المشتاقة لمكة :

وحشتونيييييييييييييييييييي يا بنات جدا جدا جدا انا لسه في تونس وانا بكتبلكم دلوقتي من عند صديقة عزيزة عليا جدا ربنا يخليها عشان قدرت ادخل اسلم عليكم والله بحبكم في الله وتوحشتكم بزاااااااااااف للاسف ماقدرش اكتب لكل واحدة فيكم ومش قادرة ااقرا اللي فاتني بس عايزة ابارك لشوشو حبيبة قلبي وعقبال كل البنات بكرى ترجيع الاجنة ادعولي ماتنسونيش وانا طيلرتي يوم التلاتاء حتوحشوني دايما وسامحيني شيمولاتا كلفتك كتير انت وشوشو وسماح ربنا يجازيكم كل خير قبلة لكل واحدة فيكم وبحبكم في الله

وحشتونيييييييييييييييييييي يا بنات جدا جدا جدا انا لسه في تونس وانا بكتبلكم دلوقتي من عند صديقة...

اشتقت اليك :

بص يا عم بوبا...... الحمد لله إن البرولاكتين و هرمون الغدة و التستوستيرون زي الفل..... أما الاستراديول فانا معرفش كتير يا حبيبتى عن النسب اللى المفروض يكون عليها....كل اللى اعرفى إنه المسؤل عن نمو وظائف الاعضاء التناسلية الانثوية والمسؤل أيضآ عن تسهيل عملية الالقاح وعن تحضير الرحم للحمل ....و اللى أعرفه كمان ان نسبته فى النصف الأول من الشهر بتختلف عن النصف التانى .... نيجى بقى للأختين الحلوين اللى مغلبينا.....الأول أنا أخدت بالى من تعليقك على كلام أم أنس و أنك قلتى ان ال fsh كان أعلى من كده السنه اللى فاتت....يبقى أولا...فيه تحليل من الاتنين دول غلط...لان ال fsh لازم يعلى مع الوقت...لانه بيعبر عن مخزون البويضات و أكيد كل فترة بيقل شوية و بالتالى الهرمون بيعلى و لو سنه نونو.... يبقى قدامنا حلين...إما ننتظر و نعيد الهرمونين دول فى مكان تانى نثق فيه أكتر....أو إننا ناخد بيهم و خلاص خصوصا اننا لو عدناهم ممكن الارقام تتغير شوية لكن النسبة بينهم متتغيرش كتير...و ديه اللى تهمنا.... طبعا يا بوبتى احنا متعودين نتكلم مع بعضينا بصراحة...و متفقين إن أول الطرق لحل المشكلة هو اكتشافها و الاعتراف بيها.....يبقى استنادا على التحاليل ديه...نقدر نقول و بوضوح ان للأسف فيه تكيس...طبعا متتخضيش...كل الحكاية إننا هنوسعلك مكان و تيجى تقعدي جنب إخواتك على الدكة..... ممكن تلاقى دكاترة كتير يقولك مفيش تكيس و لا حاجة و انتى كده فل الفل....و ده طبعا اعتمادا على نظرية ان النسبة بينا لهرمونين المفروض متزيدش عن واحد إلى واحد......لكن أنا باقولك إن النسبة المفروض تكون 2 إالى واحد يعنى ال FSH يكون الضعف اعتمادا على كلام دكتور عادل اللى انا باتعالج عنده واللى انتى كمان بتتابعى معاه....و الراجل ده بصراحة بالنسبة لى ثقة...و أب تو ديت....يعنى مش هيجيب الكلام ده من بيتهم...أكيد فيه أبحاث جديدة بتقول كده....

بص يا عم بوبا...... الحمد لله إن البرولاكتين و هرمون الغدة و التستوستيرون زي الفل..... أما...

boba boba :

شوشو ماشاء الله عليكى كفيتى ووفيتى انا بموت فى صراحتك على فكرة بس سامحينى انا هرد عليكى بإستعجال لانى داخلة من الموبايل وخايفة الخط يفصل بصى ياشوشو بالنسبة للتحليل والنسبة بتاعته من سنة فمن الواضح ان الFSH دايما بيقل وده انا مش فاهماه يعنى اول تحليل هرمونات عملته سبتمبر2008 كان الFSh نسبته 7.3 وال LHكان 5.5 تمام بعدها فى شهر مارس عدت التحليل كان الFSh نسبته 5.9 وال LH 4.5 وكل ده مكنتش لسة عرفت ان عندى اكياس اندو على المبيض تمام المهم بالنسبة بقى لنقطة ان فيه تكيس فده انا شاكه فى امره لسبب مهم قوى انى شهر 10 عملت منظار وشلت كل الاكياس والدكتور طبعا لو كان فيه تكيس كان شاله مش معقوله هيشيل الاكياس ويسيب التكيس خصوصا انه عملى كى لبعض اجزاء من المبيض فده مش اكيد انه موجود وعلى الرغم من كده انا بدات الشهر ده اخد الكلوكوفاج او الميتافورمين زى مابتسموه فى مصر وده مش عشان التكيس بس عشان لما كنت باخده كنت بخس وفى نفس الوقت عارفة ان مفيش منه ضرر طبعا انا بفكر بصوت عالى معاكو كلكم واللى هيحسم برضه الموضوع ده فى الاخر دكتورى لما اروحله بس اهه بنتناقش عشان لما اروح له ابقى ملمة بكل الموضوع من كل الجوانب وفى نفس الوقت الكل يستفيد الحاجة التانية بقى يا شوشو انتى عارفة ياقلبى طبعا انى بعمل تنشيط وباخد كلوميد 5 ايام وكمان معاه حقن مينوجون تفتكرى ده ممكن يأثر فى نسب التحليل دى .. وخصوصا انى عملتها 3 يوم وكنت قبلها بيوم واخدة كلوميد وطبعا الشهر اللى قبلها على طول كنت بادئة تنشيط وعارفة ان الكلوميد بيعلى ال Lh فياترى المعلومة دى صحيحة ولا لا الحاجة التانية بقى بالنسبة لان مخزون البويضات بيقل كل ما الوقت بيعدى وعشان كده الهرمون بيزيد فانا بقول يمكن عشان كان عندى اكياس دموية علىالمبيض كانت مأثرة على جودة ونوعية وكمية البويضات اللى بتخرج كل شهر ولما عملت المنظار والمبيض بقى الحمد لله نضيف فمفيش عائق زى الاول للبويضات دى وعشان كده الهرمون ده قل؟؟ زى ماقولتلك ياشوشو انا بفكر معاكم بصوت عالى الحق بقى قبل النت مايفصل اسلم على مشمشة وعلى ام مريم يارب يارب ياحبيبى بحق حبك لنبيك محبيبك محمد تكرم ام مريم ومشمشة وتم عليهم الحمل بكل خير ام مريم عشان خاطر ربنا هدى النفسية خالص وماتستعجليش انا عارفة انه صعب بس احنا عاوزين مفيش حاجة تإثر على نفسيتنا واستنى لغاية الدكتور مايقولك حللى .

شوشو ماشاء الله عليكى كفيتى ووفيتى انا بموت فى صراحتك على فكرة بس سامحينى انا هرد عليكى...