السلام عليكم ورحمة الله وبركااته..
اخبااركم ياأحلى حوااائياااات..
ان شاءالله تمام وكيف البشره وياكم ان شاءالله حلوه وتعجب ابو الشباب<<عيب اعقلي
المهم ياطويلات العمر جبت لكم طريقة تنظيف رهيييييييييييييييبه رهيبه والله مره حلوه ..
ان شاءاالله تعجبكم وتستفيدون منها بدال روحاتكم للمشاغل وتدفعون فلوس وصرفيه وشوفي من يوديكم عاد خخ <<زودتيها عاد..
شوفو للأمانه الطريقه هذي انا ماسويتها بس حظرت محاظره للتجميل وسوو هذي الطريقه قداااااام عيوووني والله اني واقفه وهي تسويها على راسها ...
..
المهم خلاص مراح اطول عليكم هذي الطريقه .......
1-غسلي وجهك ..
2- تحطين صنفره وطبعآ معروف احسن صنفره اللي بالخوخ وتحطينها بحركه دااائريه على فوق لمنع ترهل البشره وتسوين مساج وتعملين ضربات خفيفه على وجهك للأعلى اكيد فاهمه علي ..
واذا كانت بشرتك جافه تفركينها وتضغطينها بين الاصابع يعني كنك "تقبصين او تقرصين " البشره اتمنى الخطوه واضحه .
3- تأخذين الأسفنجه الخشنه اللي خاصه للبشره وتلاقينها بالصيدليه او مراكز التجميل وتحطين فيها مويه "ماء" وتمسحين الوجه على فوووووق طبعآ ..
هذي هي الأسنفجه اللي بالصوره ماعليكم من الباقي..
4- تعقمين البشره بالتونيك أو ماءالورد..
ماء الورد
5- توجهين البخار على وجهك اذا عند جهاز حلو واذا ماعندك مو مشكله خذي "قدر" اللي تطبخون فيه وحطي فيه مويه وحطيه عالنار وغطيه وتقدرين تضيفين له اوراق النعناع او اي شي مفيد للبشره بعدين افتحيه وحطي فوق راسك فووطه وخلي البخار يتوجه لوجهك بس انتبهي من البخار مو اول ماتفتحينه وهو مررررررررررره نار تحطين وجهك يعني اللي تتحملينه حطيه لمدة 15 دقيقه
5- الحين بشرتك جاهزه لأستخراج الرؤؤس السوداء على طول اذا اظافرك قصيره حاولين تضغطين حولينها لحد مايطلع الأسود اللي داخل واذا اظافرك طويله حطي مناديل حول الاظافر عشان ماتأذين بشرتك ونفس الشي اضغطي حولين الرؤوس السوداء وطلعيها ..
وفي اله حديد يستخدمونها لتنظيف الرؤوس السوداء اذا عندك حلو سوي فيها..
هذي هي الأله ..
6- حطي القناع اللي ترتاحين له ويناسب بشرتك .. والقناع اللي استخدمووه قدامي قناع " قناع فينازين" ويقولون انه افضل قناع تحطينه لمدة 10 دقايق وطبعآ يعتمد على حسب نوع القناع...
بعدين شيلي القناع بالأسفنجه وغسلي وجهك...
وتمتعي ببشره نظييييييييفه وناااعمه ومشرقه ...
هذي الطريقه مررره مرررره حلوه...
حتى والله علمتها وحده من قريباتي وانجنت عليها تقول بشرتي اطلعت خيال حتى خواتها لاحظو على طول...
اتمنى الطريقه تعجبكم..
وادعوووو لي ربي يحقق لي اللي في بالي...يارب..وحطو في بالك اي دعوه تدعينها في ظهر الغيب الملائكه تقول ولكِ مثلها...
سبحان الله عدد ماكان وعدد مايكون وعدد الحركات والسكون..
سبحان الله عدد خلقه ورضانفسه وزنة عرشه ومداد كلماته..
اشهد ان لااله الاالله وحده لاشريك له له الملك وله الحمد وهو على كل شيء قدير..
سبحان الله والحمدلله والله اكبر ولااله الا الله ..
اللهم صلي وسلم على نبينا محمد...
اختكم..
كتكوته مزيونه...
خطوات رائعة وشرح مميز