طفشانه ومشتاقه وسهرانه تعالو اسمعوني

السلام عليكم ورحمة الله وبركاته :26:

كيف حالكم يبنات وحريم عساكم طيبين ها طفشانين مثلي والله اني طفشانه حيييييييييييييل ودي اغمض وفتح ون العطله جايه ان شاء الله محدن يدري نحيا ولا نموت يالله حسن الخاتمه بس صدق والله يابنات اني طفشانه :( مدري وش فيني كل ماكلمت اهلي اشتاق لهم اكثر مشتاقه لجمعتهم وجوهم العايلي معد فيني صبر تصدقون حاولت اني اشغل وقتي بكل شي من طلعات وروحات بس مدري ودي اروح لهلي حتى الحين الوقت متخر من الليل حاولت انام مافيني نوم بس افكر فيهم قبل شوي كلمتهم كان اشتاق لهم اكثر يحليلهم امي تقول متجمعيين وختي مزينا ذاك الحلى وهواش عليه تعرفون جو العايله والله يا بنات ان حتى الكل له طعم عندهم عاد لا تقلون كني مفجوعه ولا ميت من االجوع لاء والله اقول كل شي له طعم عندهم تصدقون اذا جينا انا وخواتي عند اهلي انا حتى النوم منام كثير تقال انهم يبي يطيرون مميمتي الله يحفضه تقول روحو نامو ارهقتو نفسكم فوق هاذا كله اذانمنا كم ساعه ولا ساعتين خلاص احس انا شبعنا نوم ونقوم مع الفجر مع ابوي طبعاً يقومن الصلاه ولاعاد نرجع نام ونشرب ذيك الحليبه الي من دين مميمتى الله يحفضه وذيك السوالف مع ابوي وخواني عاد شكلي بحكي لكم قصت حياتي مع اهلي:hahaha: والله اني احس جمعتهم تسوى الدنيا ومافيها وهات يتريقاء وتعليق على البنات الي ماتزوجو وبوي مستانس منا الله يحفضه تصدقون يابنات ان مره في برنامج بر الامان الي في المجد برنامج اجتماعي يعالج قضايا المجتمع وحده دقت على الدكتور تقول حنا يعني هي واهلها نتضايق من خواتي اذا تجمعو عندنا والله لو انا اطق من القهر في احد مايحب اهله هي تقول يزعجونا ويخربون بيتنا والله انا وخواتي اذا تجمعنا بعيالنا احس ابوي وخواني بياكلونهم من الفرحه لدرجة انا ننحرج منهم هاذاء رايح البقاله وهاذا جاي المهم لحنيني:hahaha: لهلي بنات اذا الوحده راحت لهلها تاخذراحتها وتحس انها في بيتها ولا تعتبر نفسها ضيفه كم يوم ورايحه انا بنسبه لي احس اني في بيتي واخذراحتي في كل شي في المطبخ اذكر مره في رمضان امي سبقتنا للمطبخ وركبت قدورهاوخلصت قبل العصر بعده دخلنا انا وختي ونحوس نسوي كم صنف من الصواني وناخذ الوقت كله طبعاً انا وخواتي اذا جينا نسوي شي تكاليفه واجد نشتري من عندنا على اساس ما نكلف عليه برغم ان ابوي يهاوشنا نكمل طبخاتنا انا وختي قبل الاذان امي قدمت عيشته الا ملي الصحون وحنا كل صحن فيه قطيعه قالت امي من اليوم تحسون وهاذا طبخكم وللله ان طبخي ازين من خرابيطكم وهي صادقه هههههههههههههههههههههههه ايه خليني اقولكم مهو انا قلت فيه ناس يعتبرون نفسهم ضيوف اقولكم كيف انا بعض الاوقات اكون منهم يعني ماحب اهلي يشترولي شي او يصرفون علي وعلى ولدي طول الاقامه عنده احس فعلاً كذا اثقل عليهم معن والله ابوي دايم يهاوشني يقول انتي منتي صاحيه بس عاد وش تقلون خلاص تزوجت وماحب اكلف عليهم معن والله محد يستغني عن اهلها وجهت نضر يمكن تكون غلط ويمكن تكون صح الكلام واجد بس تعبت :09: