طفح الكييييييييييل معي خلااااص ما اقدر اتحمل..الحل الله ينولكم اللي ببالكم

السلام عليكم ورحمة الله وبركاته
ابي مشورتكم يالغاليات ..
انا خلاااااااااص طفح الكيل عندي من ام زوجي دايم تجرح وتجدع علي بالكلام واصبر واتحمل واسكت عنها الى يوم الخميس اللي راح ..
سافرنا انا وزوجي اربعاء وخميس وجمعه نزور اهلي واهله من زمان ماشفناهم وخاصه امه لانها كانت بالاجازة مسافره وماشافتني من بعد سالفتها انها تزوج زوجي علي بسبب ان ماعندي الا بنات ووقفت اخوي بوجهها .. من يوم وصلنا وهي تجدع بالكلام واسكت متحملتها الى يوم الخميس اجتمعوا اخوان زوجي وخواته وجايين ناس من معارفهم وكانت سلفتي تصب القهوة وهي مشغوله بشيء ثاني قلت لها عطيني عنك وروحي لشغلك قالت وحده من الحاضرات عطيها اياها بحسن نيه وام زوجي قالت قدام الحريم هذي دجاجه ماتلمس شيء زين منها قالت هالكلمتين :( والله يابنات على ان العزيمه لنا لكن ماقعدت ابد واشتغل معهم واقدم ولكن مايبين فيها المعروف والاحترام انا من الحرة اللي فيني ويوم سمعتها قالت كذا قلت لها بقهر وبنفخ علميني انا وش سويت لك يوم شايله علي هالحقد كله والله يابنات مدري كيف طلعت مني وماكنت بوعيي ومن بعدها وراسي مصدع والضغط ملخبط مرتفع معي وقولوني واصل متر منها وكلمتها ببالي تنعاد الى اليوم
وياما جرحتني وجدعت كلام واسكت واخرها يوم الجمعه قبل مانسافر كنت ارضع بنتي من صدري في غرفه وهي مرت علي وبعدها جلست مع اخوان زوجي قالت هالحريم مغير يزكون(يشربون) عيالهم من حليب البقر ومايعرفون ينوعون لهم بالنعمه وعلما ان مافيه احد صغير يرضع من اهل زوجي غير بنتي وكانت كلمتها على اذني تعوذت من ابليس ولا كنت ناويه هوشه معها

مدري كيف باتحملها بالاجازة كلها وهي تتكون طول الاجازة معنا وراح تسافر معنا وهي بالسفر هوايتها التنكيد على اللي معها تكرهين السفره كلها بسببها ...وش الحــــــــــــــــــــــــــــــل معها ... معاملتي لها والله وش زينها ولا اقصر عليها بشيء لكن ما اسمع منها الكلمة الزينه ابد ولا الابتسامة على الاقل
ساااااااااااااااااااااااااعدوني ومااااااااااااااااااااراح انساكن من الدعاااااااااااااااااااااااااء يالغالياااااات