طفشانه ؟ كيف اغير نفسي وروتيني ؟

ان غيرتي جانبك الدين رح يقوى ايمانك وتزين حياتك , نجي للجوانب الاخرى

"تغذيتك"
طبعا بنات الاقلاع ماقصروا من ناحية التغذيه تراها تنعكس نفسيا وجسدياً الاكل الصحي والعصيرات والاشياء الرايقه تهدي وتنعكس نفسيا عليك

"الرياضه"
لا تسهينون فيها يا بنات , تطرد الطاقه السلبيه و تشد لك الجسم ومفيده صحيا وعلى المدى البععيد , صدقيني لو سويتي رياضه وانتي نحيفه وانشد جسمك ب تنبسطين وبتجيك طاقه ايجآبيه بتحسين انك فعلا منتعشه ورايقه
تيمبوي جدا بطل هالخااااااااال , صدق غير انو الكيك بوكسنق حقته ممتعه تفيدك وعلى فكره يتبع تمارين تطول وتشد للي يبون يطولون

" القراءه"
كثير يتهاون بهالجانب , القراءة جدا مفيده تثقفك بعالم جد تحتاجين الثقافه والثقه فيه كل ماقريتي كل ماتوسع مجالك ب الثقافه وصرتي افضل واكثر ثقة
فيه كتب جداً حلوه زي "ثرثره" لهوات الخواطر "خمسون شمعه " "لاتحزن" وغيره كثير من الكتب تثقفك من جميع المجالات , القراءة تغير كثير من روتينك المملل لانك جالسه تتثقفين وكل مره تكسبين معلومه جديده

"ودي اتعلم اكثر "
طفشانه ولا في شىء اسويه و ضاعت اجازاتي على الاجهزه وووو
وغيره من الاسطوانات , تقدرين بوقت فراغك تتعلمين تساريح جديده تشوفين ب اليوتيوب مليااان مقاطع , تتعلمين انجلش اذا لغتك مو كويسه تقرين كتب و جمل تحطينها تحفظين كل اسبوع جمله والخ او تتعلمين ميكاب , تتطورين اكثر , تتعلمين طبخه جديده مثلا اليوم تطبخين عشاء خفيف ل اهلك شعور نفسي حلو انك سويتي شىء وتغيير روتين , ايضا عندك برامج ذات تطورك جميله جدا "برنامج ياسلام" والتربيت"
بوقت طفشك لاتقولين مافيه اشياء حلوه مو بس يضيع وقتك على الاجهزه وغيره روحي تعلمي ميكاب طوري ذاتك اقري كتب سوي طبخه بتحسين بتغيير حلو

" ودي اكون صداقات"
صحيح الصداقات حلوه وتغير روتينك بحيث تطلعين معهم والخ , لكن اختاري الصحبه الحسنه , تقدرين تكسبين الناس ب اخلاقك لاتكونين دايم مشكره متنرفزه بينفرون منك الناس ابد مو اسلوب هذا خلي وجه طلق واعفي واصفحي و تفألي بحياتك واعطي ولا تنتظرين احد يعطيك وارحمي وكوني صادقه وامينه ومتواضعه وكلامك عسل ومحترمه ومرنه ف التعامل كللن بيحبك

" ابي اغير اشياء حولي ونفسي "
شكلك ب البيت ماهو بس ينعكس عليك , ينعكس حتى على الي حولك , لبدنك عليك حق , اهتمي بشكلك ف البيت لاتجين ل اهلك اعوذ بالله كشتن منتفشه وحمصة بدون حواجب و بجامه لون وقرمبع
انتي انثى حبيبتي , تعلمي الترتيب عشان لا تزوجتي تكونين مرتبه
لميّ شعرك , ضفريه ب البيت , حوطي قلوس البسي ملابس بيت تفتح النفس , ارسمي حواجبك جد هالشىء ينعكس عليك
من ناحية غرفتك اذا ماديتكم زينه غيريها كل فتره او غيري الاشياء الي حولك جد التغير يغير النفس والروح معها

