كوبونات الراقية تسجيل الدخول

totta_55
totta_55 •
السلام عليكم ورحمة الله وبركاته

انا جيت متأخر امبارح يا رمال زي ما قلتي علشان كدة مش عرفت احكيلكو امبارح

قابلت د حسام بعد انتظار طويل بس الحمد لله علي كل حال ، قالي ان نوع التنشيط اللي انا اخده بينفع مع ناس ومع ناس تانية مش بيكون كويس ، لأنه لاحظ اثناء التنشيط تحليل الهرمونات اللي كدة بعملة كل مرة في متابعة التبويض ان هرمون LH بعد ما كان بيقل وماشي كويس فجأه بدأ يعلي وده مؤشر مكنش كويس بس اللي كان مطمنه ساعتها ان هرمون P2 كان بيقل طبيعي ، تقريبا ده اللي انا فعمته من الشرح بتاعه ،علشان كدة هوا ناوي يتبع نظام تاني في التنشيط.

وقالي ان البويضات بتاعتي مكنتش كويسة اوي علشان كدة مقدرش يرجع في اليوم الخامس لازم علي الأقل يكون في خمس أجنة من الدرجة الأولي ، وقالي ان الأجنة اللي هوا كان مرجعة كويسين جدا بس ربنا مش رايد والحمد لله

وسألته علي تقنية جديدة كنت قريت عنها اللي هيا تقشير البويضة علشان تساعد علي ثبات الأجنة أكتر ، فقالي اني مش محتاجة التقنية دي وعلي العموم هوا لو شايف اني محتاجاها اكيد هيعملها من غير كلام بس بالعكس البويضات عندي قشرتها رقيقة

وسألته علي لو محتاجة اروح لدكتور علشان موضوع تجلط الدم قالي برده لأ انتي حالتي طبيعية مش للدرجة دي وانا لو شايف انك محتاجة من الأول كنت وجهتك لكدة وقلتلك تروحي

يعني من الآخر انا حسيت ان كل حاجة كويسة بس ارادة ربنا هيا اللي كان لسة مش اوانها

وصحيح في تحاليل قالي اعملة قالي علشان زيادة تأكيد ان معنديش حاجة بتمنع ثبات الأجنة ، قالي تحليل بيوضح لو انا عندي حاجة بترفض استقبال اي حسم غريب وبتطرده ، فسألته هوا ده تحليل الأجسام المضادة ، فقالي لأ ده حاجة تانية فعملة ةنتيجة بتطلع بعد 10 ايام

ربنا يسهل والله نفسي يطلع التحليل ده في حاجة علشان الواحد يرتاح ويحس ان في سبب علمي للي حصل

وعلي فكرة انا بدأت في حبوب منع الحمل من ابمارح وقالي لازم نبدأ علطول علشان منديش فرصة للاندو انها ترجع تاني

ادعولي يا بنات مع اني حاسة اني اتخدت علي مشمي ومكنتش مستعده اني ابدأ علطول كدة ربنا يستر يا رب


