اوكسى انا شايفة انك تعملى التحليل افضل انا بأيدك فى الرأى عارفى هو انت لو مش عملتيه مش هترتاحى انت اعمليه احسن وربنا يوفقك ومن هنا لحد يوم العملية خدى فوليك اسيد قرص فى اليوم وطلعى برنامج التغذية بتاع الحقن المجهرى ابعدى عن البيبسى والاكل التيك اواى واشربى سوايل كتير على قد ماتقدرى وكترى من اللبن وكلى اسماك وجمبرى د البحر كله عندك يعنى انا مش فاكرة حاجة تانية هاتى البرنامج الغذائى ده من النت وربنا ييسرلك امورك وينجح عمليتك ان شاء الله
ميكو ربنا يتمملك على خير موضوع جنس البيبى ده انا عارفة انه قلب معاكى شوية خصوصا ان فى ناس اتدخلت فيه بصى كبرى دماغك وبلاش تاخدى الامور على انه بيديهم ودانه ساعات بتحصل معايا لما كنت ابقى عايزة حاجة وجوزى مش راضى كنت انا اللى بزق عليه مامته مش علشاان لها تأثير عليه لاكن لان لما اتنين يقنعوا واحد بموضوع مش زى شخص واحد ما يقدر يقنعه وهى اخته ومامته ممكن يكونوا عيزين يفرحوا مش تسلط ولا حاجة فى الاول والاخر الموضوع يرجعلك ياحبيبتى وربنا يكرمك يا ام زئزئة ان شاء الله
بطوطتى حبيبتى عاملة ايه معلش انا عندى شوية ظروف فى البيت ومش عارفة اكلمك انا لسه راجعة اوك المهم طمنينى عليكى قررتى هتروحى فين ولا لسه ؟؟؟؟؟؟عايزاكى تنحرفى يعنى مثلا الاقيكى بتقوليلى رايحة باريس تركيا على اساس انهم فى الشارع اللى ورانا!!ربنا يرزقك يارب ويكرمك
ابقى سلميلنا على نيفوو وقوليلها انها وحشتنى
وباقى بنانيتى الحلوين انتوا فين النهاردة ليه مش ظاهرين؟؟؟؟

ربنا يخليكي يا اوشي.

مش عارفة والله يا اوشى كنت بفكر فى الاسكندرية بس اهلى كلهم هناك وانا مش عايزة اروح مكان اعرف فى حد انا عايزة امشى فى الشارع ومقابلش حد اعرفة او يعرفنى عايزة انطلق زى المجنونة فمش عارفة اروح فين لسة بفكر وربنا يسهل
المهم انتى اخبارك اية والعيال عملين اية

طب ما تفكريش تسافري الجونة او راس البر او راس سدر.

انا بكرر اسفى واعتذارى عن غيابى الكتير بس ظروف وغصب عنى
أولا أنا فرحت أما قريت مشاركات فاطمة الزهراء ربنا يرزقها عن قريب توأم إن شاء الله
ثانيا وبعد الأخد بنصايحكم اما عملت تحليل الهرمونات تانى يوم الدورة وقلتلولى اعمل البروجسترون اليوم ال21 تانى عملته وجبت النتيجة انهارده والنتيجة كانت 6.13 انا مش عارفه 6 دى كويس ولا وحش بس مش هسأل الدكتور عادل كفاية صدمتى فى التحليل الأول وبصراحه معنديش استعداد نفسى دلوقت اسمع كلمة سىء للغاية دى تانى
انا مستنية رأيكم
بحبكم وربنا بس اللى بعدنى الظروف انا بفتح يوميا اطمن عليكم بس مش بشارك كتير