سمية@

سمية@ @smy_18

عضوة نشيطة

طفح كيلي وابي اشتري أبسط طلباتي

المشاريع والافكار التجارية الشاملة

انا سعودية وام لاطفال مااقدر اتوظف وظيفة خارجية بسبب عيالي
راتب زوجي ٣٦٠٠ يعني شيء يرووع اجار ومصاريف أطفال واقساط لاتجي وحدة مطفية النور وتقول كان مااخذتيه بقولها اهو كذب علينا قايلنا ٦٠٠٠ وزيادة غير خارج الدوام والدراسة اللي بيكملها المهم اكلت المقلب وصار اللي صار الحين اقسم بالله حتى ٥٠ ريال اشتري فيها أبسط طلباتي مايعطيني بيجمع يشتري لللبيت اشتغل شغل ثاني مو تحرمنا من العيشة وابسط طلباتي
المهم انا عندي أفكار ابيع بهارات طبخ وقهوة خلطات شعر وبشرة اشترك في أسر منتجه للحلويات واوزع على محل حلويات او مخابز بس مادري و وين ابدا كيف اكلم هالمخابز واعرض عليهن خدمتي ومن بيوصل الصياني
لو بسوي بهارات وخلطات من وين اشتري علب البلاستيك الرخيصه
وين احصل بهارات بمكان رخيص ومن بيوديني لان مابغى زوجي يدري ابدا بيأخذ اللي بحصله بشكل او بآخر وماراح احصل الا السب والشتم وقل التقدير ولا ماكنت قصرت
4
1K

يلزم عليك تسجيل الدخول أولًا لكتابة تعليق.

تسجيل دخول

عآشقة..
عآشقة..
💗بالنسبة للعلب شوفي ب محلات الكماليات (كل شيء بخمسة) خذي لك اواني بلاستك محكمة الاغلاق مبدئياً خذي مثلاً ٣درازن ب ١٥﷼ فقط الدرزن فيه حوالي ١٢علبة


💗البهارات خذي من العطار كيلو من كل نوع (كمون كزبرة مجففة فلفل اسود و ابيض ريحان مجفف...الخ) المهم خذيها عدلة مو مطحونة .. اغسلي و نظفيها و اطحنيها و خلي لك نكهة خاصة ب اسمك يعني ما تكون نفس البهارات الثانية .. خلي سرّك يوضح فيها✨ الكيلو غالباً ١٠﷼


💗بالنسبة للاكلات شوفي لمحلات الاسر المنتجة و يا كثرهاااا (تلاقين رقم مالك المحل ب اللوحة اللي برا المحل .. تواصلي و عاد خليك ذكية انتبهي ل ربحك) صلحي اي شيء انتِ شاطرة فيه لكن اختاري الاشياء اللي تستحمل تجلس لليوم الثاني زي المعجنات و الكيكات و الحلويات ...


💗القهوة اكثر شيء عليها إقبال كبير .. صلحي خلطة خاصة و نكهة خاصصصة ب اسمك و مبدئيا خلي حمسَتها خفيفة و كل مازاد ربحك نوّعي في حمستها حطي خفيف و متوسط و ثقيل ..




💗ابدي حبة حبة حذاري تطبين فيها كلها مرة وحدة و تطيحين ع وجهك .. مثلاً ابدي اول شيء ب قهوة .. و لو شفتي ان ربحك ناجح نوّعي في حمسَتها .. و لو تطور ربحك اكثر صلحي البهارات .. اا زاد ربحك اكثر و اكثر هنا يصيرعندك قدرة انك توفّرين اغراض اكبر و اغلى عشان تصلحين اكلات و تبيعينها زي المحاشي و الحلويات و المعجنات و و و و...الخ)




الخطة بالترتيب و اللي اشوفها ناجحة 👇🏻
💛افتحي لك حساب انستقرام
💛و كل ما وفّرتي شيء جديد نزليها ب الحساب
💛و احرصي برضو ان منتجاتك اللي ب المحلات تحطين عليها ستيكر فيها حسابك الانستا و رقم التواصل تبعك
و بكذا مع الوقت راح يضخم ربحك و حسابك لكن لا تستعجلين ع رزقك كل شيء يجي حبة حبة ..






طبعاً متى ما صارت لك القدرة المادّية شوفي للمشاهير المضمونين (حقيييين التغطيات) و خليهم يغطّون لك منتجاتك و الله يبارك لك يا حي يا قيوم 💓


و طبعاً ضروري تحفظين نسبة من ربحك و تجمعينه و متى ما شاء ربي و يسرها لك افتحي محل ب اسمك ♥️👌🏻✨
انتاليا
انتاليا
كتبت كل شي الاخت عاشقه ماقصرت
بس بفيدك بالقليل اذا انتي من الرياض
روحي لغتيقه تاخذين العلب ارخص واوفر
بالنسبة تبين تروحين لحالك بدون زوجك حاولي تتفقين
مع امك ولا اختك ولا اخوك ولا ولد اختك الي تمونين عليه
ولا خوذي اوبر ولا كريم واتكلي ع الله
بس نصيحة الربح لازم تشيلينه من اول مره تجميع ع طول
عشان فعلا يكون بداية الطريق لك ..والله يوفقك
مصدومة بيه
مصدومة بيه
اذا انت من جدة روحي محل احلى هدية فرع الهنداوية شفت عندهم علب تججن و اسعارها جملة والبهارات حتلاقي بباب مكة عمارة الشعلة او محل البريدي عالشارع وربي يوفقك وابدئي بيعي علب صغيرة بسعر معقول والاهم النظافة وغسل البهارات وتابعي وحدة بالانستغرام اسمها نهلاء سليمان حلةو بهاراتها انا جربت الماجي المنزلي روعة والكل يسالني عنه
noonoo252
noonoo252
الله يرزقك