totta_55
totta_55 •
رمـــــال رمـــــال :
زينب .. حبيبتى ياترى عاملة ايه دلوقتى بعد التنظيف يارب يقومك بالسلامة ميكو .. عاملة ايه يا حبيبتى روحتى للدكتور المتابعه ولا لسه .. مش كان معادك النهاردة مهاميهو راجعه لك مخصوص يا قلبى .. بس لاحقا بعد اذنك كوكر .. عاملة ايه وازاى كريم كراميلا ده عامل ايه ربنا يحميه يارب اوكسى حبيبتى .. انا مستنيه معادك مع دكتور عادل جداااا ونفسى اطمن عليكى واعرف هتعملى ايه يا قلبى قلبى معاكى والله وبدعى لك ربنا يكرمك ويحفظك ام اياد .. ازيك يا حبيبتى عاملة ايه وازى ايديكى دلوقتى معلش انا كنت فاكراكى عندك برد .. تقريبا حد كتب انه عنده برد وانا اتلخبطت وافتكرتك انتى بعد الشر عليكى .. وعلى فكرة ضحكتينى مووت على كلمه الرجالة داخلين بالمجهود دمك زى العسل ماما .. ازيك يا مامتى عاملة ايه جهزتى نفسك للحج ولا لسه .. ادعى لى انا وزوجى ربنا يرزقنا الحج او العمرة وياريت تلبغى سارة سلامى الحااااار جداااا وقوليلها وحشانى خالص توتا .. ايه يا توت اخبار الجلسة اللى كانت مع دكتور حسام .. اكيد رجعتى متأخرة من عنده علشان كده مش دخلتى لنا .. يارب تكونى اتطمنتى وكلامه ريحك .. مستنياكى تطمنينا دودو .. ايه يا دوددو انتى فينك يا بنتى ايه الاخبار عملتى المنظار ولا لا ؟؟ طمنينا عليكى يا حبيبتى شيمو .. انتى فين وعاملة ايه يا جميل اوشى .. انتى فييييييين .. انا قلت لك تشغلى نفسك شويه مش تنشغلى عننا .. ايه يا حبيبتى اللى واخدك مننا بس طمنينا عليكى بلييييز مسلمة .. ياترى يا مسلمة انتى عاملة ايه يا حبيبتى .. قلبى معاكى وربنا يعينك يارب .. بندعى لك كلنا بنوتتك تقوم بالسلامه وياريت ياريييت صديقتك تطمننا على بنوتك اول ما تبقى بخير يا قلبى علشان طول ما مفيش حس عنكم كده بنقلق اكتر يارب صاحبتك تشوف كلامنا ده علشان تكلمنا وتقول لنا اى حاجه نيفو .. الف مليون سلامة عليكى يا حبيبتى .. الحصوة قلنا ميت مرة عايزة راحه وانتى اول ما بتشمى نفسك تجرى هنا وهناك وتلعبى اكروبات فى الشقه .. لا يا قلبى .. ريحى نفسك ولو ناوية تأجلى التفتيت لبعد العيد يبقى تريحى نفسك وبلاش حركة كتير ولو انى رأيى انك لو مفيش اى موانع تعمليه قبل العيد يكون افضل علشان تعيدى وانتى مبسوطة شوشو .. ايه يا حبيبتى ليه عندك ملل بس .. احنا مالنا كلنا مخنوقين ليه .. معلش يالا نزق الايام الوحشه علشان تيجى الايام الحلوة .. والعشرة الاوائل من ذى الحجة بيهلوا علينا اهه وكلها ايام خير وبركة وفرج من ربنا .. ودى حاجه كفيلة تخلينا كلنا نغير مودنا يالا بقه يا شوشو نزلى الهم بقه شويه من على راسك مييييييييزووووووو .. لا انا قلت انك خلاص عقدتك اتفكت .. وهتبقى معانا يافرحة ما تمت :35: .. يالا تعالى لنا بقه الملف كان حلو بيكى
زينب .. حبيبتى ياترى عاملة ايه دلوقتى بعد التنظيف يارب يقومك بالسلامة ميكو .. عاملة ايه يا حبيبتى...
مهاميهو
انتي طيبة اوي وحساسة اوي علشان كدة اتأثرت جامد لما حصل اللي حصل في الشغل عندك
بس يا حبيبتي لازم تبقي اقوي من كدة لأن الدنيا فيها الخير والشر وعمرك مهتلاقي الخير بس او الشر بس

وبالنسبة لأن ربنا غضبان عليكي لأ طبعا وزي ما البنات قالتلك ان ربنا اذا حب عبد ابتلاه
يعني انا متأكدة ان بنا بيحبنا جدا جدا وصدقيني انا في كلمتين بحبهم اوي وعايزاكي تركزي فيهم وربنا يهدي بالك ان شاء الله
ما منعك إلا ليعطيك,
ولا ابتلاك إلا ليعافيك,
ولا امتحنك إلا ليصافيك,
ولا أماتك إلا ليحييك,
ولا أخرجك إلى هذه الدار إلا لتتأهب منها للقدوم عليه ولتسلك الطريق الموصلة إليه.

