اختي العزيزة زهرة نجد،، ادعو الله ان يفرج عنك همك ويرزقك الزوج الصالح يارب... حاولي عزيزتي تنفذي نصايح الاخ gقـفـــgا iiiــــgي،،،
اما اذا لم يجدي الحديث والنصح معهم،، فانصحك بأن تخلقي لنفسك الهيبة في انفسهم من جديد،، فان تطاول اخيك الاصغر عليك بالضرب مرة اخرى فلا تسكتي له بل عامليه بحزم وشدة حتى لو اضررتي لضربه!! فاتخاذ موقف حازم وقاسي مرة واحدة، قد يمنعه من التحرش بك مجددا.. ايضا حاولي التودد الى امك بالكلمة الطيبة، وحدثيها عما يحزنك ويهمك... كما انصحك بالبحث عن وظيفة تشغلك عنهم،،،

الاخت زهره نجد نموذج لانتهاك حقوق المراة الشرعية التي نص عليها الشرع من قبل الرجل

او الشاب او الولد سواء كان اب او اخ او زوج بسبب بعض العادات والتقاليد المخالفة

للشرع لانه لو كان اي واحد منهم واثق بانه لو هالبنت ذهبت الى الشرطة واشتكت عليه

بالتعدي بالضرب بانه سوف يسجن او يتهم او يكتب له تعهد بعدم الايذاء الجسدي كان ماتجرى

ابدا.:44::44:

:27: شوفي حبيبتي انا ماراح اتطرق حاليا او في هذا الوقت بالذات لحل مشكلتك لكن باقولك على شي ان شاء الله انه بيخفف من المشكلات اللي تعانين منها الى حد كبير ان شاء الله اولا حبيبتي حاولي تحافظين على الاذكار الصباح والمساء كلها من كتاب حصن المسلم واللي من ضمنها ((من قال حسبي الله لا اله الا هو عليه توكلت وهو رب العرش العظيم 7 مرات في الصباح و7 مرات في المساء الا كفاه الله مااهمه من امر دينه ودنياه طبعا زي ماقلت كل الاذكار.
ثانيا حبيبتي حاولي انك تحافظين على الصلوات في اوقاتها يعني ( احفظ الله يحفظك , تعرف الى الله في الرخاء يعرفك في الشدة ) او كما قال رسول الله صلى الله عليه وسلم .
ثالثا حاولي تجعلين للصلوات النافلة نصيب من صلواتك يعني صلي الصلوات الراتبة مع محاولة المحافظة على صلاة الضحى خاصة وانك تقولين انك متخرجة حاليا وقاعدة بالبيت وبالاضافة للوتر لو ركعة واحدة حتى تكتبين عند الله ممن قام تلك الليلة والصلوات الراتبة ياعزيزتي اعتقد الحديث مايخفاك في فضلها ( من صلى اثنتي عشر ركعة في اليوم والليلة بنى الله له بيتا في الجنة ) او كما قال عليه الصلاة والسلام .
رابعا حاولي ياعزيزتي انك تجعلين لك ورد من القران تقرينه يوميا ولا تخلينه لاي سبب من الاسباب .
خامسا واهم شي ياعمري الدعـــــــــــاء وما ادراك مالدعــــــــــــــــاء والله لو تدعين الله كل ماقمتي وجلستي ونمتي وفي كل حركاتك وسكناتك لتشوفين حياة ثانية ماتخطر لك على بال بس حبيبتي في دعاء انا مجربته شخصيا والله احس حياتي تغيرت معه وهو ( ياحي ياقيوم بك استغيث اصلح لي شأني ولا تكلني الى نفسي طرفة عين ولا اقل من ذلك وكثري من هذا الدعاء واغتنمي اوقات الاجابة وما اضنها تخفى عليك
سادسا ياعزيزتي الاستغفار ....الاستغفار ..زالاستغفار... جربيه والله انه علاج مجرب لجميع مايعترضك في طريقك علاج ناجح لاي مشكلة لاي هم لاي غم لاي مرض لاي ضيقة لاي محنة شي ماتتصورينه ولا يخطر لك على بال ( من ااستغفر الله جعل الله له من كل هم فرجا ومن كل ضيق مخرجا ومن كل بلاء عافية ) اوكما قال عليه الصلاة والسلام وايضا ( فقلت استغفروا ربكم انه كان غفارا يرسل السماء عليكم مدرارا ويمددكم باموال وبنين ويجعل لكم جنات ويجعل لكم انهارا )
شوفي حبيبتي لو التزمت باللي انا قلته لك شوفي وشلون بتتغير حياتك وبتقولين ويني عن هالحل من زمان
في حاجة بس حابة اقولها مع اني قلت ماراح اتطرق لحل المشكلة الان لكن ضروري اقولها شوفي انت لين جيت عند اخوك او اختك واحد حاول يتحرش فيك او يفتعل معك مشكلة مباشرة قولي اعوذ بالله من الشيطان الرجيم او اذكري ربك او استغفري ربك وعلى طول روحي من قدام اللي يحاول يفتعل مهك المشاكل وصدقيني ان شاء الله الى ان تتلاشى باذن الله

الله يعينك يارب ويسخر لك من ياخذ حقك

ويهدي اهلك ياربي

مرررره انقهرت عشااانك ليش يفرقون بين البنت والولد لانهم عارفين ان البنت مكسورة الجناح لوها ولد كان ركب سيارته وكفخ عنهم وعرف كيف يادبهم<<<<<<<< اعذروني والله من القهر اللي حسيته فيك

شوفي ياقلبي اذا مانفعت الحلول اللي فوق مالك الا :


انك تخلقين هيبه لنفسك ولعد تعطينهم وجه وحسسيهم دايم انك قويه

ومالك الا تخلين علاقتك معهم رسمييه مررررررره

دام انك اذا خشيتي معهم ماتلقين الا عوار الراس وحاولي انك توسعين صدرك بنفسك اذا جلستي بغرفتك حاولي تسلين نفسك وتبسطين

وليش ماتدخين دورات او تشترين لك كتب جديده وتحاولين تقرينها وتنين مهاراتك
طوري من نفسك دايم

ومااقول غير الله يعينك ويجبر بخاطرك وينولك اللي في بالك

السلام عليكم ....

عزيزتي بالاضافة الى نصائح العضوات الكريمات ...يجب عليك ان تضعي اهداف لحياتك

مثلا اكملي تعليمك ...اشغلي وقتك بالدراسة وبالعمل ...

ابحثي عن عمل واعملي صدقيني ستتغير حياتك كليا ...

ستقضين على وقت فراغك وتشغلينه بما يفيدك ..ستستقلين ماديا عن اهلك ..ستكونين صداقات جديدة ..ستبتعدين قليلا عن جو المنزل

انصحك كذلك بالعمل التطوعي في الجمعيات الخيرية الى ان تجدي العمل الذي يناسبك ..