بصى يا حبى...
الميتفورمين ده الاسم العلمى أو اسم المادة الفعالة فى الأدوية اللى بتنتهى بفاج....زي السيدوفاج و الجلوكوفاج....
و الموضوع ده أنا قتلته بحثا و مأخدتوش إلا لما اتأكدت إنه مش بيؤدي للإصابة بالسكر و لا الكلام ده...لأا بالعكس ده بيحمى منه.....وزي ما كتبتلك هو لو السكر عالى بينزله...اما لو طبيعى فبيحافظ على مستواه...يعنى مفيش منه أي ضرر...و هو زي ما قلتى بيساعد على تظبيط الهرمونات و تحسين آداء المبيض ...
و هأقولك على حاجة كمان....دلوقتى بينصح باستخدامه فى الحمل علشان يقلل نسب الإجهاض و يقلل من احتمالات الاصابة بسكر الحمل.....أما فى مرحلة التنشيط...فمريضة التكيس هى أكثر الناس عرضه لحدوث فرط التنشيط...و ده لان بيكون اصلا فى المبيض بويضات كتير ضغيرة و وارد انها تكبر مع التنشيط....و الميتفورمين بيحافظ ان ميحصلش التنشيط الزائد......
يبقى ليه خايفة منه يا قلبى....و خصوصا إنه حاجة بسيطة لكنها ممكن تقينا من مشاكل كتير .....و عموما انا كنت منزله من النت دراسة كاملة عن الميتفورمين لو قريتيها هترتاحى أوي....انا هأدور عليها و أنزلهالك
و أخيرا هأقولك على تجربتى الشخصية....وهى إنى لما مكنتش أعرف ان عندي تكيس و شلت مانع الحمل و قعدت 10 شهور من غير حمل....و كان البروجسترون 6.7....و لما أخدت الميتفورمين البروجسترون ارتفع لوحده ل 18.5.....و ربنا أكرمنى بالحمل تانى شهر مباشرة ...(الحمل ده ماستمرش...و اعتقد ان ده كان لان ماستمرتش على الدوا مدة كافية و كمان مكنتش خسيت و كان عندي 15 كيلو زيادة)...لكن انا حبيت أقولك الكلام ده علشان أثبتلك إنه ساعات بيكون كفيل بتظبيط الهرمونات و تحسين التبويض....وحتى لو محصلش حمل تلقائى فبيكون الحل فى التنشيط لكننا ساعتها بنكون مطمنين اننا ظبطن الهرمونات و قللنا المشاكل...
بصى يا حبى...
الميتفورمين ده الاسم العلمى أو اسم المادة الفعالة فى الأدوية اللى بتنتهى بفاج....زي...
و بعدين عادي....أنا كنت أكثر واحدة جهلا بكل الأمور ديه...و لو عرفتى مدي الجهل بتاعى هتفطسى على روحك من الضحك...لكن هنعمل إيه الحوجة و الخوف من اللخبطة خلوا الواحد عامل زي الدودة فى البحث ...و مبينامش إلا لما يجيب قرار الموضوع...
المهم....سيبك من الكلام اللى قالته صاحبتك.....بالنسبة للميتفورمين....يفضل اننا ناخده قبل التنشيط على الاقل بشهرين.....و نفضل مستمرين عليه لحين حدوث حمل....يعنى نستمر عليه مع التنشيط و لما يحصل حمل نفضل برده ناخده لحين رؤية نبض الجنين.....و كمان فيه دكاترة بينصحوا بالاستمرار عليه لمده أطول فى الحمل للوقاية من الاصابة بسكر الحمل....
و أي سؤال احنا كلنا تحت أمرك يا حبيبتى....بس انا حاسة انك قلوقة زياده عن اللزوم...و ده مش كويس يا قلبى....دوري على اصل المعلومة...و لما تطمنى توكلى على الله و نفذي و متقلقييش نفسك كتير...لأانك هتكونى عملتى اللى عليكى و الباقى ده بتاع ربنا.....و ربنا يا حبيبتى يهديكى لكل اللى فيه الخير