طفح جلدي من دون اي اعراض اخرى

بنات صحيت اليوم من النوم

والقى جسمي منتشر فيه حبوب حمراء ومو بارزة مرة

ولافيني اي شئ سواء كان حرارة او حكه

يعني ماحس بشئ غريب

المهم اني تروعت خفت انها حصبه وطرت للمستشفى

وكان هالكلام عقب صلاة العشاء

ورحت للحالات المستعجله

وارعبتهم ورجيتهم وقلت دخلوني قبل لا اعدي المرضى كلهم
واكون انا السبب الاول في انتشار مرض الحصبه في الخبر

المهم انهم دخلوني بسرعه وهم مختلعين <<< والله اني كنت خايفه بعد انا

المهم اني يوم دخلت على الدكتورة قالت وشفيك واقوم اوريها

والله كأني اوريها العيد عااااااااادي ماهمها

المهم تسألني اسأله فيك حرارة فيك حمى فيك كذا وكذا وكذا

المهم اجوبتي كلها لا

قالت اجل مافيك الا العافيه

وقلت وشلون اخاف انها الحصبه

قالت مافيك اي اعراض كيف تكون الحصبه وعطتني كريم حساسة يلكوم

تقول هذي حساسية طارئة جاتك

عاد انا ماكلت شئ غريب ابدا ابدا

يوم رجعت البيت والقاه منتشرررررررررررررررررررر بجسمي مرررررررررررررررة

عاد الحين خفت صدق
لاني مادري وشفيني

ومستشفى ارامكو صار لي معه كذا موقف ومع امي ينكرون ان فينا شئ وبعدين نكتشفه من مسشتفى ثاني

ونلقاه متمكن بعد

الحين اللي صار لها كذا تعلمني وش سوت