نجي لموضوع الدراسه , النسبه ماهي صعبه , سهل جدا تحققين طموحك
ربي من عليك ب العقل لكن تحتاجين شوية جديه الدراسه وتغيرك فيها ايضا يغير روتينك ويبعث الامل والتفأول
كثير من الناس يذاكر ويذاكر ويذاكر وفي الأخير يتفا جئ من النتيجة أنها مو بمستوى مذاكرته
يسأل : ليش ؟؟ أنا كنت أذاكر 4 و 5 ساعات في اليوم !!! وفي الأخير هذه هي النتيجة !! مو بنفس مستوى مذاكرتي !!!
إذا كنا تذاكر من 4 ساعات إلى 5 ساعات يوميا فأحنى تقضي "7680 "ساعة من حياتنا المدرسيه غير الجامعية في الدراسة
طيب أنت ما شاء الله عليك ذاكرت هالكم من الساعات 7680 ساعة ولا قعدت ساعة وحده أو ساعتين بالكثير تتعلم كيف تذاكر
سمعت الدكتور الرائع رشاد فقيه يقول نحن نقضي آلاف الساعات في المذاكرة وما نقضي ساعة وحده نتعلم كيف نذاكر )
وفي هذا الموضوع راح أتكلم عن المخ كأنه جهاز كمبيوتر وهو فعلا مشابه جدا لجهاز الكمبيوتر فيه مشاكل في طريقة مذاكرتنا ما عندنا إلا نفتح أدمغتنا وندخل فيها المعلومات بشكل مبعثر أو الدماغ غير متأهب لإدخال المعلومات وفي الأخير يعمل الدماغ لهاذي المعلومات format والسبب تهنيق وبطئ في تبادل المعلومات
ويبدأ الحين في طرح المشاكل وحلها وحده وحده :$

أولا: النوم

أكبر سبب في تدني مستوى المذاكرة والتذكر هي النوم متأخر
ننام الساعة 12 الليل ونصحى 6 الصباح بكل معاناة بس كلها ساعة وخلاص نصير مصحصين طيب والمخ هل فكرنا فيه ؟؟ المخ يبقى في حاله من عدم الإستجابه مده طويلة وفيه هاذي الحالة من عدم الإستجابه يصعب استيعاب الدرس واستقبال المعلومات ويصعب مذاكرتها وتذكرها
المخ يحتاج إلى 8 ساعات نوم على الأقل لأخذ كفايته من الراحة وخصوصا نوم الليل
لأن تخزين المعلومات من المذاكرة تحتاج لراحة لحفظها وتحتاج لراحة لاستقبال الجديد من المعلومات وجربوا النوم بدري وشوفوا النتيجة بعد أسبوع
والكثير من الناس يفضل القيلولة أو مثل ما نسميها ( نومة العصر ) وهي من ساعتين وتوصل إلى أربع ساعات في فترة النهار
وهاذي لها مشاكلها ومنها ضياع للوقت يعني تتغدى بثقل وبعدها تنام بثقل وفي الأخير راح تصحون بثقل وخمول وكسل جربي المذاكرة وقت العصر .هو أفضل وقت للمذاكرة هو والفجر

ثانيا : الأكل
لازم نختار وقت الأكل بحيث أنه ما يخرب علينا المذاكرة ... كيف ؟؟
ما يصلح نذاكر على جوع فالمخ في هاذي الحالة يكون ضعيف الإستجابه بسبب قلة الطاقة الموجودة في الجسم يعني لا يفضل الرجيم وقت الدراسة
ثاني شي ما تصلح المذاكرة بعد أكل وجبه دسمه والتخمة لأن الدم "يكون متجمع في الأمعاء لأخذ الغذاء والدم اللي يصل للمخ قليل ويؤدي هالشي إلى الخمول وعدم القدرة على المذاكرة" أفضل شي هو أكل وجبه خفيفة قبل المذاكرة بساعة أو وجبة دسمه قبل المذاكرة بساعتين

