أن شاء الله توكلى على الله و اعملى التحليل و ساعتها هنقطع الشك باليقين.....
و انا ليا تحفظ على انك متفهميش القصة من الدكتور بنفسك لان الزوج عمره ما هيعرف يشرح التفاصيل و لا يفهم كلام الدكتور كله...
يبقى مفيش قدامك غير انك تراسليه على الإيميل...علشان تفهمى كده ديه تعتبر مده علاج صحيحة و لا مجى الدورة معناه ان الحقن فيها مشكلة...
المهم منفكرش دلوقتى لحد ما التحليل نتيجته تطلع و ان شاء الله خير
متفائلة...
هأقولك كلمتين و استحملينى فيهم....
كلنا بنكره دكاترة التغذية ومبنقتنعش بيهم....
لكن احنا عندنا حلم جميل عايزين نسعى و نحققه...
و مفيش حاجة فى الدنيا بتيجى من غير سعى و تعب....ومش كل حاجة بنعملها بتبقى بمزاجنا....
الدنيا دار شقاء و لو كل حاجة جت على طبق من فضة و لا على مزاجنا و لا من غير تعب متبقاش دنيا.....
يبقى لازم تدوسى على نفسك و تحبى اللى مبتحبيهوش و تجبري نفسك على الالتزام....
اللى عايز الحلم لازم يسعى له......اسعى علشان ربنا يوفقك فى سعيك...
و عايزة أقولك حاجة ...انا طول عمري لما بازيد حبه كنت بانزلهم لما باخفف أكلى ...لكن آخر مرة ديه النظام ده منفعش معاي...
و لما اتقرصت ة تألمت بسبب موضوع الإجهاض اللى حصل...رحت للدكتورة بعده بأسبوع واحد و بدأت...
و كل ما كنت اتخنق و لا أضعف كنت أفتكر اللى حصل و أد إيه اتألمت و إنى مش عايزة ده يتكرر فكنت بادوس على نفسى و أشد....
حطى تجربتك قدام عنيكى و انك مش عايزة تكرريها و هى هتكون دافع ليكى...
و عموما الدكتورة اللى كنت بأروحلها كانت فى حلوان و كنت باروحلها كل أسبوعين لما كنت بأزور ماما...
و اسمها سماح عبد الحليم.....
و كانت بتدينى نظام كل أسبوع مع إبر صينية و رياضة.....و هى مش بتعترف باليوم الفري و بتخاف تصرح بيه للناس علشان ميلخبطوش و يقولولها اخدنا منك الإذن....لكنها ضمنيا كانت بتوافق على وجبة فري فى الأسبوع...و انا كنت باعمل كده و كانت الأمور بتمشى تمام....و ربنا يوفقك ياق لبى
هأقولك كلمتين و استحملينى فيهم....
كلنا بنكره دكاترة التغذية ومبنقتنعش بيهم....
لكن احنا عندنا حلم جميل عايزين نسعى و نحققه...
و مفيش حاجة فى الدنيا بتيجى من غير سعى و تعب....ومش كل حاجة بنعملها بتبقى بمزاجنا....
الدنيا دار شقاء و لو كل حاجة جت على طبق من فضة و لا على مزاجنا و لا من غير تعب متبقاش دنيا.....
يبقى لازم تدوسى على نفسك و تحبى اللى مبتحبيهوش و تجبري نفسك على الالتزام....
اللى عايز الحلم لازم يسعى له......اسعى علشان ربنا يوفقك فى سعيك...
و عايزة أقولك حاجة ...انا طول عمري لما بازيد حبه كنت بانزلهم لما باخفف أكلى ...لكن آخر مرة ديه النظام ده منفعش معاي...
و لما اتقرصت ة تألمت بسبب موضوع الإجهاض اللى حصل...رحت للدكتورة بعده بأسبوع واحد و بدأت...
و كل ما كنت اتخنق و لا أضعف كنت أفتكر اللى حصل و أد إيه اتألمت و إنى مش عايزة ده يتكرر فكنت بادوس على نفسى و أشد....
