طريق عمل الكشري بدون استهلاك للمواعين والقدور تفضلوااا

مرحبا خواتي بعالم حواء بدخل بالموضوع علي طول


هذي طريقه لعمل الكشري بدون ماتستهلكي قدور واواني كثيره من ادماني عالكشري ابتكرت هالطريقه السهله


اول ماتصحصحين الظهر بعد الصلاه روحي المطبخ وخذي قدر صغير حطي فيه العدس البني ومويه واسلقيه علي النار بعدين خذي حافظه بلاستيكيه وحطي فيها الرز والمكرونه مع بعض واغسليهم زين وانقعيهم بمويه حاااااره فترة عشر دقايق او ربع ساعه عاد انتي بتعرفي اذا نقعو زين بها الوقت خذي تاوه وحمسي فيها الشعيريه لين يصير لونها بني فاتح حمسي في القدر الكاتم بصل وزيت وكثريه شوي عشان مايلزق معك الرز والمكرونه وقت الطبخ وبعد مايتحمس البصل حطي الارز والمكرونه وضيفي عليهم الشعيريه اللي سبق وحمستيها وحطي ملح والله لايهينك تغطين القدر زين ومن وقت مايصفر القدر احسبي خمس دقايق ويكون استوي بهالخمس دقايق جهزي الشطه او الصوص وهوطبعا كله مفروم بصل وثوم وفلفل حار تحمسينه مع زيت لين يصير لونه ذهبي وبعدها ضيفي الطماطم المفروم ومعجون الطماطم وبهار وماجي وربع ملعقه زعفران مطحون وخليهم يطبخو مع بعض وخلصت الطبخه
جيبي الصحون حطي الرز مع المكرونه والشعيريه وحطي فوقهم عدس ووحطي فوقه الصوص طبعا انا اسوي الصوص كميه كبيره واحطه بعلبه وفالثلاجه اسهلي بعدين لان بامكانك تستخدميه مع الارز
وانتهي

طبعا في ناس تحب البصل البني معه بس عن نفسي ماحبه فما اسويه مع الطبق
دعواتكم لي بالتوفيق واتمني يعجبكم الموضوع