*بعض المأكولات نتائجها رائعه جداا ومفيد للمذاكره
* يفضل أكل المكسرات مثل عين الجمل وحب القرع طبعا بكميات بسيطة لا تتعدى 25 حبه وثبتت فعاليتها بالدراسات
* يفضل شرب الماء بكثرة لانه ينشط الدورة الدموية ويعطي هدوء واسترخاء ويزيد من استيعاب الطالب ولان الدماغ بحاجة للماء
* يفضل اكل الخضروات الورقية مثل: الخس والجرجير
*يفضل أكل السمك وخاصة الاسماك الزيتيه مثل: سمك التونه والسردين والناجل والسلمون لاحتوائها على زيوت الاوميغا 3 و6
* أكل اللحوم الخاليه من الدهون ( لحم الجمل- الدجاج بدون الجلد)
* شرب الحليب والالبان وبعد الزعتر يقوي الذاكره
ثالثا : الوقت
لازم أولا اختيار الوقت الصحيح للمذاكرة
أبعد عن هاذي الأوقات
آخر الليل أو قبل النوم لأن هالفترة يكون المخ فيها غير قابل لاستيعاب المعلومات بسبب أن الذاكرة ممتلئة وقت شد الأعصاب يعني توك متهاوشه مع أحد أو حصل لك موقف عصبك لأن طول هالوقت راح يكون تفكيرك في الموقف ولا راح تركزين عالمعلومات اللي تذاكريها أبداً
وقت إذا كان عندك شي وودك تسوينه مثلا أنك ودك تجلسين على الإنترنت لمدة نص ساعة... قدم الإنترنت بس لاتاخذين راحتك واجد على المذاكرة لأن طول وأنت مذاكره بتحاول انك تخلصين بسرعة حتى لو ما فهمتي بس عشان تجلسين على الإنترنت
لكن لازم تتقيد بالوقت وتجلس نص ساعة أو حتى أقل ولا تعطيين نفسك راحتها
تجنب وقت المذاكرة بعد مجهود عضلي لأن جسمك راح يكون تعبان
ألتزم بهالأوقات
وقت الهدوء .. اختار وقت يكون في الوضع في البيت هادئ وابدأي ذاكري أو انك نكوني مستقله في غرفة خاصة بعيد عن الإزعاج
اختاير وقت صفاء الذهن يعني ما تكون مشغوله بشي أو مهمومه أو معصبه أو مالك خلق فصدقيني بهالطريقة ما بتستعوبين المعلومة

رابعا: تنظيم الوقت

يجهل الكثير تنظيم الوقت فتلاقيين وقتها فوضى ما بين المذاكرة والراحة واللعب والطلعة و.. و .. الخ
صعب أني أقولك اكتبي جدول وامشي عليه لأن مو كثيرين يقدرون يمشون على الجداول ( وأنا منهم ) لكن إذا شفتي في نفسك أنك تقدرين تمشين على جدول فسوي لك جدول
أما إذا كنتي ما تقدينر تسوين جدول وتمشين عليه مثل حالتي فاتبعي اللي إنا استفدت منه وقريته وطبقه :
كنت دائما أقر في نفسي أن إنا في مرحلة حسم يعني يا غالب يا مغلوب ولازم انظم نفسي
وبالنسبة لتنظيم الوقت حاولي أنك تضبطين وقتك بحيث اليوم يكون فيه ثلاث ارباعه للمذاكرة وربعه الباقي للراحة واللعب وغيره
ومن الأفضل انك تختارين وقت معين يكون هو وقت المذاكرة مثل اللي اسويه اختار من 4 العصر إلى 7 الليل ويكون هذا هو وقتي الخاص بالمذاكرة
أما بالنسبة للخميس والجمعة فاعتبرها كأنها الإجازة الصيفيه وخذي راحتك وأنسى شي اسمه الدروس والمذاكرة (إلا إذا كان عندك اختبار)
لأنك لازم توافقين بين الراحة والمذاكرة وإلا بعدها راح تصاب بحالة من الملل والتعب والكره للكتب
• الصلاة تنظم أوقاتنا تنظيم رائع ومن الجميل أن نخصص بعد كل صلاة قدر معين من المادة ونضع جدولا لذلك
• وضع جدول للمذاكرة ينتهي قبل الاختبارات يعطي ثقة وراحة للنفس

برب

• طريقة وضع الجدول:
1- قسم الكتاب الى وحدات دراسية
2- حدد لكل مادة عدد الايام التي تحتاجها
3- وزع المواد بتقسيماتها على الايام
4- لابد ان يكون في الجدول مرونه
5- يجب ان يحتوي الجدول على يوم كامل راحة
6- نوع من المواد في اليوم الواحد حتى لا تمل وخذ من كل ماده جزء بسيط مثلا: فصل واحد
7- يجب مكافاة النفس عند الانتهاء ومعاقبتها مثلا: عند الانتهاء من فصل واحد نأكل حلوى معينه او نتمشى ربع ساعه وعند الانتهاء من المادة كلها تكون المكافاة اكبر او اطول مدة وهكذا
* فترة الليل رائعه جدا للمراجعه فقط وليس للاستذكار لانها تزيد من تثبيت المعلومه وللتأكد من ذلك راجع ماده من المواد قبل ان تنام وانت على فراشك قم بقرائتها فقط ونم عند الاستيقاظ ستجد اول ما يخطر على بالك معلومات تلك الماده

خامسا : المشاكل النفسية في أوقات المذاكرة والثقة بالنفس
تصيبنا كثير مشاكل نفسيه وقت المذاكرة ومنها الملل والإحساس بالفشل وعدم الثقة بالنفس لكن فيه طرق نقدر نتجنب فيها هالمشاكل!؟

الملل :
كثير من اللي توهم بدئوا يذاكرون بجد واجتهاد حسو بملل والسبب هو إن هذا شي جديد عليهم وما تعودو عليه ومن يومهم وهم ما يحبون الدراسة ويكرهون المذاكرة والحين فجأة صارو ملزومين بالمذاكرة
أفضل طريقة لتجنب هالمشكلة هي انك تبدأ مذاكرتك شوي شوي إذا كنتي جديده على المذاكرة
يعني ابدأي من اليوم الأول مثلا بمذاكرة مادة الرياضيات والكيمياء واليوم الثاني للفيزياء والإنجليزي واليوم الثالث للأحياء ومواد العربي
لمدة أسبوع والأسبوع الثاني خليها ثلاث مواد والأسبوع الثالث خليها 4 مواد والأسبوع الرابع تصير 5 مواد
وهنا تصييرين في وضع ممتاز ولكن أهم شي مذاكرة المواد العلمية كل درس بدرسه
واعتبري نفسك في حالة حرب وحطي في بالك هالاشياء زين زين :
( إذا ما شديت حيلي وجبت معدل عالي مستقبلي بيضيع )
(راح اندم على كل ساعة فوتها بدون ما استغلها في المذاكرة )

الإحساس بالفشل :
فيه كثيرين فشلو بالاختبارات البسيطة وفقدو الأمل في النجاح وحسو بالفشل بسبب اختبار
ومنهم أنا مره من المرات بسبب احد اختبارات الكيمياء الشهرية أخذت فيه 4/10 وحسيت إني فقدت الأمل في كل شي حتى في باقي المواد وربي اني اركض ورا الاستاذه تعدلي النتيجه واترجاها وبعد ف العملي نقصت
مع أن الكيمياء كانت سهله بنظري ولكن استغربت لما أخذت هالدرجه
لكن الحمدلله اجتهدت وقدرت اعدل

عدم الثقة في النفس
كثيرين ما يثقون في أنفسهم وفي قدراتهم ويشوف اللي نسميهم الدوافير ياخذون 99% و 100% ويقول في نفسه مستحيل أوصلهم أو حتى اقرب منهم
وهذا هو البلى .. هنا تنعدم الثقة بالنفس وبالتالي يقل الحماس إلى الصفر
فعلا الواحد منا إذا صار فاقد الثقة في نفسه تصعب عليه أشياء كثيرة
وإذا تسلح بالثقة بالنفس يقدر يسوي أشياء كثيرة.. بس لا تكونين واثقه لدرجة الغرور بنفسك
فصدقيني راح تقدرين تجارين أصحاب النسب العليا لكن لازم تحطين في بالك شي مهم وهي الفوارق الفردية
لأن الله عز وجل أعطى كل واحد قدرته على الفهم والاستيعاب لكن أنتي المطلوب منك تسوين كل اللي تقدر عليه

