طفح الكيــل وزااااااااااااااااااااااااااد عن حدو.مع أهل زوجي .!!/ معدل

السلام عليكم ورحمة الله وبركاته

صباحكم ورد..صاحية بكير قلقانة مو عارفة انام من همي

طبعا السبب اهل زوجي رجعوا للزن والحكي والشكي

مابعرف شو بدهم منا ..زوجي لسا امبارح اجا من الدوام

الو اسبوع غايب ..راح يسهر عندهم ويسلم عليهم

استلموا يحكولوا انت ومرتك ما بتيجوا علينا

ال حماي مريض والله يابنات يوم الي كان مريض

رحنا عنده من صلاة الصبح وانا عندي امتحانات

اعملتلهم فطور وجليت وروحت بيتنا معي سلتين غسيل

الهم وغسلتهن وظهري انكسر وارجعنا المسا سهرنا عندهم

وزوجي كان طول اليوم جنب عمي لما يجي عمي يفوت الحمام

يقربله الشبشب اعزكم الله ويمسكو بايدو لحد مايوصل مع ان

عمو مو عاجز هو بالخمسينات بس كان عنده نزلة برد

وقبل ماطلع زوجي عالدوام باس ايدو وسالو اذا عاوز شي

عمي رضي علي وقالو الله معك ..المشكلة ان زوجي

من النوع الي اذا انقهر بكتم بقلبه ...

نرجع للموضوع

اجا امبارح زوجي قبل مايجي عالبيت بروح عند اهلو بسلم عليهم

وبيجي عالبيت بتغدا وبنام والمسابروح يسهر عندهم

راح عندهم وبعدها طلع عالدكان يشتري حاجة رجع لاقاهم بحكوا

عنا لخالو وبشكو انا ما بنطل عليهم وانا ما بنزل عندهم والله ثاني يوم

لما كان عمي مريض كان عندهم عزومة رحت من الصبح وروحت العصر وانا ابكي

عندي امتحان ما درست عليه .وسلفتي الله يجزاها الخير راضتني وحكتلي خلص

روحي ادرسي انا بكمل الشغل ..
هذا كان الاحد

ثاني يوم ضليت بالبيت ادرس ..والثلاثاء قبل ما اروح الامتحان رحت عندهم وسلمت عليهم وسالت عمو

عن صحتو وحكالي الحمد لله منيح ..وانا مروحة كمان رحت عندهم وكانت عمتي تعمل سمبوسك لبناتها

وماعم يساعدنها قاعدات يطلعن عليها انا قعدت شوي وروحت ولا حدا قالي خليكي اتغدي عليكي

امتحانات ولا شي..الله يرضى عليها ماما كل يوم تقريبا بتوديلي غدا ..

والاربعاء طلعت اعزي جارتنا ومالقيت دار عمي بالبيت ..رايحين عند سلفي يشوفوا كان مريض

رحت عند دار سلفي وسلمت عليهم..والخميس والجمعة مارحت ...والسبت كان عندي اخر امتحان

رحت المسا عندهم عمي وعمتي مبوزين يعني زعلانين لا بحكوا ولا عبالهم وبسلم على عمتي

سلمت بطرف اصابعها وفاتت لجوا ..

وكانوا يومها طالعين نزهة هم وبناتهم ..الله ياخذني من هيك حظ وقت الشغل بميلوا علي وعسلفتي وقت اللعب والمرح بوخذو بناتهم

..ياجماعة احترت شو اعمل ..احترام محترمتهم ..وزوجي كمان ..كمان شوي رح يصيرله شي مو منيح

اليوم بالييل صار يصيح صحيته من النوم ..كاين يشوف اشبااااح..وانا بضل احلم انهم بقاتلوا علينا

وبحلم اني شايبة منهم ..

والله يابنات بنتهم عند اهلي بتروح عند اهلي يوم واحد بالاسبوع وبشوفوها عسل وانا كل يوم عندهم واذا غبت يوم بفضحوني قدام خلق الله ..


والله صرت افكر احرد عند اهلي ..يا اخي لاخلفة وصبرنا وزوجي دوامه اسبوع وصبرنا ودايما ياذوني وبصبر

بس خلاص طفح الكيل عندي وما عدت استحملهم وصرت ادعي عليهم ..


حسبي الله ونعم الوكيل ..يارب يعطيهم كنة تشيبهم ..