هلا وغلا فيكم
هذا الله يسلمكم في يوم من الايام جابت لنا اختي طريقة بسكويت من صديقتها في الدوام كانت مسويته لهم لما جربناه الصراحة طلع شيييييييييييييييييييييييييييييييييييي يجنن وهذي يمكن رابع مره اسويه الطعم شي خيال والشكل روعه
فقلت لازم اسويه وانزله في احلى منتدى لأحلى بنات
نبدا المقادير :
2 علبة كيك بيتي كروكر شوكلاته سوداء
كاس زيت
4 بيضات
الحشوة :
علبة جبن فيلادلفيا - ربع اصبع زبدة على حرارة الغرفة - نصف كاس سكر
الطريقة :
1- يخلط البيض مع الزيت تقريبا 5 دقايق بعدين نضيف خليط الكيك ونخلطهم مع بعض حتى تتكون عجينة وبتكون ثقيلة يعني مو سايله مثل الكيك العادي .
2- ندهن اليد بشوية زيت وبعدين ناخذ من الخليط تقريبا مقدار نصف ملعقة ونكورها على شكل كرة صغيرة .
3- نجهز صينية مدهونة بشوية زيت ونحط الكورة فيها ونضغط عليها باليد مثل الصورة لحد ماتخلص الكمية .
4- ندخلهم الفرن على درجة حرارة 140 لمدة 10 دقايق بس .
5-وهذا شكلهم اول ماتطلعينهم من الفرن .
6- بعد شوي راح تشوفينهم بدوا يتجعدون >> ماادري شلون اشرح المهم مثل الصورة ماراح يبقون منفوخين .
7- تخلط مقادير الحشوة في الخلاط ونبدا نحط بالملعقة مقدار منها على قطعة البسكويت وبعدين ناخذ قطعة ثانية ونحطها فوقها يعني طبقتين فوق بعض وبينهم الحشوة .
الحشوة
وهذا شكلهم النهائي
وهذي من قريب
جربوه وماراح تندمون ترى طعمه يجنن
وروني ردودكم الحلوة ياحلوين
تسلم يدينك وراح اجربها في اقرب وقت باذن الله