لو نتكلم عن الثقة بالنفس لازم تجيك طالبه وتقول أنا مستحيل أجيب هالنسبه ما اقدر ... كل واحد وله قدراته
ما نختلف أن كل واحد وله قدراته
لكن انعدام الثقة بالنفس أهم سبب للفشل مو بس في الدراسة حتى في جميع أمور الحياة !!!
خليك دائما واثقه من نجاحك وواثقخ من العمل اللي تسوينه وواثقه من مستواك ومن مذاكرتك وانك سويتي اللي عليك
ولا تخلين خيبة الأمل تسيطر عليك بمجرد انك فشلتي في شغله بسيطة
معلومة مهمة جدا يجلها كثير من الناس
أكثر الناس يعتقد أن التذكار هو في العقل ويعتمد على العقل "التذكار هو تذكر اللي ذاكرته من دروسك في وقت الامتحان"
لكن الحقيقة التذكار هو في النفس
تبغون الإثبات
ادخلي الاختبار وأنتي حافظه الكتاب كامل لكن وأنتي خائفه ومتردده ومرعوبه من الاختبار وصدقيني أنواع النسيان والغلطات
لكن ادخلي الاختبار حتى لو ما كنت حافظه الكتاب بشكل ممتاز جدا لكنك واثقه من نفسك وواثقه من اللي ذاكرتيته وصدقيني بتكونين أحسن من الأول
طيب البعض يقول كيف أتغلب على الخوف ؟
ادخلي القاعة وأنت مبتسمه وسولفي مع صديقاتك واستغفري يخفف الخوف وتحسسين بارتياح تام وانك ذاكرتي وسويتي اللي عليك وأديتي واجبك والباقي على ربك

رد : طفشانه ؟ كيف اغير نفسي وروتيني ؟

1- النقطه الاولى :


اذا جاك اختبار تاكدي مارح تخلو أسئلة من :
- المعرفة "تعريف" : اذا كانت عندك معلومة جداً مهمه بالدرس انتي احتفظي فيها تحت تصرفك يعني حطي خط بأنه مهمه وتميزينها وهذا مب معنى انك تفهمينها مره مر بقد ماتحفظينها الفاظ الاسئله الي بتجيك تحت التعريف المهم هو - : عرفَ , صفّ , حدد "اختار" يعني عرفي مثلآ الدي ان إي , صفي اجزاء الدي ان اي , اختاري التعريف الصحيح , مارح يخلو اي معرف من الفاظ هالاسئله هذه ولا رح يخرج عنه هذا مب كلامي كلام الكتاب الي جلست اقراه امس واليوم وجالسه اكتب لكم المهم
- الفهم : ان تفهم معلومه يعني تدركين معناها يعني تفهمين كيف يتكون العضو الفلاني وكيذا وبتكون الفاظ الاسئله : قارن , ناقش , فسر مثال : قارني بين الارن ان ايه والدي ان اي , فسري لماذا يحدث تفاعل عاد تراني اخرف اسلئه
ناقش : كيف تتكون عضلات الجسم
- التطبيق : ان تطبق معلومة يعني ان تستخدمها مثلا اذا حفظتي قانون تعتبر معلومه و بتطبيقين هالقانون يعني بتكون الفاظ الاسئله : , احسبي المسأله الفلانيه وضح بالصور مكان العضو الفلاني
- التحليل : ان تحلل معلومة يعني أنك قادر على تجزءتها إلى اجزاء وأن تبدى كيف ان هذه المعلومات ترتبط مع بعضها , الفاظ اسئلتها : اشرح تكون الغضروف ومن هالاسئله , حلل : كيف تتفاعلت الاحماض , قارن بين العضو الفلاني وذا
- التركيب : كي تركب المعلومات فأنت تحتاج الى أن تكون قادراً على استخلاص الحقائق التي تحتاج اليها من معرفة عامه وأن تستخدم هذه الحقائق لتناول مسألة ما بطريقة مبتكره أة لخلق شىء جديد الفاظ : اوجد الاختلاف بين التفاعل الكيميائي والننووي , يعنيّ اي معلومه تحسينها مهمه حاولي ان تركبين عليها هذه الالفاظ : اوجد , كونّ , أدمج
- التقييم : عندما تقييم المعلومة فأنت بذلك قد خلصت الى حكم يستند الى اهميتها يعني احرصي وقت ماتذاكرين تشوفين وتقيييمين المعلومات بحيث مايضيع وقتك او يضيع جهدك وانتي تحفظين شىء اصلا مب مهم وذاك القيمه جيبي دفتر وسوي جدول وحطي المعلومات المهمه وحاولي تكونين عليها من التطبيق والتركيب الخ




