انا جوزي نزل يقابل واحد صاحبه فقدرت ادخل بالنت.
زينب: الف مبروك علي ال 2 كيلو و عقبل ال 4 الباقيين. و علي فكرة عصير الاناناس بيخسس و كمان الشاي الاخضر الصيني.
حزن: ازيك يا قمر و عقبال ماتنزلي الباقي ان شاء الله و ربنا يكرمك بالحمل.
انا حجزت الاشعة ال4d يوم الثلاثاء ان شاء و التقرير بستلمه بعدها بيومين ف***** الله اول ما استلمه حطمنكم.
اوشي: حشوف انتي كتبتيلي ايه و خلي بالك علي نفسك و اياكي ثم اياكي من شرب القرفة و الجنزبيل و حبة البركة.انا كنت لسه عندي حمات من اسبوع و قالتلي علي الجنزبيل و حبة البركة مش كويسين للحامل. انا كنت اعرف عن القرفة بس مش الباقي.
نيفو: انا اعرف دكتور انف و اذن و حنجرة كويس في باب اللوق اسمه محمد شفيق خليفة. هوا دكتور كبير في السن بس محترم جدا و شاطر.
انا جوزي نزل يقابل واحد صاحبه فقدرت ادخل بالنت.
زينب: الف مبروك علي ال 2 كيلو و عقبل ال 4...
ما تستغربيش كلمتى ... بجد انا بتبسط جدا لما بلاقى حد فيكوا بيوصل لسبب تأخر الحمل ده فى حد ذاته انجااااااز .. والله بكون سعيدة جدا وبحس انها النهاية لالم استمر لمده طويلة وبداية جديدة لفرح بأمر الله ..
وانتى المفروض تفرحى يا حبيبتى ان ربنا كرمك ويسر لك الخير بالشكل ده .. ايوة ربنا يسر لك الخير يا حزن يا حبيبتى ربنا عالم بحالك ان ظروفك صعبه ومش هتقدرى تنزلى مصر دلوقتى علشان كده يسر لك المنظار .. الحمدلله والشكر لله .. شوفى بقه البطانة المهاجرة بقت حاجه عاملة زى التكيس كده يعنى معانا كذا اخت بتتعالج من الحاية دى وان شاء الله انتى طالما مع دكتور عادل ما تقلقيش انتى اخدتى المسار الصح اللى هيوصلك بعون الله لامنيتك يا حبيبتى .. بس طمنينا على اخبارك دايما يا حزن ماتسيبيناش بقه ماشى