اقري الكرمتين اللي فاتو دول كويس وهتلاقي نفسك مرتاحة اوي لما تعرفي ان ربنا لي حكمة في كل حاجة بتحصل حتى لو شر من وجهة نظرنا

وبالنسبة لقيام الليل انا من رأي شوشو ان ممكن نقوم قبل الفجر بساعة نصلي ونقري قرآن وندعي ونستغفر لغاية ما الفجر يأذن وان شاء الله ربنا يتقبل مننا وانا ان شاء الله معاكو بس اطهر واصلي واشجعكو
ومتخليش الشيطان يقلك انتي تعبانه وخليها بكرة مفيش بكرة في النهاردة وبكرة وبعده ولو تعباة قومي صلي ونامي علطول مش هتفرق معاكي حاجة
يالا مش عايزين نضرب ماشي
ربنا يديكي ويريح بالك يا رب
totta_55
totta_55 •
مشمشتي

بحبك اوي والله ومعاكي حق في كل كلمة قلتيها
بس انا مش عايزاكي نغيري فكرتك عن مصر والمصريين والله احنا طيبين اوي بس مشكلة الشعب ده انه مش لاقي حاجة تجمعة وتفرحة غير الكورة ، انا معاكي ان المفروض الواحد ياخد الموضوع بهدوء اكتر من كدة لأن الموضوع ابسط مما نتخيل
وعجبتني اوي جملة ان لو مصر اتأهلت لكأس العالم عمرها ما هتاخد كأس العالم ولو الجزاير كذلك

بس والله صدقيني الي احنا في ده من طبيتنا وان الناس مصدقت اجمعت علشان هدف واحد ، والغلط اننا نغلط في بعض المفروض كل واحد يشجع بلده بإخلاص وبأدب بس المشكلة في المجموعة المشاغبة اللي سوءة صورة البلدين قدام بعض

بس ان شاء الله نرجع كويسين وننسى اللي حصل لأن مش ممكن هنفضل فاكرين الأحداث دي طول عمرنا

وطبعا لازم تيجي مصر وتبقي الدليل لأهلك ولكل اقاربك علي الأقل اننا شعب طيب زي ما كنتو فاكرين وان الجزء الوحش اللي فينا مش ممكن يعم علي الجميع ، زي ما احنا برده بنقول عليكو ان اكيد المشجعين المشاغبين اللي جم مصر مش ممكن يكون الشعب الجزائري الجميل كلة من نفس العينة

يعني بإختصار خلاص الماتش خلص خلاص والمفروض ان ميكونش ليه عواقب تأثر علي مستقبلنا ونفسنا ولازم نعمل ده احنا أولا قبل ما نطلب من حد تاني انه يعمله
فهماني يا مشمشتي يا لازم تيجي مصر ومتخفيش صدقيني الدنيا دلوقتي هديت جدا ولازم تكملي المشوار انتي ليكي هدف ولازم تحققية حتى لو يا سيتي هتنحتي الصخر لكن مش نستسلم كدة علطول

انا رغياية اوي النهاردة بس ياريت اكون قدرت اوضحلك الصورة واطمنك علي قد ما اقدر

وان شاء الله تبقي مصر سبب في حملك يا رب علشان ترجعي وانتي بتحبيها زي زمان واهلك كمان يحبوها

MIKOMIKO
MIKOMIKO •
صباح الخير يا احلي بنات.
رمال: انا معادي مع الدكتور يوم الاتنين اللي جاي ان شاء الله.
ام اياد. ربنا يخليكي علي سؤالك بس انا قررت بيني و بين نفسي اني حستني شوية علشان اعرف نوع البيبي علشان انا حتكسف اني اسال الدكتور بعد ما قولتله اني مش عايزة اعرف.
د.وداع
د.وداع •
MIKOMIKO MIKOMIKO :
صباح الخير يا احلي بنات. رمال: انا معادي مع الدكتور يوم الاتنين اللي جاي ان شاء الله. ام اياد. ربنا يخليكي علي سؤالك بس انا قررت بيني و بين نفسي اني حستني شوية علشان اعرف نوع البيبي علشان انا حتكسف اني اسال الدكتور بعد ما قولتله اني مش عايزة اعرف.
صباح الخير يا احلي بنات. رمال: انا معادي مع الدكتور يوم الاتنين اللي جاي ان شاء الله. ام اياد....
اشتقت اليك...
متشكرة ليكي
انا كده كده حعمل زي ما يقول الدكتور ونزولي انا محدداه من شهرين وحاجزة بعد الحج خامس يوم العيد ان شاء الله
وربنا يستر د
عواتكم
كلامك جميل ياتوتة
ربنا يعوض عليكي
ويخلفك خيرا مما فقدتي عاجلاغير آجل ان شاء الله