يا بنات...أنا لقيت الكلام ده فى منتدي تانى عن فضل الليال العشر....هو مكتوب انه منقول من إسلام أون لاين.....الكلام عجبنى و هاكتبهولكم....و طبعا لو حد ليه أي تعليق عن صحته يبلغنى فزرا...لانى مرحتش اتاكدت من اسلام اون لاين....

الأيام العشر.. مشروع لاستدراك العمر


ها هي الفرصة تعود من جديد لكل من تدنست صحيفته بعد رمضان.

ها هي الفرصة تعود من جديد لكل من كبا فاسودت صحيفته بعد أن كانت بيضاء.

إنها فرصة للتطهير والغفران، إنها فرصة للتخلص من الذنوب والأوزار... فرصة لعودة الصحف نقية كما كانت.

فالله عز وجل يلاحق الناس بمغفرته ورضوانه؛ فيشرع لهم موجبات الرحمة، وعزائم المغفرة؛ فما أن ينصرم رمضان إلا وتأتي أيام الخير والبركة التي يفضل العمل فيها العمل في شهر رمضان نفسه.

وما أن ينصرم النهار، ويقبل الليل البهيم حتى يلاحق الله الناس بمغفرته قائلا ومتوددا لعباده: (هل من مستغفر فأغفر له، هل من تائب فأتوب عليه).

ومن أسرف على نفسه ليلا ففاته طلب الرضوان والمغفرة في ساعات السحر؛ فالله يبسط يده بالنهار ليتوب مسيء الليل.

وهكذا يتقلب الإنسان بين الرحمة والمغفرة والرضوان، فخاب وخسر من أعرض عن ذلك كله حتى لقي الله وهو عليه غضبان.

فضل الأيام العشر
وأعظم هذه المواسم الأيام العشر، فقد روى البخاري وغيره من حديث عبد الله بن عباس أن رسول الله صلى الله عليه وسلم قال: (ما من أيام العمل الصالح فيها أحب إلى الله من هذه الأيام، يعني أيام العشر، قالوا: يا رسول الله ولا الجهاد في سبيل الله؟ قال: ولا الجهاد في سبيل الله إلا رجلا خرج بنفسه وماله لم يرجع من ذلك بشيء).

وقد روى هذا الحديث عن ابن عباس سعيد بن جبير، وكان من خبره حين سمعه أنه كان إذا دخل العشر اجتهد اجتهادا حتى ما يكاد يقدر عليه، وروي عنه أنه قال: (لا تطفئوا سرجكم ليالي العشر).

إنها دعوة لتدارك العمر كله؛ فالركعة بركعات، والتسبيحة بتسبيحات، والصدقة بصدقات، والقربة بقربات.

إن المسلم إذا كان في المسجد الحرام فإنه يقوم يصلي، فإذا فتر وتعب، وأراد أن يستريح تذكر أن الركعة بمائة ألف ركعة فيقوم متحفزا للصلاة، فيتجافى جنبه عن المضجع، وكلما تعب سلى نفسه بقوله: إن من وراء الموت نوما طويلا، فاصبري، كيف تنامين عن ركعة بمائة ألف ركعة، لئن زهدت في هذا، فوالله لا أراك تنشطين بعدها أبدا، وهكذا يستحث نفسه على السير إلى الله لما فيه خيره وفلاحه.

فإذا كانت الركعة في المسجد الحرام بمائة ألف، وكانت العبادة في هذه الأيام أفضل من العبادة في المسجد الحرام في غير هذه الأيام فبكم عساها تكون الركعة... إنها ركعة بمئات الألوف، وتسبيحة بمئات الألوف... إنه استدراك العمر.

الفوز في السباق!
جاءت امرأة إلى رسول الله صلى الله عليه وسلم فقالت: يا رسول الله انطلق زوجي غازيا، وكنت أقتدي بصلاته إذا صلى، وبفعله كله، فأخبرني بعمل يبلغني عمله حتى يرجع.

قال لها: أتستطيعين أن تقومي ولا تقعدي، وتصومي ولا تفطري، وتذكري الله تعالى ولا تفتري حتى يرجع؟ قالت: ما أطيق هذا يا رسول الله! فقال: (والذي نفسي بيده لو أطقته ما بلغت العشر من عمله) رواه أحمد، وصححه الألباني.

ٍوعن أبي هريرة رضي الله عنه أيضا قال: قيل يا رسول الله ما يعدل الجهاد في سبيل الله؟ قال لا تستطيعونه، فأعادوا عليه مرتين أو ثلاثا كل ذلك يقول: لا تستطيعونه، ثم قال: مثل المجاهد في سبيل الله كمثل الصائم القائم القانت بآيات الله لا يفتر من صلاة ولا صيام حتى يرجع المجاهد في سبيل الله. رواه البخاري ومسلم واللفظ له.

فالذي يريد أن يدرك فضل المجاهد عليه أن يصوم فلا يفطر، وأن يقوم مصليا فلا يفتر حتى يعود المجاهد، فإن أفطر من الصيام، وإن استراح من الذكر فقد خسر السباق، ومن يستطيع ذلك؟!!.

لكنك اليوم تستطيع أن تفوز في السباق؛ فالعبادات من صلاة وصيام، وذكر واستغفار، وتسبيح وتهليل، وإعانة للمحتاجين، وإغاثة للملهوفين... هذه العبادات في هذه الأيام -وفي هذه الأيام فقط- أثقل في الميزان من الجهاد في سبيل الله.

فإلى كل ثقيل لا يتحرك... إلى كل بطيء لا ينشط... إلى كل مقتصد لا يجتهد... إلى كل من كان يريد فيعجز... إلى كل من أضاع عمره فبنى في الدنيا، وخسر الآخرة أو كاد... ها هي الفرصة لاستدراك العمر!.

