مرحبا خواتي الله يعطيكم العافيه ولا يضيعلكم تعب
خواتي الغاليات انا اليوم كنت قاعده فاضيه وخير اللهم اجعله خير قلت انا ليش مااقوم اشن حمله على مكيف غرفه نومي :22: وسلامتكم ماصدقت خبر جهزت العده وسميت بالله وقلت تعالالي ياحلو وهاتيك مضارب مع هالغبار والاتربه لاني بصراحه ماانظفه الا كل شهر احيان اغيب عنه شهرين واشن عليه هالحمله بصرااحه تنظيفه حفله بحالها :icon28:
ودعكنا ومسحنا والحمد لله الشعر ياسلام لونه ابيض من الغبره لاوالخشوم ماقصرت تعاطس لين خلصنا ومابغينا نخلص
عاد قلت الله لايضيعلكم تعب ليش مااصور لخواتي خطوات العمل منها نستفيد ومنها نتحمس ونتشجع ونتبادل الافكار والتجارب بعد مااستفدت شخصيااا من عرض الكثير من طرق التنظيف لالاخوات الله يعطيهن العافيه يارب ولا يحرمنا منكم يابنات حواااء قولوا امين نخليكم مع الصور
طبعاا هاذي صوره للمكيف المصون قبل التنظيف فكيت الغطاء منه وصورته زي ماهو بشحمه وغبااااره
بس عاد خواتي انتبهي لفتحتي الغطااء على البراغي لا تضيع وتتوهقين مع ابو العيال :42: يعني لو في بزر يحوس ويلوس حوالينك اقضبيه من اذانيه وطسيه بره الغرفه لين ماتخلصين اروق لك واحسن وعلشان الغبار كمان مايتعب صدره وهاذي الصوره
طبعاا انا اخذت الغطاء وبسرعه للحمام اكرمكم الله غسلته بالبانبو بالعملاق والمويه وتركته ينشف على مهله
ومعاه كمان غسلت غطاء التهويه <<< الشفاف ماعرفت ايش اسمه
ورجعت للمكيف ونظفت الغبار بمكنسه الصغيره بصراحه تنظف مرره
والموزع حق الهواء نظفته بفرشاه خااصه انظف فيها الاحهزه
طبعاا خواتي لازم اذكركم قبل لا تبتدون هالحفله افرشي تحت على الارضيه من تحتك سفره او قطعه فرشه او بساط بكذا يسهل عليك تنظيف التراب اللي راح ينزل من المكيف وانتى تنظفينه والا ياعسل بتشنين حمله ثانيه على الفرش تحتك وبتدعين عليه وقتها :30:
وبكذا خلصنا وهاذي صوره المحروس بعد التنظيف طبعاا ترجعين كل شي مكانه الغطاء واللي تحته <<< ماعرفت اسمها توهقت ببهالموضوع خخخخخخ:angry2:
وسلالامتكم خلصناودعواتكم :26: