقى ويناضل
يمكن يتاذي
بس والله يا جماعة حاسة ان الشر بيغلب
انا عارفة طبعا ان دولة الظلم ساعة ودولة الحق الى قيام الساعة
بس حواليا ناس كتيييييييييييييييييييير وحشين
ومسدقت لقيت ناس بتراعي ضميرها
بس قدر الله وما شاء فعل
بس بقى النقطة المهمة
اني حاسة بانذار من ربنا
انا متاكدة ان كل ده من ذنوبي
لو مبعملش ذنوب
كان وراني الدنيا جميلة
وكان رزقني باللي عندهم ضمير واللي بيتقو ربنا
وكان بعد عني اللي بيظلمو
وكمان احساسي بان الدنيا بتصفصف على الاشرار
وخايفة افضل فيها اكتر من كدة
ومتدايقة من نفسي قوي
وحاسة اني لازم بقى اتغير
واعدل المايلة في حياتي
متخليكو معايا كدة وركزو
اقولكو على حاجة بس متزعلوش مني
احنا فات على اقتراحي ليكو بقيام الليل لحد دلوقتي ليلتين
انا مامتش ولا مرة
بقول لنفسي مانتي مجهدة من الشغل وبكرة ان شاء الله هتقومي
بس خايفة افضل على الحال ده كتير
نيفو وام انس قالو انا معاكو
انا مش عايزة اكسل
عايزاكو تشجعوني
تهزاوني
اتريقو عليا وعلى اقتراحاتي اللي مش عارفة اطبقها على نفسي
عايزة اشخط في نفسي واهزاها على الكسل والتقصير اللي انا فيه ده
عايزة اقوم بالليل يا جماعة
عايزة اكلم ربنا من قلبي
نفسي اشوف كل الناس حلوين وطيبين وربنا بيحبهم وبيحبو ربنا
نفسي احس انه راضي عني
وان ذنوبي مش واقفة بيني وبينه
نفسي اكون كما يحب الله ويرضى
نفسي مصر متتخانقش مع الجزائر
ومنخليش الشياطين تلعب بينا كورة
نفسي كل الناس تشوف الدنيا على حقيقتها ومتتغرش بمناظرها
انا اكتر واحدة اتدايقت عشانها لما اتكلمتو عن الماتش كانت المشتاقة لمكة
عارفين
انا بحب اسمها جدا
واسمها ده مخليها في عيني كبيييييييييييرة جداااااااااااااا
باي وش هافرح لما تكون هيا متدايقة
وباي وش هافرح لمصر انها غلبت واطفال غزة عريانين جعانين مرضى ايتام في كل حتة
انا مش هقول مفرحتش
انا فرحت لانهم كلهم من الكبير للصغير لكل الفئات قالو كلمة واحدة بصوت واحد ولجاو لله
كل المصريين اتجمعو
طب ليه مش بيتجمعو ويخرجو من بيوتهم ينضفو الشوارع
ليه مش بيقوموا كل يوم يصلو الفجر ويشجعوا بعض
ليه ليه ليه
حجات كتيييييييييييييييرة واجعاني ومدايقاني
ومش شايفة لاي حاجة فيها حل
غير اني اقدر على نفسي دي واعدلها واظبطها واحاسبها حساب عسير
لحد ما تتعدل معايا وتعرف ان الله حق