mahaadham :

بالتفصيل الممل انا رحت المعمل الساعة 9 الصبح زي ما طلبو مني ومعايا الحقن اللي طلبوها حقنة صبغة كبيرة 20 مل وحقنة مسكن للرحم وحقنة مخدر للرحم المهم اديتني البنت الحقنتين التانيين وقالتلي تعالي على الضهر اما رجعتلهم ركبو الاجهزة في المهبل وبداو يحقنو الصبغة انا طبعا حسيت باوجاع بس ميزتها انها بتروح بعد ثانيتين من ظهورها لكن في الاخر وجعتني جامد لكن محسستهمش بحاجة عادي زي وجع الدورة زي ما الناس بتقول فقاللي الدكتور لما مقلتش اي ملحوظة انتي هتحسي بوجع وهيروح بعديها على طول لما تحسي بيه قوليلي فقلتله مانا حاسة بيه برضو مفيش ثواني وراح الوجع فقاللي ها اخبار الوجع ايه فقلتلك خف جدا الحمد لله بس يا ستي لقط لقطتين اشعة في اثناء الكلام ده وبعدين فك الاجهزة وقمت تعبانة وبارتعش نفس الام الدورة بالظبط بس والله يا بنتي كان بتعدي عليا دورات بتوجع اكتر من كدة المهم قالولي خليكي جنبنا ربع ساعة متقعديش وافضلي اتمشي متقفيش وممكن ينزل عليكي بواقي الصبغة وافرازات وكمان دم وكل ده طبيعي وفعلا بس حجات بسيطة مش تخض ولا حاجة المهم بعد ربع ساعة حسيت اني عايزة ادخل الحمام ولاحظت الافرازات والصبغة والدم بس مش دم صريح مخلوط بالحجات التانية المهم دخلت للقطة الاخيرة وساعتها كانت كل الاوجاع راحت تماما الحمد لله اللقطة الاخيرة بقى مفيهاش اي حاجة نمت على الاستاند ولقطو الاشعة وقمت

بالتفصيل الممل انا رحت المعمل الساعة 9 الصبح زي ما طلبو مني ومعايا الحقن اللي طلبوها حقنة صبغة...

زينب ابراهيم :

السلام عليكم ازيكم يا بنات؟ انا لسه داخله البيت حالا يادوبك غيرت هدومى اما انا شفت حتة يوم ما يعلم بيه الا ربنا احنا نزلنا امبارح من البيت الساعه 7 الصبح عشان اروح اعمل التنضيف وطول الطريق حاسه بألم فظيع جدا اسفل البطن بيجى ويروح فقلت لجوزى على فكره انا عندى طلق هو طبعا مصدقش عشان عارف ان الطلق ده للى بتولد بس انا كنت متأكده ان ده طلق من وصف الناس ليه يعنى ومطابقته لحالتى المهم وانا يادوبك على باب المستشفى حسيت ان فى حاجه نزلت منى سبحان الله زى ما تكون راس بيبى طبعا ده كان تجمعات دم وحسيت بالدم بيجرى على رجلى فى ثوانى دخلونى غرفة الولاده ولسه الطلق شغال وكل طلقه تيجى تنزل تجمعات دم بعدها بنص ساعه الدكتوره جت وعملتلى سونار لقت كيس الحمل نزل فقالتلى خلاص هاسيبك مع نفسك لحد ما تخلصى يمكن مانحتاجش لعمليه وادتنى طلق صناعى كمان عشان يساعد معايا والله ما عارفه اقولكو ايه انا فعلا كنت حاسه انى بولد من كتر الالم 10 ساعات اعانى من الطلق وبين الطلق والتانيه اكتر مده كانت 5 دقايق لحد الساعه 5 المغرب كنت بموت بس وطلعت من غرفة الولاده على الاوضه اللى كنت واخداها من المغرب امبارح كانت تقريبا كل التجمعات الدمويه نزلت فالالم قل والوقت ما بين الطلقه والتانيه زاد وكل شويه يعملولى سونار عشان يشوفوا ايه الاخبار وفضلت تحت الملاحظه لحد من شويه اما سمحتلى الدكتوره انى اروح ياااه دانا نزفت نزيف حاسه انى اتصفيت واحده صاحبتى جت زارتنى اتخضت من شكلى بس الحمد لله انها عدت على خير حبيت اطمنكو عليه وبعت جوزى يشترى شوية حاجات لاحسن لو شافنى قاعده كده هاياكولنى يالا اسيبكو بقى واقوم اريح شويه وان شاء الله ارجع لكو بكره سلاااااااااااااام عليكو

السلام عليكم ازيكم يا بنات؟ انا لسه داخله البيت حالا يادوبك غيرت هدومى اما انا شفت حتة يوم ما...