طفشت ساعدوني

مساء الخير
شلونكم؟

يابنات انا زوجي عصبي وعنيد ومطفشني خاصة بموضوع الطلعات والمشاوير ..احيانا ابغى اطلع مشوار ضروري يحقق معاي
وانا وحظي يوافق اروح ولا لا ..انا استاذن منه قبل ما اطلع واحرص ان اسمع كلامه وماطلع من غير شوره ولو في مشوار او طلعة مو راضي عنه وقالي لا احترم رايه وخاصة لما يكون المشوار مو ضروري وحتى لو كان خاطري بهالطلعة اسكت تفاديت للمشاكل
اكثر من مرة كلمته وقلت له ان احبك واحترمك بس ابيك تسمعني وماتقرر قبل ماتسمع كلامي للاخر ..مثل كم يوم قلت له بروح مع خواتي السوق ومعانا خالتي قالي لا من غير مايسمع مني ليش بروح وعلشان ايش ..وزعلت منه قلت له انت ليش تسوي كذا قالي انا اخاف عليك واغار عليك ومابي احد يشوفك غيري قلت له من حقك تغار وتخاف بس مو بهالطريقة وسكرنا ع الموضوع

الي خلاني اكتب هالموضوع هو موقف الليلة كلمتني وحدة من قرايبنا عازمتني على زواج اختها وقلت فشلة ماروح وهي عازمتني وكلمتني اختي قالت لي انا بمر عليك ونروح ..لان زوجي بيطلع مع ولد عمه مشوار قلت اخبره ان بروح مع اختي دامه مشغول
قبل مايطلع قلت له الموضوع صرخ بوجهي وقالي مو فاضي انا لموضوع طلعة وبالليل وعرس مافي انسي
ماخلاني حتى اشرح له ولاسالني زواج من ..وخبرت البنت ان ماراح احضر وافتشلت معاها وطلع عني
وانا مقهورة من تصرفاته والدمعة بعيني

والحين صار له يتصل كذا مرة مارديت عليه ..كتب لي بالواتساب اش تبغي عشا طنشت له ومارديت
يبغى يغطي على تصرفه معاي لما صرخ بوجهي

شسوي مقهورة منه