شيمو....
أنا ليه حاسة إنك ضعيفة أوي الفترة ديه كده....
شدي حيلك شوية وحاولى تفرفشى...و كل ما تضعفى تذكري ان الانجاب ده رزق من عند ربنا...و ان كل اللى عليكى هو السعى و الصبر و ربنا يقويكى يا حبيبتى عليهم....
بصى يا قمر...أنا حاسة بيكى...لكن برده عايزاكى تكونى أقوي من كده...و عايزاكى تحطى النقطة ديه قدام عنيكى...تحديد المشكلة...هو أول الطرق لحلها.....
يبقى منخافش و منتضايقش من أي كلمة ...يا بنتى احنا بنتنشق على اللى يقولنا الحقيقة مش اللى بيعملنا البحر طحينة...
يبقى نكون شطار و نقبلها علشان نتعامل معها...

بصى...لازم نتفق ان التكيس بيعمل ضعف فى التبويض....و علاجه التنشيط...بس قبل ده لازم نهيأ الجسم بفقد الوزن...و الانتظام علىا لميتفورمين...علشان لما ندخل على الخطوة المهمة و هى التنشيط يبقى جسمنا مستعد و يستجيب كويس....

يبقى لازم نكون عارفين من الاول ان العلاج تنشيط...و ان محدش هياخد تنشيط الا بسبب ضعف التبويض...يبقى وارد يا قمر ان يكون البروجسترون عندنا قليل شوية....

بصى الرقم بتاعك ده مش سئ أوي ...هو معناه ان ممكن يكون حصل تبويض بس ضعيف شوية....و الحمد لله إن ده أحسن من الارقام اللى بنشوفها 1 و 2 و اللى معناها انعدام تبويض....يعنى احنا احسن من غيرنا كتير....و لو خسين 2 او 3 كيلو كمان و استمرينا على الدوا ممكن النسبة تتحسن جدا....و كمان لما تبداي تنشيط هتتحسن أكتر و أكتر....

و علشان تتأكدي ..انا اول ما عملت تحاليلى كانت ارقامى مشابهة ليكى جدا...و البروجسترون كمان كان 6.7....و الحمد لله تانى شهر لما انتظمت على العلاج و بدات فى الدايت عملته و لقيته طلع و بقى 18....

يبقى فيه أمل كبير...و أنتى ماشية فى الطريق الصح....يبقى كملى يا قمر...و إن شاء الله هانت...و ربنا يفرحنا بيكى عن قريب

السلام عليكم ورحمة الله و بركاته
و حشتوووووووووووووووووووووووونى اووووى اووى والله العظيم و حشتونى
انا عارفه انى مقصره معاكم جدا بس و الله العظيم عصب عنى
كنت عند ماما فتره كبيره ولما جيت البيت كان النت فاصل عندى
انا عايزه اتطمن على كل واحده فيكم
انتم بجد وحشتونى
يا رييت حد يقولى اخباركو كلكم ايه بجد انا عايزه اطمن عليكم كلكم
انا بجد مفتقدكواجدا جدا
انا عايزه اسلم على واحده واحده بس خايفه انسى حد
انا عايزه بوس واحده واحده و اسلم عليكم انا مش ناسيه وقفتكوا جنبى و كلامكم معايا
و الله بحبك كلكم فى الله

طمطم ...
منورة يا قمر...و بجد أنتى كمان واحشانى كتير...
سامحينى أنا مقصرة معاكى كتير ...لكن مدرسة أنس اتقفلت تانى...و محش من المدرسات عايز ييجى يدرس فى البيت...
و كده العبئ كله عليا علشان عايزة أؤسسه كويس لانى بامهم إنى أنقله السنه الجاية بأمر الله...
متتخيليش ده بياخد مننا وقت أد إيه...و لما باخلص معاه باحس إن دماغى هتضرب...

المهم ...ألف حمد الله على سلامتك...و إن شاء الله يا حبيبتى ربنا يعوض عليكى عن قريب....
أنا موضوع التجلط ده معرفش عنه كتير...بس زي ما قلتلك قبل كده سمعت أكتر من مرة فى بشرة خير إن حتى لو كان له يد فمش بيعمل إجهاض قبل نهاية الشهر الثالث....و إن اإجهاضات اللى بتحصل فى اول شهرين بيكون سببها اختلالات هرمونات و ضعف فى البويضات..

عموما مش هنخسر حاجة لو سألتى طبيبك الحالى على موضوع التجلط و تشوفى هيقولك نتأكد من وجوده أو عدمه ازاي....و يا ريت كمان يا طمطم لو تساليه تانى على تحاليل هرموناتك....و تشوفى رأيه فيها إيه...و هل انتى محتاجة تعيديها و لا لا....

و أخيرا...خلاص متشغليش بالك بما حدث مع طبيبك الأول....و أنا بجد آسفة إنه نزل من نظرنا أولا بسبب عدم اهتمامه بالحالة بعد الحمل بالشكل ده...و ثانيا لتبلد مشاعره....صحيح هم بيشوفوا حالات من ديه كتير..و مش مطلوب منهم يطبطبوا ...بس برده على الأقل إبداء و لو أقل قدر من التعاطف و هو بيقول خبر زي ده....لكن هنقول إيه...معلش ...صفحة و اقفليها و ان شاء الله ربنا يعوضك و يفرح قلبك قريب

بطة...
منورة يا حبيبتى...ووحشتينا جدا....
طمنينا عليكى يا قمر...أنتى و النونو....
يا رب يكملك على خير و تقوميلنا بألف سلامة

اشتقت اليك وحشتينى مووووووووووووووووووت
انا الحمد لله كويسه و النونو كمان كويس و بيسلم عليكم كلكم
ربنا يخليكى ليا يارب
بالله عليكى طمنينى لانى مش قادره اقرأ كل اللى فاتنى لانه كتير
طمنينى عليكم كلكم