دودو ازيك يا عسولة
الف سلامة عليكي انتى كمان وحشتيني جدا جدا
ويارب تكون نفسيتك بقت كويسة دلوقتي

الحمد لله يا ام اياد , ايه اخبارك و الله انتى على بالى عملتيى ايه بعد المنظار و اخبار الكيس ايه ؟؟؟؟؟؟؟؟؟؟؟؟؟؟؟؟؟؟؟؟

ماما 1983
انا مش عارفة هل الدكتور حيخلينى اتبع النظام الطويل تانى و لا ايه ؟؟؟؟ مش عارفة هوا قال ابقى اجى تالت يوم الدورة بس انا كنت متلخبطة فمسالتش و لما طلعت بره سالت المنسقة قالت مش عارفة يبقى الدكتور يشوف ربنا ييسرلنا اجمعين امورنا انا برده متردده اسافر امتى , و جوزى مسافر 15 /1 على العموم انا ححاول اكلمهم و اشوف بكره ان شاء الله و ابقى اقلكم

انا يا ستى بعد المنظار رحت لدكتور عادل وقالي ان الكيس مش شرط يكون هو اللي كان مانع الحمل
وقالي اخد حبوب منع الحمل لمدة 3 شهور عشان الكيس ميرجعش يتكون تاني
وبعد كدة نبدأ تنشيط واعمل تحاليل هرمونات واتصل ابلغه النتيجة
واديني النهاردة بدأت في اول حباية من حبوب منع الحمل
وربنا يسهل بقي وتكون سبب حملي
الا صحيح يا دودو هي بنتك اسمك ايه يعني جوجو دة دلع ايه

اوشي و ام اياد و وداع: ربنا يخليكم و عقبالكم.
فعلا يا ام اياد انا كان نفسي في بنوتة جدا و الحمد لله , ربنا استجاب. حماتي بقه مش طيقاني خالص و مش معبراني. امبارح رحتيلها بعد الاشعة فاخت جوزي بتقولي عملتي ايه فقولتلها الحمد لله, فقالتلي عرفتي بنت و لا ولد فقولتلها اه بنت فطنط جت بسرعة و سالت طلع ايه فاميرة فقالتها بنت, راحت ماشية و مشوحة بايديها بطريقة وحشة لدرجة ان اخت جوزي قالي ماتخديش في بالك اصل ماما مش بتحب البنات و يالا شيدي حيلك المرة الجاية ولد فضحكت و قولتلها انتي المرة الجاية ولد. و فضلت قاعدة عندهم حوالي 3 ساعات و هيا بتكلمني بالعافية و النهاردة الصبح بكلمها اسالها علي حاجة, ردت عليا رسمي جدا و لما اتقابلنا الظهر عند بنتها التانية ولا جت قعدت جمبي و لا حتي وجهتلي كلمة و فضلت كل شوية تمسك حفيد اخت و تحضن و تبوس فيه و تبصلي.‎ ‎بس انا ماجبتش اي سيرة لجوزي علي اللي حصل.
يالا الحمد لله.