رمـــــال
رمـــــال
صحيح هو انتو ليه ماكملتوش فى الملف التاسع ؟ ورجعتو للتامن تانى؟ انا كنت عاوزة اسالكم على حاجة تعرفو حاجة عن هواء الرحم مش عارفة ليه انا حاسة انى بعانى من المشكلة دى وخصوصا قبل البريود بحس بيها كتير قوى
صحيح هو انتو ليه ماكملتوش فى الملف التاسع ؟ ورجعتو للتامن تانى؟ انا كنت عاوزة اسالكم على حاجة...
حبيبتى بوبا احنا مش كملنا فى الجزء التاسع علشان قولنا نخلص الجزء الحالى زى ما اتعودنا ولما يخلص ننقل على اللى بعده .. وربنا يكرمها شيمو عملت لنا الجزء بدرى بدرى علشان احنا كل مرة بنحتاس لما بيتقفل الملف ونقعد نلف حوالين نفسنا عقبال ما نتلم تانى على بعضنا .. ربنا يبارك فيكى يا شيمو يا عسل
بالنسبه لموضوع هوا الرحم .. بصراحة يا بوبا انا معرفش الموضوع ده حقيقى فعلا ولا تهيؤات لانى مسمعتش دكتور عادل بيتكلم عليه ولا مرة ومسمعتش عنه الا فى المنتدى هنا وبس
مش عارفه لما قريت عنها فى المنتدى حسيت انها اشتغالات
ومش سبب حقيقى لتأخر الحمل
عموما بردو انا مقدرش افتى لك انا معرفش عن الموضوع كتير اكتر من اللى موجود على المنتدى الافضل انك تسألى دكتور وهو يجيب على السؤال ده علشان كلنا نستفيد بردة
وعلى فكرة انا بحس بهوا احيان كتير بيخرج منى بردة بس
رمـــــال
رمـــــال
يادي الكسوف تقصدي السي في وانا اقول يمكن ناسية حرف او كلمة خخخخخخخخخ يلا بسم الله نبدأ الاسم المستعار ياسمونا مدة الزواج 3 سنوات العمر 30 :( سبب تاخر الحمل ضعف شديد بالمبايض:eek: والدورة ما تنزل :angry2: نوع العلاج حاليا عملية اطفال الانابيب حملت واجهضت بالشهر الرابع وبدون سبب طبي مسنترة بقسم تاخر الحمل وبتجمع الانابيب والمجهضات ايش حابين تعرفوا تاني ؟؟؟:22:
يادي الكسوف تقصدي السي في وانا اقول يمكن ناسية حرف او كلمة خخخخخخخخخ يلا بسم الله نبدأ ...
ياسمونا .. اهلا بيكى يا قمر منورة الملف بتاعنا .. ونتمنى انه يكون وشه حلو عليكى يا حبيبتى وربنا يكرمك بالذرية الصالحة وانتى وسطينا يارب
اسمحيلى اعلق على السى فى بتاعتك يا قمر .. انا عايزة اعرف ايه سبب ضعف التبويض عندك وليه ما حاولتيش تكتشفية وتعالجية قبل ما تفكرى فى العمليات .. لانك حتى لو عملتى العملية هيحصل اجهاض تانى .. لانه حصل قبل كده لما حصل حمل طبيعى .. مش كده يكون الافضل ندور على سبب الاجهاض علشان نتفاداة من الاول كده .. ولو فعلا اكتشفتى السبب هتعرفى تحافظى على حملك التالى سواء حملتى طبيعى او بعملية ..
يعنى انا رأيى ان الخطوة المنطقية دلوقتى مش العملية خاااااالص الا لما تكتشفى سبب الضعف اللى عندك وهو ده المفتاح للمشكله بتاعتك يا قلبى .. وربنا يبارك لك يارب فى اى حمل هيحصل ويارب ما يحصل اجهاض تانى اللهم امين
رمـــــال
رمـــــال
صباح الخير لكم جميعا إزيكم يا أحلى قمرات أنا آسفه جدا مارديتش على حد الأيام اللي فاتت أصلي كنت طالعه رحلة 3أيام وكنت جدا مشغوله أولا د . وداع صحيح دانة هو اسم البنوته الي بتمنى من كل قلبي ربنا يرزقني بيها ويرزق كل وحده فيكم بإذن الله ثانيا برد عليكي يا عسل هيا ننشر الخير ده صحيح وربنا يكرمني بيها ثالثا ماما حج مبرور وذنب مغفور وعقبال الجميع رابعا فطومه الأمورة ربنا يعوضك خير بإذن الواحد الأحد خامسا أوكسي إنت فعلا أوكسجين للكل بسبب روحك الجميلة جدا سادسا توتا الجميله إزيك يا عسل إنتي أول وحده كلمتها من التجمع لكل البنانيت الحلوين صباحكم فل وياسمين
صباح الخير لكم جميعا إزيكم يا أحلى قمرات أنا آسفه جدا مارديتش على حد الأيام اللي فاتت أصلي كنت...
اهلا بيكى يا دانة يا حبيبتى شرفتى الملف .. اسمك حلو اوىىىىى ويارب يارب تجيبى بنوتة وتسميها الاسم الحلو ده ..
ربنا يكرمك يارب بالذرية الصالحة وتجيبى بنت وولد كمان يكون توأم معاها علشان تبقى جبتيهم دفعه واحدة
رمـــــال
رمـــــال
إيه يا عم الجمال ده إنتى خريجة طب ولا إيه ريمو ماشاء الله ولا حول ولا قوة الا بالله و الله يا ريمو أنا فعلا بضرب أخماس فى أسداس وسألت الدكتور عادل وقالى إن ليس لها علاقة بس أنا برده مستغربه تخيلى بقالها 4 سنين بتيجى كل 28 يوم بالساعة .... وفجأه فى نفس شهر الأشعة بالصبغة تنزل فى اليوم ال19 و الشهر اللى وراه تنزل فى ال16 ... صدفه لافته للنظر وبالنسبه لأخبارى دكتور عادل لقى فى نسبه تكيس وبناء عليه إدانى سيدوفاج وهبدأ تنشيط بعد شهرين إن شاء الله ولو لم يحدث حمل هعمل المنظار
إيه يا عم الجمال ده إنتى خريجة طب ولا إيه ريمو ماشاء الله ولا حول ولا قوة الا بالله و الله يا...
حبيبتى رورو .. ايه الشعر اللى بتقولية فيا ده يا بنتى والله انتى كلك ذوق وانسانية ربنا يخليكى ومايحرمش مصر وشعب مصر منك ابدا ..

انا طبعا متخيلة حالة التعجب اللى انتى فيها دى .. احيانا حاجات بتحصل مش بيكون ليها علاقه بشئ او مش بتكون مرتبطة بشئ بس عقولنا بتحاول تدور ليها على سبب منطقى علشان ترتاح من ناحيتها ومش بتلاقى غير حدث معين وتحاول تربطة بيها علشان القصه تكون مفهومه للعقل ومفسرة .. بس عارفه الموضوع ده متعب بشكل غبى .. فا الاحسن اننا نقبل الشئ على كنهه وماندورش كتير وراه .. انا بقوللك الكلام ده لان حصلت معايا حاجه وعمالة ادور ليها على تفسير الى الان ومش عارفه وقعدت اربطها بحاجات ودماغى ورمت فاقررت انى اقبلها على عيبها وانتهى ..
فا نصيحتى انك طالما ارتحتى من كلام دكتور عادل وقاللك ان كله تمام يبقى ارمى من على نفوخك وفضى عقلك وذهنك للعلاج بقه ..
بس انا عايزة اعرف هو دكتور عادل قاللك ان فى تكيس بناء على التحاليل اللى عدتيها ولا بناء على ايه .. مش كنتى هتعيدى تحاليلك فى المختبر تانى علشان هو كان شاكك ؟؟ياترى انتى عملتيها تانى ؟








رمـــــال
رمـــــال
مساااااااااء الخير وحشتوني جدا انا غبت عنك للشديد القوي جداجدا انا يوم الخميس مريت بتجربة صعبة ورغم انه عدت بسلام بس هزتني وتعبتني جدا صحيت اصلي الصبح واتفاجات بنزيف واتخضيت اوي لاني قبلها باسبوع كنت عند الدكتور وطمني قررت اني ارجع له تاني اعرف اية اللي حصل ونمت شوية ع السرير لحد مواعيد العيادة لان الوقت كان بدري اوي بس شوية بقى في كتل دم متجمد وهنا انهرت وعيطت للحظة حسيت اني حلمي بيضيع مني المهم وصلت العيادةوانا وخالاتي في حالة مايعلم بيها الا ربنا بس الحمدلله حتى قبل السونار الدكتور طمني وعمل السونار واتاكدت من النبض وعنق الرحم مقفول وقال لي دة دم خارجي وغالبا المشيمة اتحركت شوية ونصحني اريح يومين مع اني محبوسة اصلا في البيت مش بخرج خالص الا للدكتور المهم ان اتحدد لي يوم الخميس الجاي ان شاء الله لعملية ربط لعنق الرحم لانه قصير شوية والضغط بيزيد عليه (والدكتور منعني خالص من السفر يعني مش حشوف جوزي الا على طريقة زوروني كل سنة مرة) انا الحمدلله دلوقتي احسن كتير وفي مش فاضل غير يربطوني في السرير بالحبل النزيف وقف والامور استقرت
مساااااااااء الخير وحشتوني جدا انا غبت عنك للشديد القوي جداجدا انا يوم الخميس مريت بتجربة...
بجد والله ماعارفه اتلم على روحى يا بنتى انتى رعبتينى
انتى متعرفيش انا مخضوضة قد ايه دلوقتى عليكى حتى بعد ما طمنتينى عليكى لسه مرعوبة من الخضه
الله يكرمك ياسارة بعد كده ابقى طمنينا الاول وبعدين اكتبى اللى عايزة تقوليه يا حبيبتى ..
ويارب ميجيش حاجه وحشه ابدا .. ربنا يابنتى يتمم لك على الف خير .. ياريت تعملى الربط على طول ومتأجليش بعد الخميس علشان نبقى مطمنين اكتر .. ربنا يبعد عنك كل شر يارب ويبارك لك فيما رزقك ومعلش انا عارفه احساس الخنقه ده استحملية شويه لحد ما نطمن عليكى بعد الربط على طول وان شاء الله هتتحركى بحرية اكتر اكيد بعديه .. ربنا يطمنا عليكى يا سوسو يارب