طفشتي من زوجك؟فكرتي بالطلاق؟انحلت مشكلتك! فيديني

بنات زوجي مدري كييف غريب عجيب ..

فجأه اصيده يكلم بنات وبلاوي بجواله

فجأه ترجع لي ثقتي فيه واكون متاكده انه مايكلم ..


زهقت من كثر ما افكر بالطلاق .. بالرغم من اني متاكده انه مجرد تفكير بدون نتيجه

وعارفه ومتاكده من نفسي مستحيل اطلب الطلاق .. وماعندي الجرأه اصلا ً

خوفي من المستقبل واني اكرر هالجحيم هو الوحيد الي يصحيني من تخيلاتي بعد الطلاق

ابدا ما اقدر اتخيل نفسي اتزوج واحد يستاهلني وكفو ❤️ احس مافي احد كذا

ودي اشيل هالفكره من راسي ،، بس صايره مثل الظل دايم دايم اتخيل اني متطلقه واتخيل حياتي بعدين وألف قصص وأخرج افلام من الف ليله وليله

ودي اقطع هالفكره من راسها لاني ببساطه مو قدها .. بس كييييف !

زوجي ماشاءالله بتاع كلوه .. مو مقصر بالمنكرات والحرام
اذا بغيتي سوالف بنات وصور وافلام تلقينها عنده
اذا بغيتي كبتاجون ابشري بسعدك
اذا بغيتي خمر مو مقصر
اذا بغيتي حشششيش .. حبيب قلبه بتلقينه عنده
ان بغيتي تارك صلاه .. فهو حتى الفجر ان صلاها عشاني يصليها ركعتين فقط لاغير ..

وزياده ع ذلك احب زوجي بجنون مالت عليه وع الساعه الي جمعتني فيه

ابي اشيل فكرة الطلاق من راسي لاني زي مايقولون (قرقعة فناجيل ولا به قهوه ) كلام فاضي

فيدوني او اذكروني بدعوه تريح راسي الي بينفجر من الهم والتفكير

للعلم:متزوجه من سنه و5 شهور .. بنتي عمرها 6شهور وانا تو بتم العشرين