2- النقطه الثانية :
بعض الاحيان يكون الدرس والي جواته حفظه وفهمه مره مسألة متعبه وخاصه اذا كانت المادة صعبهْ او تكرهينههآ او اذا كان مليون الف معرف تحفظينه ومعلومه , واذا تبين تعطين نفسك أفضل فرصه لتستوعيبين الماده لازم تتأكدين من انك مستعدده "عقلياً" وَ أن البيئه الي تذاكرين فيها منظمه بشكل مناسب ولك بعض القواعد الي تفيدك :
- ينبغيّ ان تكوني مستعده لتعلم : تأكدي ان عقلك فاضي ومب مشغول بالافكار وبأي شىء ثاني
- تأكدي ب ان غرفتك او المكان الي تذاكرين فيه واسع وفيه مجال ترمين حوستك من اوراق واشياء
- تأكدي بأنك تحصلين على فترات راحه يعني : تقدرين تذاكرين بشكل كويس على فترات قصيره فقط بتقولين كيف ؟ خذي فترات من الراحه في مواعيد منتظمه عشان يبقى تركيزك مرتفع يعني ذاكري جزء وروحي ل جوالك شوي ارتاحي او خذي لك لقمه وارجعي ذاكري وراجعي المعلومات الي ذاكرتيها قبل لاترتاحين
طيب انتي ماقدرتي تخلي عقلك فاضي ولا قدرتي تنتبهين بس تفكرين ولا حسيتي انك ذاكرتي جربي هالاسلوب : اكككتبيّ كككل مشاكلك وكل مآيزعجك ف ورقة وخليها على جمب واقططعي على نفسك عهد ب انك بتتعاملين مع تلك الاشياء بس بعدين وب تبتدين تركزينن بتقولين سخيفه عالفكره بس صدقيني بتففففففلح مع البعض
لازم بعد يكون عندك عزم على انك تتعلمين ابعدي عن القراءة الغير هادفه للمـادة على امل انها ب" تثبت بمخك " واقنعي نفسك بانك تبين جد تتعلمين وتحفظين واذا ركزتي على المادة جد وكانت لك النيه الكامله بانك تذاكرين وتتعلمين ووتوقعين انك جد ببتجيبين درجه تقنعك وقد مجهودك ف بتذاكرين زين
في اي مادة دراسيه تدرسينها فيه معلومات يحتاج انك تتذكرينها بس عموما لازم تتجنبين عملية تعلم الحفظ دون الفهم ! وحاول تفكرين وتفهمين المادة كويس او الدرس ويبنغي يكون محور تركزيك على استخام الحقائق الي تعلمتيها وليس على الحقائق نفسها يعني تعتمدين على شرح الاستاذه وعلى الشىء الي تعلمتيه من شرح الابلة مب نفس المعلومه تستخدمينها نفسها لانه بيتعبك وبيكون غلط ولارح يعطيك اي فائده ..
حددي المقدار الي عليك تتعلمينه : قسمي المادة ومحتوى الدرس المطلوب الى اجزاء يعني خططي المهم قسمي المعلومات الكبيره الى معلومات اصغر
"كوني صوره ذهنيه "او ربط " عشان تتعلمين : كوني جدول واني تذاكرين على الاشياء الي لازم تتراجعينها الصباح وخلي كروكي لـ ملاحظاتك
تحققي من مذاكرتك : لاتثقين ب حفظك لمحتوى الدرس قومي واختبري نفسك كذا مره
لاتخلين مراجعتك ملله : حاولي تستخدمين مجموعه متنوعه من الاساليب عشان تتجنبين الملل ب اثناء المذاكره يعني قومي جيبي اختك وكانك مدرسه واشرحي لها قومي وسجلي صوتك وكانك تشرحين ل نفسك سوي مسابقه ل نفسك مثلا جيبي اختك وعطيها اسئله وتسالك انتي واختك ويصير حماس كانه مسابقه


