السلام عليكم ورحمة الله وبركاته
الدرس واضح من عنوانه ,,,, يعني السالفه ومافيا اني انا طفشت لحالي واللي زاد الطفش بنت اختي الله يصلحها >>>>>>>>شــــــــقـــــــــــيـــــــــه
قمت وحطيت حرتي فالمطبخ
وسويت لكم مايلي >>>>>>الله البنت شديده
ما شاء الله تبارك الله
اذكورا الله
امزح حبايبي مااستانس الا وانا فمنتداي حبيب قلبي
وهذا حلاي شوفوه وعطوني رايكم
اول شي عملت خلط كيك بيتي كروكر فانيليا
وكسرت فوق الخليط بسكوت شاهي ونثرته عليه ( الغرض من البسكوت يخلي في القطع قرمشه )>>>> اموت عالقرمشه
ودخلته الفرن
وهذي صورة الخليط وفوقه البسكوت المكسر
وعلى ماتستوي الكيكه بديت اعمل الصوص وهو عباره عن ثلاث انواع ابيض وهو الساده والبني وهو الشكلاته والثالث التوفي
طريقة عمل الصوص الابيض حطي نصف علبه حليب نستله مكثف في قدر وولعي عليه النار وحركيه واذا حيتي انه بدا يسخن اضيفي علبة قشطه وحركي بسرعه عشان ماتتكتل عليك واذا اتجانست اقسمي الخليط لقسمين عشان يصير عندك نوعين من الصوص
وهذي الاشياء اللي حنستخدمها فعمل الصوص ماعدا التوفي فهو جاهز
وهنا صار معاك نوعين صوص طبعا صوص الشكولاته هو نفس الصوص الابيض بس ناخذ الجزء اللي في القدر ونرجعه على النار ونضيف له مقدار 4 ملاعق صوص الشكولاته السايل و1 ملعقه صغيره بودرة كاكاو و1 ملعقه صغيره نسكافيه ( ممكن الاستغناء عنها بس انا احب نكهتها عشان كذا اضفته)
وهذي الكيكه بعد ماطلعناها شوفوا كيف قطع البسكوت واضحه
ونسيت من تطفيش بنت اختي نسيت اصور الكيكه قبل اقطع منها بس ولايهمكم هذي بعض الصور بعد التزيين
شايفين بنت اختي مرتزه تنتظر الالى >>>>>بلغتها طبعا يعني الحلى
زينته بالثلث الانواع من الصوص الابيض والشوكلاته والتوفي
وهذي بعد بس من غير الحلوه اللي فوق
وهذي قطعتي انا ودلو >>>>>دلو دلعها
اتمنى يكون الحلى عجبكم
وانتظر تطبيقاتكم
ولا تنسوني من دعواتكم ان الله ييسر اموري كلها وياكم ان شاء الله
ويسلمووو على الحلا الذوق زي صاحبته