حطى تجربتك قدام عنيكى و انك مش عايزة تكرريها و هى هتكون دافع ليكى...
و عموما الدكتورة اللى كنت بأروحلها كانت فى حلوان و كنت باروحلها كل أسبوعين لما كنت بأزور ماما...
و اسمها سماح عبد الحليم.....
و كانت بتدينى نظام كل أسبوع مع إبر صينية و رياضة.....و هى مش بتعترف باليوم الفري و بتخاف تصرح بيه للناس علشان ميلخبطوش و يقولولها اخدنا منك الإذن....لكنها ضمنيا كانت بتوافق على وجبة فري فى الأسبوع...و انا كنت باعمل كده و كانت الأمور بتمشى تمام....و ربنا يوفقك ياق لبى
الصفحة الأخيرة
بصى يا عسل المدرسة اللى قصدتها كانت مدارس الفاروق عمر الإسلامية....لكنى معرفش حاجة عن منارة الفاروق.....
و كويس كمان ان نوفى فادتك بتجربة مدرسة ولادها...
و بالنسبة للمدارس الإجنبية و فكرة التحرر...فانا باختلف معاكم شوية فى النقطة ديه يا جماعة.....الناس دول محررين فى حياتهم...لكنهم حريصين جدا فى التعامل مع الأطفال....و أجمل حاجة فيهم إنهم بيحترموا العلم و العقل و مبيتدخلوش فى الخصوصيات....وبيعتبروا الدين من الخصوصيات ديه..و معتقدش إنهم هيناقشوا الطفل فى معتقداته و لا كمان هيفرضوا عليه معتقداتهم......
و لو على التربية الدينيه السليمة فيكفى لو احنا قدوة سليمة للطفل فهيتعلم الصلاة و الذهاب للمسجد و كل العقائد و الأخلاقيات مننا....ده غير إننا ممكن نجيبله حد يحفظه قرآن فى البيت و احنا كمان نحفظ معاه....وصدقينى طول ما الطفل بيقتنع بينا و نقدر نجاريه و نناقشه فى كل حاجة عمره ما هيسيب نفسه أنه يتأثر بغيرنا....
و كده كده معظم الاطفال و الشباب بيقلدوا و يتأثروا بموضاتهم و شكلهم الخارجى.....لكن احنا لو أسسنا طفلنا صح و إن يكون ليه شخصيه قويه و مستقله و إننا نكون اقوياء قدامه و نقدر نكون قدوته اللى بيحترمها و يعتز بيها.....ساعتها هيكون عنده عقل واعى و نحميه من الانسياق وراء التفاهات...و نبقى أخدنا منهم علمهم و نمط حياتهم اللى فيه النظام و احترام الانسان و احترام عقلة و إخراج قدراته الإبداعيه من غير ما نتأثر بالشكل الخارجى اللى معظم الهايفين بياخدوه على الفاضى.....و أنا باقولك كده من نبع كونى مترجمة و كل شغلى كان مع أجانب و أساتذتى فى الجامعة أجانب و لما سافرت كان أساتذتى و زمايلى من كل الجنسيات......وفعلا معجبة جدا بطريقة تعليمهم و احترامهم للخصوصية......
أما بالنسبه لليسيه و كل المدارس الفرنسية اللى غالبيتها بتكون مدارس راهبات....فانا من الاول كان نفسى أدخل انس فيها لما اعرفه من التزامهم و قوة التعليم عندهم ....لكن اللى خوفنى منهم مؤخرا هو ان الاطفال لا اراديا بيتأثروا بمعتقداتهم الدينيه.....يعنى مرة واحدة صاحبتى قالتلى ولاد صاحبتها مبيحلفوش إلا بالسيد المسيح....و كمان أخويا فى ثانوي كان فى مدرسة من دول و مكانوش بيقولوا على المدير و الناس الكبار إلا أبونا فلان......فبلاش يا قلبى.....