وداع...
نسيت أقولك إن مش شرط ك مريضات التكيس يكون عندهم وزن زيادة....
و ده على فكرة ممكن يكون هو سبب ضعف التبويض و ضعف الاستجابة للتنشيط..
لكن ديه حاجة أمرها سهل...حاولى تسألى دكتورك إنك تاخدي سيدوفاج...
و لو قدرتى تخسى كيلو و لا اتنين ممكن ده يساعك اوي الشهر الجاي بأمر الله
رورو...
ربنا يوفقك و تلاقى المدرسة اللى بتدوري عليها لسيف..
بصى انا فى الموضوع ده ليا صولات و جولات....
لكنى فى الآخر اتحكمت بالمكان لان كل المدارس اللى عجبتنى كانت فى التجمع او فى طريق مصر اسماعيلية...
وده كان هيبقى مشوار مرهق اوي لطفل فى سن الحضانة...
على فكرة...انس دلوقتى فى English School اللى فى مصر الجديدة....
و أنا من الأول عارفة إن الناس مش بتشكر فى الاعدادي و الثانوي و كانوا بيشكروا شوية فى ال kg..علشان كده كنت مقررة إنه يفضل فيها لحد ما يوصل اولى ابتدائى و بعدين انقله لما آجى أنقل سكنى....
لكن بعد التجربة لقيت إن المستوي العلمى اللى بيقدموه تعبان خالص مقارنة بالمدارس التانية.....و بالتالى لو الولد فضل فيها...لما آجى أنقله هألاقى صعوبة....علشان كده أنا باذاكر معاه مناهج أقوي من منهج مدرسته و قررت أعجل بالنقل....
و عايزة أقولك حاجة..من الصعب إنك تلاقى مدرسة فيها كل ده ....لان للأسف مهما كانت قوة المدرسة فعبأ المذاكرة و التربية و الأخلاق بيقع معظمه على البيت.....
بس أنا بناء على تجارب اللى حواليا و الأماكن اللى رحتها ممكن أرشحلك..
- مدارس الفاروق (بس فرع مصر الجديدة بياخد سن كبير و اشتراطات قبوله صعبة شوية لان مصاريفة اقل كتير...لكن بتاع القاهرة الجديدة مش ليه نفس اشتراطات السن لان مصاريفه الضعف تقريبا)
- وفيه كمان مدرسة طلائع الكمال الإسلامية....صاحبتى ودت بنتها فيها و يتشكر فيهم جدا....بس برده بيرخموا جامد بالنسبة للسن...
- و أخيرا فيه مدرسة EBIS أو الفرع البريطانى لمدرسة ال MSE....وده برده كويس أوي لكن مصروفاته نار يا حبيبى نار....ولو عندك استعداد تدفعى فأنصحك بالتعليم البريطانى لانه فعلا بيبث أسلوب فكر مميز للأولاد..ومش منظرة زي ما ناس كتير فاكرة.....تعرفى,,,مفيش أجمل من ان الطفل يا خد منهم نمط تفكيرهم و نظامهم....ونظرياتهم الجديدة فى التعليم...و جنب كل ده يكون واخد أخلاقنا و تعاليم دينا ....و طبعا الجزء الأول هيكون من المدرسة و التانى أكيد علينا....
ربنا يوفقك و تلاقى المدرسة اللى بتدوري عليها لسيف..
بصى انا فى الموضوع ده ليا صولات و جولات....
لكنى فى الآخر اتحكمت بالمكان لان كل المدارس اللى عجبتنى كانت فى التجمع او فى طريق مصر اسماعيلية...
وده كان هيبقى مشوار مرهق اوي لطفل فى سن الحضانة...
على فكرة...انس دلوقتى فى English School اللى فى مصر الجديدة....
و أنا من الأول عارفة إن الناس مش بتشكر فى الاعدادي و الثانوي و كانوا بيشكروا شوية فى ال kg..علشان كده كنت مقررة إنه يفضل فيها لحد ما يوصل اولى ابتدائى و بعدين انقله لما آجى أنقل سكنى....
لكن بعد التجربة لقيت إن المستوي العلمى اللى بيقدموه تعبان خالص مقارنة بالمدارس التانية.....و بالتالى لو الولد فضل فيها...لما آجى أنقله هألاقى صعوبة....علشان كده أنا باذاكر معاه مناهج أقوي من منهج مدرسته و قررت أعجل بالنقل....
و عايزة أقولك حاجة..من الصعب إنك تلاقى مدرسة فيها كل ده ....لان للأسف مهما كانت قوة المدرسة فعبأ المذاكرة و التربية و الأخلاق بيقع معظمه على البيت.....
بس أنا بناء على تجارب اللى حواليا و الأماكن اللى رحتها ممكن أرشحلك..
- مدارس الفاروق (بس فرع مصر الجديدة بياخد سن كبير و اشتراطات قبوله صعبة شوية لان مصاريفة اقل كتير...لكن بتاع القاهرة الجديدة مش ليه نفس اشتراطات السن لان مصاريفه الضعف تقريبا)
- وفيه كمان مدرسة طلائع الكمال الإسلامية....صاحبتى ودت بنتها فيها و يتشكر فيهم جدا....بس برده بيرخموا جامد بالنسبة للسن...
- و أخيرا فيه مدرسة EBIS أو الفرع البريطانى لمدرسة ال MSE....وده برده كويس أوي لكن مصروفاته نار يا حبيبى نار....ولو عندك استعداد تدفعى فأنصحك بالتعليم البريطانى لانه فعلا بيبث أسلوب فكر مميز للأولاد..ومش منظرة زي ما ناس كتير فاكرة.....تعرفى,,,مفيش أجمل من ان الطفل يا خد منهم نمط تفكيرهم و نظامهم....ونظرياتهم الجديدة فى التعليم...و جنب كل ده يكون واخد أخلاقنا و تعاليم دينا ....و طبعا الجزء الأول هيكون من المدرسة و التانى أكيد علينا....
صحيح يا بنات...
مشمشة بتسلم عليكم كتير أوي و بتقولكم أنكم وحشتوها جدا.....
هى الحمد لله بخير و اطمنت على نبض البيبى...
لكن حصل عندها مشكلة صغيرة اضطرت الدكتور إنه يطلب منها راحة تامة....علشان كده هى عند مامتها و غالبا هتطول عندها شوية....
ربنا يقومها بالسلامة
مشمشة بتسلم عليكم كتير أوي و بتقولكم أنكم وحشتوها جدا.....
هى الحمد لله بخير و اطمنت على نبض البيبى...
لكن حصل عندها مشكلة صغيرة اضطرت الدكتور إنه يطلب منها راحة تامة....علشان كده هى عند مامتها و غالبا هتطول عندها شوية....
ربنا يقومها بالسلامة
الصفحة الأخيرة
ألف سلامة عليكى يا قلبى...
ربنا يزيح عنك و يطمنا عليكى و يوفقك فى التنشيط بأمر الله انتى و رورو