د.وداع :

والله يارورو انا نفسه اراسل دكتور عادل بس المشكلة حتبقي ولن تزول لانها ببساطة زي ما قالت ام اياد انا عاوزة دكتور يركز معايا ولما كان وجودنا هنا مش منه مفر فادينا بنجرب اللي نقدر عليه

والله يارورو انا نفسه اراسل دكتور عادل بس المشكلة حتبقي ولن تزول لانها ببساطة زي ما قالت ام اياد...

اشتقت اليك :

رورو... طبعا موضوع المدارس أخد مننا وقت كبير..لكنها حاجة أفادتنا كلنا و هأقولك حاجة أخيرة انا واثقة انك ممكن تكونى بتتطبقيها...لكن ميضرش انى أقولهالك يمكن يكون فيها فايدة... عندك حق يا قلبى...الدنيا بقت مليانة بلاوي و مفيهاش أمان و بيحصل فيها حاجات مكناش نتوقعها أبدا... لكن هأقولك آخر حاجة فى الموضوع ده و أتمنى كلنا نطبقها لأنها فعلا عن تجربة هى طوق النجاة اللى هيحمى و لادنا من أي فتنة أو قلق أو تأثير غير مرغوب من أي حد... وهو ببساطة...مد جسور الثقة بينا و بينهم بدءا من سنوات عمرهم الأولى اللى الكل بيبقى فاكر ان الطفل ساعتها مجرد كائن بيتحرك و ياكل و يشرب و بس....واللى أقصده إنك تتعودي تتكلمى معاه و تشرحيله كل شئ بشكل منطقى وسهل و تخليه كمان يآمن ليكى و يتكلم معاكى و يحكى...ومتتخضيش أبدا من أي حاجة يحكيها علشان ميخفش يحكيلك....و تحسسيه دايما باهتمامك بكل حاجة يقولها... و كمان تخليه يثق فيكى و يخليكى قدوته ....عارفة...كنت قريت مقالة عجبتنى أوي بتفسر ليه الطفل فى فترة المراهقة بيبعد عن والديه و يبطل يتكلم معاهم.....و كانوا كاتبين ان الطفل من ضغره بيحط والديه فى صورة مثالية...و انهم عارفين كل شئ....والأهالى بيعجنهم ده طبعا و ساعات بيقولوا كلام يكتشف الطفل بعد كده انه مش صح...و من هنا بتهتز الصورة لما يكبر و يكتشف ده و كمان يكتشف انهم مش الأشخاص الخارقين اللى هو فاكرهم......و الحل لكده اننا نجاريه و نكون واضحين معاه و لو فيه حاجة مش عارفينها نقوله لكن نعرفه اننا نقدر نعرفها و نساعده يعرفها....و اننا نجاريه و نحاول دايما نتتطور و نطور معارفنا معاهم علشان ميكبروش و احنا نفضل مكانا و يحسوا اننا old fashion......و أهم حاجة نحترم عقله و مشاعره....و نحترم خصوصيته لما يحب يكون لوحده و نكون معاه لما يحتاج صحبه.....و منوعدوش بحاجة إلا و لا زم ننفذها أو نعتذر قبلها بوقت كافى.... أنا اتربيت كده....والطريقة ديه ساعدتنى يكون ليا شخصيتى و رأيي و متأثرش بحد....وكمان بتبعد عن الواحد أصدقاء السوء لأنهم لما بيعرفوا ان الواحد صريح مع أهله بيخافوا و يبعدوا عنه........وصدقينى ده بيبنى شخصية الطفل و بيبنى ثقته فى نفسه و ثقته فينا...و لو الثقة ديه اتبنت ...صدقينى مفيش قوة فى الدنيا هتهدها...و مفيش حد غيرك هيقدر يؤثر عليه و لا يغير طريقة تفكيره ...لانه ببساطة هيكون صريح معاكى و هتعرفى كل تفاصيله أول بأول وهيكون بيقتنع بكلامك و بالتالى هتقدري تحميه من أي قلق......وأنا باحاول اطبق ده مع انس..و لحد دلوقتى الحمد لله نجحت...و اتمنى انى أقدر استمر و اتمنى ان كلكم ربنا يرزقكم و يفرحكم بولادكم و يقدركم على تربيتهم تربية صالحة

رورو... طبعا موضوع المدارس أخد مننا وقت كبير..لكنها حاجة أفادتنا كلنا و هأقولك حاجة أخيرة انا...

هيا ننشر الخير :

شوشو حبيبتى .. أنا سعيده بكل كلمة كتبتيها عارفه ليه لأنى تأكدت الحمد لله إن لسه فى ناس بتفكر بعمق وميثالية فى تربية أبنائهم كمان نقاش ريمو .... تفكير توتا فى نوعية مدرسه إبنها اللى هتنجبه إن شاء الله .... إهتمام نوفى بنوعية الدراسة و المناخ العام فى مدرسة ولادها حقيقى أنا سعيده بالنقاش اللى حصل بينا كلنا و عايزه أقولك إنى فعلا بطبق كل الكلام ده .. و عارفه إن سيف فى أهم مرحله لأن الخطوط العريضة فى التربية و اللى من ضمنهم جسر الثقة بتتأسس فى أول 7 سنين من عمر أى طفل ربنا يعينا جميعا على تربيتهم التربية الصالحة اللى تبيض وجوهنا يوم العرض على الرحمن ويرزقنى وكل إخواتى هنا بالذرية الحسنه خلقا وخلقة

شوشو حبيبتى .. أنا سعيده بكل كلمة كتبتيها عارفه ليه لأنى تأكدت الحمد لله إن لسه فى ناس بتفكر...

زينب ابراهيم :

السلام عليكم ورحمة الله وبركاته انا جيييييييييييت اكيد نورت البيت واحشتونى يا قمرات كيفكم؟ يارب تكونوا كلكو بخير وعلية انا كله تمام الحمد لله 59 كيلو بقى وزنى يا بنات بقيت ايه سمبتيك واااااااااو الحمد لله باخد كلوميد الشهر ده برده تحصيل حاصل مش اكتر يالا كله خير مووووووووه بوسه لكل واحده فيكو وبعد ازنكو فرقوا بينى وبين الزينبات الاخريات

السلام عليكم ورحمة الله وبركاته انا جيييييييييييت اكيد نورت البيت واحشتونى يا قمرات كيفكم؟ يارب...

رمـــــال :

والله انا كمان سعيدة اوى يارورو بالنقاش اللى انتى فتحتى بابه ده ربنا يجازيكى خير كلنا استفدنا منه وانا فعلا ملاحظة اننا اى نقاش بنفتحه بيكون مفيد وكلنا بنخرج منه بمعلومة مفيدة يعنى الحمدلله مبيكونش كلام فاضى بيتقال وخلاص وكله تهريج .. ربنا يديم صحبتنا دى دايما يارب ويبارك فيها .. ويارب اكون زيك انتى وشوشو كده فى تربيه ابنى انا كمان واعرف اعمل اللى انتوا نجحتوا فيه ..

والله انا كمان سعيدة اوى يارورو بالنقاش اللى انتى فتحتى بابه ده ربنا يجازيكى خير كلنا استفدنا منه...