ماما....استخيري و ربنا يعينك على القرار الجميل اللى اخدتيه

ميكو...
على فكرة انا كانت اكتر حاجة عجبانى فى الاول هى المدارس الفرنسية و كنت معجبة بالمستوي العلمى لكل من تخرج منها....وكنت ناوية ادخل انس فيها...تعرفى...قريت مرة مقالة جميلة لكاتبة كبيرة كان عنوانها...(تعلمت الصلاة فى مدرسة الراهبات)..و انا على فكرة مقصدش انهم بيؤثروا على المعتقدات....لكن ممكن يكون الوسط المحيط اتغير عن زمان
لأن زمان غير دلوفتى ...ومش فى المدارس بس...ده بقى فى كل حاجة...مفيش حاجة محافظة على جودتها بتاعة زمان....ربنا يعينا على الزمن اللى احنا فيه

أوكسى....
حاجة غريبة اوي.....الشركة الأجنيته كانوا عاملينلنا مسجد جميل اوي فى الشركة....وشركتكم حتى مخصصتش مترين لعمل مسجد....بجد ربنا يرحمنا ...
المهم ملناش دعوة...خلى بالك من نفسك و ان شاء الله نفرح قريب

السلام عليكم ازيكم يا بنات واحشتونى اوى

معلش انا كان عندى ضيوف من الاسكندرية وما عرفتش ادخل على النت خالص عزومات وفسح وسهر وانتم بقى عارفين اكرام الضيف واجب
وبعد ما مشيو والله تعبت اوى ولسه يدوب فايقه لانى المسكن عمل مفعوله
حاجة غريبة حصلت معايا الدورة نزلت عادى لكن تانى يوم مغص فظيع وشديد اوى اوى اوى لدرجة انى كنت بصرخ من الالم ومش عارفة اعمل ايه جوزى فى الشغل احمد عمال يعيط عاوز يغيلر وياكل وانا مش قادرة اعمل حاجة يا دوب اتصلت بجوزى وهو جه على طول بس كنت على اخرى اتصل بالدكتورة وقالت له على مسكن لحد ما اروح لها والدم نازل حنفية والله ما كنتش مصدقه اللى بيحصل جوزى شك انها تكون زايدة روحنا للدكتورة وقالت انها لما سمعت صوتى وانا بصرخ افتكرت انى حامل خارج الرحم وكشفت على كشف نسا والحمد الله مش لقت حاجة فسرت المغص الشديد اتى بطانة الرحم كانت سميكة زيادة وانى الرحم كان بينقبض بصورة اقوى علشان تنزل وكتبت لى على اقراص لوقف النزيف وكمان على فيتامينات وعلى لبوس مسكن والحمد الله اتحسنت بس لما بيروح تاثير المسكن بحس بوجع شديد فى الظهر مش عارفة ليه