رمـــــال :

شيمو ازيك يا قمر عاملة ايه معلش ان كان الغياب بعذر مش زعلانين منك ولا حاجه كل همنا اننا نشوفك كل يوم منورانا ونطمن عليكى انتى عضوة اساسية هنا معانا يعنى غيابك بيفرق اكيد كتير معانا كلنا فى نصايحك وآرائك .. ومعلش ياحبيبتى ضغط الشغل ربنا يقويكى فيه ومن هنا ولحد اخر التيرم احنا عاذرينك فى اى غياب كان الله فى عونك

شيمو ازيك يا قمر عاملة ايه معلش ان كان الغياب بعذر مش زعلانين منك ولا حاجه كل همنا اننا نشوفك كل...

شيمولاتا :

والله يا طمطم كلكم وحشتونى جدا وربنا يعلم بنفسيتى من يومبن بس الحمد لله انا بشتغل 18 ساعه فى اليوم وارتاح 6 ساعات منهم تحضير لشغل تانى يوم وللبيت بس التيرم الأول كنت بقول لنفسى انا بشتغل علشان احوش فلوس المنظار واكتشفت التيرم ده انى كنت بضحك على نفسى وانى بشتغل علشان انسى خصوصا انى وافقت اخد مكان زميلتى على ماترجع بعد ماحسيت ان نفسيتى بعافيه حبتين وانتو اكيد من غير ماقول عارفين السبب حمااااااااااااااتى والحمد لله على كل حال وكمان جوزى اتغير اليومين دول كنت الاول بحسه بيحب الاطفال ونفسه فى بيبى لكن كان بيحاول يدارى ويخبى ومايحسسنيش دلوقت كل شوية يسألنى عالدوا وعالعلاج والخطوة الجاية لحد ماتخنقت بصراحه الحمد لله على كل حالاحنا هنبدأ السنة الرابعه جواز ومحصلش حمل ولا مرة فيمكن ده اللى بيخليه يفكر ويسأل كتير بس فيه ناس بتقعد بالعشر سنين وربنا بيديها عالعموم انا متوترة بسبب اهتمامه اللى زاد فجأة ده

والله يا طمطم كلكم وحشتونى جدا وربنا يعلم بنفسيتى من يومبن بس الحمد لله انا بشتغل 18 ساعه فى...

رمـــــال :

حبيبتى شيمو اولا شكرا جزيلا على دعائك ليا والله كلنا محتاجين ندعو لبعض بظهر الغيب .. بصى بقه انا ليا تعليق معلش اسمحى لى اقوله لك وياريت تفكرى فيه وتحاولى تستوعبيه اولا اهتمام جوزك المفاجئ ده ولا هو مفاجئ ولا حاجه الراجل يعنى طول التلات سنين ساكت ساكت مش معنى سكوته ده انه مش نفسه فى طفل لا اكيد كان بيفكر بس كان بيراعى مشاعرك .. ولما كنتى بتشتكى وتقولى انه مش هامه الموضوع كنا كلنا بنقول لك ده بيحافظ على مشاعرك يبقى دلوقتى لما بيتكلم فا ده شئ ايجابى منه انه حريص على تحقيق حلمكوا وده شئ كويس يتحسب له مش يتحسب عليه وتحسيه عيب فيه لا يا شيمو الراجل كده صبر كتير وسكت اكتر فا من حقه دلوقتى يتكلم ويتابع معاكى العلاج ومن حقه يزقك عليه لو شاف منك تقصير فى اى وقت وبالعكس ياشيمو ده هيكون شئ مفيد ليكوا بحيث لما انتى نفسيتك تقف ولا تقصرى تلاقى اللى فوق نفوخك ويرجعك تانى .. وسبحان الله لو سكت وما ابداش اهتمام نزعل ولو اتكلم نستعرب ونتدايق من اهتمامه الزيادة .. لا انتى عاقله ولازم تستغلى التغيير ده لصالحكوا انتوا الاتنين يعنى تشركيه اكتر واكتر وتحكى له على كل شئ من طقطق لسلامو عليكوا وتشيليه الحمل معاكى شويه وده اللى كلنا قولنا لك عليه لما كنتى بتقولى انا هصرف على المنظار من فلوسى لو تفتكرى .. يعنى بجد مش عارفه اقوللك ايه على الموضوع ده استهدى بالله وافرحى ان ليكى زوج خايف على حياتكم مع بعض وعايز يكملها بطفل جميل منكوا وبيشاركك نفس الشعور وتغيرة المفاجئ اللى بتقولى عليه حتى لو كان مفاجئ فا ده برده تطور كويس فى شخصيته انه بقى عايز يبقى معاكى فى الموضوع .. وحتى فى اسوأ الفروض ولو قولنا انه بقى عصبى وعايز طفل .. ايه المشكله يا شيمو .. من حقه يابنتى .. ومش انتى كمان عصبيه ومخنوقة ونفسك انتى كمان ومش كلنا زيك كده وازواجنا زى جوزك كده برده ولا ايه .. ولا احنا نعتبر الاحساس ده حقنا وقاصر علينا بس .. بصى ياشيمو اهتمام زوجك ده بالموضوع وانه يشترك معاكى فيه هيقربكم لبعض اكتر واكتر ولما يعرف كل شئ عن حالتك بالتفصيل ده هيخليه يعرف انك بتعملى اللى عليكى ومش واقفه مكانك وانك شايله كمان هم كبير وساعتها هيقدر ده ومش ممكن ييجى فى يوم من الايام يقول عليكى مقصرة ولا بتتدلعى ولا حتى هيفتح بقه بشكوى من تأخر الحمل خالص لانه فهم الحكايه كلها .. واخيرا يا شيمو ربنا يكرمك يارب وتفرحى ياحبيبتى بالحمل انتى مش عندك مشاكل عويصه وانتى فاهمه كلامى ده كويس .. يعنى القصه سهله بأمر الله وهتحملى قريب جدا وهتشوفى ياشيمو ان احساسى صح وكله بحسن الظن بالله اولا واخيرا وسامحينى فى الرغى ده كله ولو كلمه دايقتك منى متزعليش وافتكرنى ان كل اللى يهمنى فى كلامى هو مصلحتك ياروحى

حبيبتى شيمو اولا شكرا جزيلا على دعائك ليا والله كلنا محتاجين ندعو لبعض بظهر الغيب .. بصى بقه انا...

رمـــــال :

وبالنسبه لحماتك يا حبيبتى مش احنا قولنا خلاص هى مش جاية لك وان انتى اللى هتنزلى مصر بأمر الله فى شهر 6 يبقى شايلة الهم ليه ..وعايزة اقوللك نصيحه ياريت تاخدى بيها ..لو فى حد بيكلمك من مصر وبيحكى لك على حماتك وعلى اللى بتقوله عليكى من وراكى او بيحكى لك عن اى تفاصيل خاصه بمواقفها الخاصه بحملك ياريت تقولى له ميحكيش ليكى حاجه من هذا القبيل تانى .. وانتى من ناحيتك ياريت ياريت تسدى ودانك عن اى اخبار من ناحيتها ويدوب تكلميها وعلى قد السلامات والطيبون وكان الله يحب المحسنين .. يعنى من الاخر انتى بتشتغلى كتير و17 ساعه فى اليوم مش متحمله كمان وش ووجع دماغ بقه بتاع حماتك شيليها من نفوخك ومهما تعمل متفكريش فيها علشان مخك يبقى رايق لحاجات تانيه اهم وهى رزقها على الله ربنا يهديها مفيش فى ايدك حاجه تخليكى توقفيها عند حدها للاسف .. يبقى خلاص ركزى مع زوجك وقربيه منك يا عبيطه بأى شكل وخليكوا سمنه على عسل على كراميل فاهمانى وخصوصا كراميل لانه طعمه جميييل :hahaha: ولما تبقوا طعمكوا لذيذ كده انتى هتبقى سعيدة وهو هيبقى سعيدة والدنيا كلها سعيدة وسعيدة ليلتنا سعيدة :39:

وبالنسبه لحماتك يا حبيبتى مش احنا قولنا خلاص هى مش جاية لك وان انتى اللى هتنزلى مصر بأمر الله فى...