3- النقطه الثالثه :



استخدمي الاقلام الفسفوريه بتحديد الاشياء المهمه بس انتبهههيّ تقعدين تشخمطيين وتعيشين جو ويلهى بالك
استخدمي خرايط مفاهميه : تساعدك ف تقليص المعلومات بشىء معين واذا سويتي رسومات رح يسهل الحفظ وبيكون سهل مراجعته
سوي جدول وحطي الاششياء المهمه الي بدرس دون ذكر عناوينها زي التعاريف واختبري فيها نفسك
سوي مجموعه من اوارق المراجعه عشان ماتقعدين سنه تراجعين الصبح يكون مخطط لك الشىئ المهم والي ماحفظتيه مره عشان ترجعين تراجعينه
شاركي افكارك مع صديقاتك وناقشهم ف الدروس : ييساعدك قيامك بشرح على ترسيخ المعلومه ف عقلك وهذ مفيد في كشف اشياء ماتعرفينها ف الدرس حتى اذا كنتي تحسبين انك تعرفينها وطلعت معلومات خطأ ف صديقاتك يصححون لك
سوي روقة امتحانك بنفسك : من المفيد مرهه تفكرين بهالطريقه وتسوين اسئله وتختبرين نفسك
تذكري التعريفات : فهي بداية جممميلة جداً للكثير من اجابات الاسئله ل الامتحانات سوي قوائم ب العبارات والمعلومات المهم القصيره من " تعاريف وقوانين وتواريخ " واختبري نفسك كذا مره او اطلبي من احد
عدلي من اسالبيك ف التعلم عشان تتناسب مع نمطك المفضل ف الاستيعاب والتعلم على سبيل المثال : اذا انتي تفهمين اكثر عن طريق الجداول والخرايط اعتمدي هالشىء وذاكري بهالطريقه
جربي اسلوب جديد ب التعلم : ف المره الجايه الي يكون عندك امتحان او اختبار ( مايضيف درجات كثيره مره لدرجاتك النهائيه يعني لما تدخل الاستاذه وتسال عن الدرس السابق ) اختاري وحده من هالنصايح واذا جيتي تراجعين الدرس جربيها وشوفي كيف بتكون سهله عليك اسئله الابله عن الدرس السابق
القي زميله تذاكرين معها او تراجعين : نادي صديقتك او روحي لها اذا اهلك عادي او دقوا على بعض تلفون وابدوا ذاكروا وناقشوا ملاحظاتكم والدرس لووصل الى الاسئله الي ممكن تتواجد ب الامتحان "يعني مثلا الاستاذه كررت سوال مهمه وانتي ماكنتي منتبه وصديقتك تذكرك وتقول شكل بتجيبنه بالاختبار وفعلا جابته وجبتي نتيجه فمره مففيده مذاكرتك مع احد انا كنت اسويها واجيب درجات جميلة الحمدلله
فكري ف مدى مناسبة المكان الي تدرسين فيه يعني : كيف تقدرين تحسنين هالمكان مثلا كان ازعاج واهلك رايحين وجاين واخوانك وقلق فكري كيف تتخلصين على هالمشكلة , يناسبك هالمكان او لا ؟ تحسين بتركزين بهالمكان او لا ؟ لازم تجربين مكان غيره لان هالمكان ماقدرتي تركزين فيه وش الامكان المتاحه لك بالبيت عشان تذاكرين فيها ولا فيها ازعاج وتقدرين تذاكرين بتركيز



.

موضوع رااااااااائع جدا
ومفيد جدا
جزاك الله خير
وجعل ماخطت يداك بموازين حسناتك