المصدر: اسلام اون لاين

صباح الخير يا احلي بنات.
ام اياد: لا انا حتكسف اسال الدكتورعلي نوع البيبي لانه كان عرض عليا و انا قولتله لا ممكن لما اجي اعمل الاشعة 4d ابقي اسال.
ام انس: سلامتك الف سلامة.
اوشي و سارة و وداع و كل البنات ازيكم.
حد يعرف حاجة عن المشتاقة للامومة؟ بقالها كتير مختفية.

صباح الخير يا بنات .... انا رجعت النهاردة بس برده لسة عندى شغل كثير عشان كده حقولكم اخبارى وبعدين ابقى اقرأ على مهلى علشان آخر صفحة كنت قارئة لها كانت 14 ...

المهم انا رحت لدكتور عادل انا وام اياد يوم الخميس ...

الدكتور المساعد دخلتله الاول طلب منى تحليل بروجيسترون وكنت فى اليوم 25 وكمان تحليل ِCA125 اللى بيوضح نشاط الاندو ... قالى اعمليهم وبعدين ادخلى للدكتور ...

لما دخلت قالى مافيش نشاط للأندو حاليا ومش حقدر اديلك حاجة توقف الدورة علشان انتى فى سن حرج ممكن الدورة تروح وماتشفيش وشها بعد كده ... منظار نكوى مكان الكيس برده ما احبذش علشان كى المبيض دلوقت مش فى صالحك ...

طيب والحل يا دكتور ..
مافيش ادامك غير تعملى حقن مجهرى بعد شهرين وده لأن المبايض بعد تنشيط جامد بتبقى زى العربية اللى سافرت بأقصى سرعة من مصر للاسكندرية محتاجة ترتاح شوية .... وارشحلك مركز المدينة ودكتور مراد ابو العبد ...

طيب يادكتور لو مش موجود مراد ... يبقى ارشحلك دكتور د.اشرف ابو على

ولازم تعملى التحليل ده الاول ... وكتبلى على بعبع التحاليل anti-mullerian hormone اللى بيوضح رصيد البويضات فى المبيض ...
قالى فى وحده من مرضاى طلبت منها التحليل ده ورفضت تعمله وانا عذرتها قالتلى انا مش عاوزة يجيلى احباط حكرر الحقن المجهرى الى ان يأذن الله..

قلتله انا مش حعمل زى مريضتك وحعمل التحليل ده لأنى اولا املى فى ربنا كبير وثانيا الخصوبة فى عيلتى كويسة والدورة بتروح من عندهم بعد الخمسين ... وسبته وخرجت ..

طبعا كلمت جوزى قالى ايه جدوى التحليل افرضى مثلا كانت النتيجة امل ضعيف مش حتتمسكى انك تعملى العملية برده ..
قلتله آه بس انا عندى احساس انى لسة بخير وعاوزة احط النتيجة فى عين اى دكتور يجبلى صداع بموضوع سنى ده علشان انا اتعقدت خلاص..
قالى كفاية fsh , lh , E2 ابقى عديهم وده كفاية ...
المهم عملت زى ماما ودخلت موقع اجنبى بتكلم عن الاختبار ده .. ولقيت ان التحليل بيوضح رصيد البويضات بس مش بيوضح جودتها وان فيه تحليل تانى بيتعمل بالسونار المهبلى يتم عد الحويصلات الصغيرة 2-8 ملل اذا كانت اقل من 4 يبقى المخزون قارب على النفاذ والاختبار ده بيتعمل مع اختبار السابق وعاه اختبارات هرمونات اليوم التالت ..

يابنات انا محتارة وكلام الدكتور ليا وخصوصا لما حكالى على مريضته اللى رفضت التحليل بتوضحلى ان المسأله اختيارية .... تفتكروا اعمل ايه انا فيه وش فى راسى:(

صباح الخير يا ميكو عاملة اية يا حبيبتي ربنا يكمل لك على خير
انت في اجازة ولا اية
انا راجعت اللي فات بس ماكنتش مركزة اوي وحسيت بحيرتك في موضوع جنس الجنين وتدخل الاهل
بس عادي تطلبيه من الدكتور هما عارفين ان الواحدة وهي حامل بتغير رايها الف مرة في اليوم وقولي له انك غيرت رايك بعد مشاورات مع جوزك وكمان عشان تجهزي للنونو كويس
يعني ما فيهاش كسوف ولا حاجة

ازيك يا سارة لا انا في الشغل بس كنت واخدة الخميس اجازة, انا من ساعة ما رجعت الشغل بحاول اخد يوم اجازة في وسط الاسبوع و انزل 4 ايام بس.
لا بصي يا حبيبتي موضوع جنس البيبي انا كنت عايزة اعرفه بس اتكلمت مع جوزي و لقيته مش عايز و فكرت في الموضوع و حسيته مشوق انه لغاية اخر لحظة انتي مش عارفة بس اخته و مامته عمالين يزنوا عليه علشان نعرف علشان نعرف نجهز و انا حاسة انه ابتدي يقتنع بكلامهم بس انا مش عايزة. حاسة ان اول شهر ممكن اجيب لبس يمشي للاتنين و بعد كده ابقي انزل و اجيب او مامتي او اختي, ما عنديش مشكلة ان اي حد ينزل يشتريلي. اخر حجة لما قولت كده لاخته راحت قيالاي بس ده فيه اوكزيزنات في شهر مارس و انتي حتولدي في ابريل. و اللهي تعبوني و اللي مضايقني انه بيدلهم ودن.