نيفو حمدالله على سلامتك يا حبيبتي
وربنا يجعله في ميزان حسناتك إن شاء الله بس ياريت ياحبيبتي فعلا تروحي لدكتور كويس علشان يعرف يعالجك
وبإذن الله ترتاحي يارب

زينب زبيبة مبروك الخساسان يا غزال وعقبالي يارب

أوشي الحمد لله إنك إتطمنتي وإن كل شيء كويس عقبال إن شاء الله ما تولدي بالسلامه وتاخديهم في حضنك إن شاء الله

ميكو ياللا بقى روحي إعملي السونار بس بالله عليكي إبقي إعرفي نوع الجنين وتعالي قوللنا
نفسي تبقي حامل في بنوته علشان جنه يبقى ليها إخوات

أحسن الأطفال هنا كلهم ذكور حاجه كده خشنه مينفعش تتصاحب

توتا وأوكسي أنا إمبسط قوي إنكم إبتديتو خطوات للعمليه التانيه يارب إن شاء الله ربنا يكلل تعبكم بكل خير ويرزقكم فيها المره ده إن شاء الله

رمال سلامه أنس باشا من كل سوء يارب ربنا يحفظهولكم
بس قوليلي بتعالجيه إزاي بأعشاب وعرفتي العلاجات ده من فين

إشتقت فينك يا قمر تعالي بقي وقوليلي أخبار روقان باشا وقوليلي على فكره إن كنت إنت روقان فعروستك جنه غزاله هانم
أصلها عايشه بدماغها ههههههههه من دلوقتي

رورو أنا متعرفتش عليكي كويس بس والله حبيتك علطول
وربنا يكرمك على نشاطك وعايزينك كده دايما

هدي سلامة ظهرك ياللا قومي بقى بلاش دلع وتعالي طمنيني عليكي

بوبا إنت فيييييييييييييييييين المفروض معاد تحليلك النهارده
تعالي قوليلنا إيه الأخبار

كوكر إزيك وإزي كريم باشا عاملين إيه لوحدكم بعد ما رجعتم من مصر

أم أنس متغبيش كتير وتعالي قوليلي عملتي إيه بعد الحقنه إياها ووصلتي لفين دلوقتي

ماما مبروك الحج وربنا يتقبل منك يارب
طبعا لازم تصلي إستخاره علشان تعرفي تبتدي في العلاج ولا لأ بس أنا رأيي إبتدي وتوكلي على الله إحنا أولى بالوقت ولو على الناس تتعوض بعدين وإن شاء الله بدل ما ييجو يباركولك على الحج يبقوا ييجوا يباركلوك على البيبي بإذن الله

سارا ربنا يتمملك بكل خير يارب قوليلي إنت رجعتي الشغل ولا لسه

المشتاقه يارب خطواتك كلها تكون ماشيه على خير في تونس يارب
ويارب ترجعيلنا بأحلى خبر يارب

فاطمه سلامة حماكي وياللا بقى شدي حيلك وقوليلنا هتروحي لجنين إمتى
طبعا مش هقولك أنا تحت أمرك في أي سؤال ده حاجه مفروغ منها
ولا تحبي أجيبلك الفنكه
هههههههههه

بطه فينك بتغيبي كتير ليه تعالى وخليكي معانا علطول عايزن نطمن عليكي أول بأول

دودو إنت فين بقالي كتير مشفتش مشاركاتك تعالى بقى

أم إياد ربنا يكرمك يارب ويوفقك ويكرمك بنونو جميل يارب

شيمو على فكره أنا بحبك في الله قوي وربنا العالم

وداع مبروك الحج
وإن شاء الله ترجعي من مصر وإنت فاهمه حالتك كويس وحامل بإذن الله بس إنت إستمري على العلاج والمتابعه مع الدكتور

يارب مكنش نسيت حد يارب
أنا والله بحاول أحارب الزهايمر بكل الوسائل
ربنا يستر ومحدش يقول نسيتيني

مرمش و فرفش

حزن مسلمة و هيا ننشر الخير الله يسلمكم يارب تسلموا على السوال و ان شا ء الله سنه هجرية سعيدة عليكم و على كل البنات

و باسلم عليكم واحدة واحدة
ام انس
ماما حمد الله على سلامتك

ميكو - رمال - بوبا - د وداع - نيفو - ام اياد - اوشى ام القمرات

- شيمولاتا - مها - اوكسى - اشتقت اليك -كوكر -مميزات اللى غايبة عننا -فاطمة - زينب-سارة
بطه نور و توتا

اوكسى القمح قصدك القمح المبرعم ؟ ازاى اعمله مش فاهمه طريقة دكتور حميل القدسى

ياخلاسى ياناس ياسكر ياعسل ياتى كميلة ايه الشربات ده يانيفوو
يارب يرزقنا كلنا بنونهات عساسيل كده
بجد انا فرحت قوى لما شفت الصورة
ربنا يخليكى ليا يانيفوو