مرحبا اخواتي
بصراحه دورت بقسمنا هذا وقبله قسم صحه وتربيه الطفل وما لقيت احد كاتب موضوع عن اكل اطفال الشلل الدماغي
لان زي مانتن عارفات وجباتهم تكون شبه سائله وبنفس الوقت الازم تكون مغذية وتعطي الطفل وزن وصحة
والوصفات الي لقيتها منثوره في ملفات الشلل الدماغي
فحبيت اني احط موضوع مستقل يجمع وصفاتنا وابتكاراتنا لفلذات اكبادنا
وراح ابداء انا ولدي ما يعرف يمضغ فأكله كله بالخلاط
الوصفة الاولى : خضار مشكله مسلوقة وبعد الخلط احط عليها ملعقة كبيره زيت زيتون او زيت كبد الحوت (سفن سيز )
الوصفة الثانية : قرع مسلوق وبعد الخلط احط عليه دبس تمر
الوصفة الثالثة : فواكه مشكلة وزبدة فول سوداني وبالخلاط
الوصفة الرابعة : بيضه مسلوقه اخلطها مع زبادي وبالخلاط
الوصفة الخامسه : الكبسه لازم موهو سعودي اخذ من الحم او الدجاج وشوي رز وزبادي وبالخلاط ولا احلا كبسه
وهذا الي عندي واتمنى انكم تستفيدون منه
وبانتظار وصفاتكن وتفاعلكن لتعم الفائدة