نسيت اقول لكم بعد دايما اهتمو ببشراتكم لان وجهك اللي يشوفونه الناس وبعد لا تعدمونه لانه بيكون معاك فتره طويله

انا ما امدح نفسي بس اللي يشوفني يعطيني 28 وانا عمري 35 لاني والحمد لله اهتم ببشرتي يعني لازم الصبح تنظيف وكريم النهار مع واقي وبعد كل صلاه ارطب بشرتي لانها جافه واخاف عليها من التجاعيد وقبل لا انام انظفها بسكراب منظف للوجه وبعدين ادهنها بكريم الليل يوميا صحيح مرات اكون تعبانه وانام بدون كريم بس اغلب الوقت هاذي الاشياء ما استغني عنها ....حتى مرات زوجي يقول لي تعالي حطيلي كريم والصبح دايما اوصيه يدهن وجهه بكريم بس دايما ينسى وكل اسبوع اعمل لجسمه سكراب وبعدين ارطبه له وفي نفس الوقت اعمله حمام زيت لشعره مع شوي مساج ....هوه يطلب مني هالشي لانه يشوفني اهتم بنفسي ويغار مني .....لا تضحكون حتى مرات اعمله بدكير لرجوله ...لازم يا خواتي ترضون ازواجكم علشان يرضونكم ويفكرون ألف مره قبل لا يتزوجون عليكم لان هالشي يمكن ما يلقونه عند غيركم ....سامحوني اذا طولت عليكم بس والله ازعل يوم اشوف وحده تقول ساعدوني زوجي بيطلقني لاني متينه او لاني المنطقه الحساسه سودا أو ........الله يحليكم في عيون ازواجكم ويهديهم لكم ويهديكم لهم ويحفظ سركم

أول خلطه استخدمتها وكانت نتيجتها ممتازه كانت للأخت نور الهدى وهي عباره عن ملح وعصير ليمون ونعناع مجفف أنا ما كان عندي نعناع مجفف فحطيت خزامى وجلسرين سائل وزيت زيتون طبعا تستخدم عند الاستحمام تبللين جسمك بالماء وتبدأين عملية الفرك بالخلطه والله يا بنات من أول استخدام لاحظت النعومه وبالإستمرار تلاحظين الصفاء


يتبع

ماشاء الله عليكم......... موضوع حلو .... تونى اشوفه .... عاد انا بخبركم قصتى .... انا من يوم بالثانوى وانا مغرمه بشئ اسمه ... خلطات .... والبركه ببنات عمى .... كان ابوهم يشترى لهم مجلات.. ع شتا الانواع... منها النسائيه ومنها السياسيه ...... وعاد.... توصلنى المجلات بعدهم.. بكم اسبوع ...... لاننا كنا نروح لهم زيارات شهريه ..... وبدل ان يرموها كنت اخذهم .... وسويت لى ملف عن الخلطات ... وملف عن الاكلات والكيكات .... وعاد المجلات السياسيه اقرئها ... اونى مثقفه ........... تبون الصراحه يا بنات .............. بشرتى الان قولوا ماشاء الله............. روعه ما اعانى شئ ولله الحمد......... واى حد يشوفنى يعطينى اقل عن عمرى بعشر سنوات ........... واذكر انى كنت مداومه ع خلطات الخيار والروب ... للبشره ............ وشعرى احط به حناء وزيت وبيض... .......... والبقدونس انقعه واسوي به تونك للبشره... يسوى نضاره للوجه .......... اشوف وايد تكلمت .... ....................................... واخير اتمنى لكن الخير والافاده

ماانصح بالخلطات-والله انا اتعقدت منها-اشتريت واحدة من صالون ب100درهم-بيضتني طوال مدة مااستخدمتها-ولما خلصت رجعت اسمر من قبل-لا....وبعد شهرين طلعت لي حبوب صغيرة بنية في وجهي...شوهتني...منهن لله اللي يبيعن هالخلطات الخراب...من يومها اتعقدت...
حتى عرسي جاي وماادري كيف اهتم ببشرتي...
ولاشوالكريم المناسب...كنت ابي افضل كريم
بس كثرة الكريمات والخلطات في المنتديات...تخلي الواحد يدووووخ بينها:angry:
وفي النهاية مايقرر شيء
بنوتات خبروني...
والله انا بورطة...
ذكرتوني بعرسي...
واش اسوي؟؟

أدراجي مليان بخلطات المنتدى ودولابي مليان بزيوت والكريمات والله العظيم صاير كأنه محل عطار