خلاص مليت طفشت زهقت من كثر تدخلات خالتي ام زوجي
بكل شئ تدخل فيني مو في ولدها لا تدخل فيني
بلبسي بمشيتي وبسوليفي اذا جلست بطلعاتي وبسفراتي
بتصرفاتي مع زوجي في اي شئ يخطر ببالك
انا من يوم ماتزوجت وانا اقص شعري تحت اذني بشوي
احب الشعر القصير وغير كذا مايناسبني الطويل ابدددد
وانا من النوع اللي مااعرف اتصرف بالشعر الطويل وماقدر اغير في شكلي واذا طال عند كتوفي اروح واقصه حتى زوجي موافق ويعجبه شكلي بالقصير اكثر من الطويل
المشكله اني من قصيته وصار لي اسبوعين قصيت وصبغته ويوم شافاتني ام زوجي وهي ترمي بها الكلام
وش هالشعر كنه محروق . صايره ام جبهه طبعا كل هالكلام وزوجي مو موجود شوفي فلانه وعلانه تقصد بناتها شعورهم طويله وانا ابتسم واقول مايخالف بيطول بسرعه ويوووم طفشت من كلامها قلت زوجي هو اللي قالي قصيه كذا
طبعا سكتت ويوم جاء بعد كم يوم وشافت المجلس مليان من بناتها وسلفاتي قامت تقول شكلك شكل اولاد وتجلس تناديني محمد تبي تضحكهم علي :hahaha:
واليوم جاء زوجي وسئلني يقول انتي قايله لامي اني قايل لك قصي كذا قلت ايه يوم كثرت علي الكلام وماعاد تحملت قلت لها كذا وش صاير قال انها سئلتني انت اللي مخليها تقص شعرها ورد عليها قال ايه يقول جلست عطتني محاضره انوه ليش تخليها تقص واذا نامت جنبك على السرير بيصير مابينكم فرق واذا مديت يدك ماتلاقي شعر تلمسه كنك متزوج ولد مو بنت:o
انا قلت لزوجي ابيك تجاوبني بصراحه انا قد غلطت عليها قال لا قلت انا مقصره معها من اي ناحيه قال لا قلت انا قد رحت معها مكان وفشلتها قدام الناس قال لا قلت اجل شعري ولبسي ومكياجي ماحد له دخل هذا شئ خاص فيني ومارضى احد غيرك يتدخل فيه اذا مشيت بدون عبايه او عبايه ملفته يحق لها تجي تكلمك او اذا مشيت من دون ملابس يحق لها او شافتني غلطت عليها او على احد بناتها يحق لها لكن بشخصيتي وشكلي الخارجي اعذرني ماحد غيرك له دخل
قال انا عارف هالشئ بس طنشيي
وادري يابنات بتقولون طنشي مااااااااااااااااااااقدر بكل شئ تدخل اذا جلست بمجلس وجلست اتكلم مع اي وحده تجيني ثاني يوم ليش قلتي كذا مايصلح تقولين كذا
تخيلوا قايله لزوجي خلها تروح لاهلها الثلاثاء او الاثنين لانهم جاتهم فتره قبل ماتجي خادمة ام زوجي يرقون يسووون العشاء فوق بمطبخي مايبون يوصخون المطبخ اللي تحت علشان مافي شغاله تنظفه من بعدهم وانا متضايقه وساكته ولاتكلمت الا يوم زوجي شافني اكلم خواتي بالليل واتحسر قال لهم اطبخوه تحت لانه بتصير تروح الاربعاء لاهلها قالوا والخميس قال مادري يمكن تنوم عندهم او نطلع نتمشى والله العظيم هذا الكلام من زوجي وانا ماقلت له شئ بس هو شاف بعيونه
مره كانت ام زوجي عندي وزوجي مو موجود واتصلت علي امي وسمعتني اقول لامي ايه مارديت عليك لاني كنت اتروش يوم سكرت قالت عييب لاتقولين لاحد انك تتروشين قلت اول شئ هاذي امي ثاني شئ انا متروشه لان توني غاسله المطبخ ودورات المياه وزوجي مو عندي لايروح تفكيرك بعيد
وش اقول ووش اخلي تدخلات بكل شئ
مره كانت عندي الظهر وكنت مسويه الغدا صينيه خضار تنوكل بالخبز اتصلت على زوجي يجيب معه خببز وهو راجع من الدوام سوت مشكله من لاشئ واخر شئ اتصلت هي عليه وقالت لاعاد تجيب شئ حصلنا خبز وراحت وجابت من ثلاجتها خبز بر عندها تقول هذا ينفع ولا تخلينه يوقف وهو طالع من الدوام
ومره كانت جالسه معنا عند التلفزيون وكان زوجي يقلب بالقنوات مر على برنامج حلو قلت له خله على ها البرنامج نتابعه زوجي حطه على البرنامج وحط الريموت على الارض هي خذت الريموت وعطته اياه وقالت له حط اللي تبي هو الرجال وراعي البيت هو اللي يتابع اللي يبي :icon33:
والله العظيم يابنات ن بيتهم كنه استخبارات كل شئ بالخش والدس وعمري ماسئلتهم عن شئ سلفتي حامل بتدخل في اربع شهووور والى الحين تقول معها انفلونزا واخو زوجي خاطب بيتزوج ولاعندي خبر الا من زوجي والا هي تقول ويين يتزوج منه مسكين مامعه شئ وانا اشوف العمال داخلين طالعين من شقته ولا سئلت ولا قلت ليش هالعمال والا وشوله
والله اني مقدرتها وحاطتها فوق راسي حتى مواعيد المستشفى حقتها انا اللي اذكر زوجي عليها اخزن الموعد عندي بالجوال علاجها منظمته لها ومفرقته كل يوم بيومه علشان ماتغلط وتاكل اكثر من حبه
أأأأأأأأأأأأأأه
بس كل هذا علشاني ماحملت الى الحين والعيب من ولدها وهو رافض يقول لها
وانا نفسيتي بالنزول من تصرفاتها ومن تنغيزها بالكلامك
ياربي تعطيني القدره على الصبر والتطنييييش ياااارب:44:
رموشهاظلال @rmoshhathlal
محررة
يلزم عليك تسجيل الدخول أولًا لكتابة تعليق.
النجمه الذهبيه**
•
الله يعينك بجدددددددددددددددد
كل انسان معرض لابتلاء بالدنيا
واعتبري صبرك لله ورضى زوجك
وادعي الله يفرج همك
وأفعالك تدل أنك انسانه راقية بمعنى الكلمة ولاتنزلي لمستواها
وعيشي حياتك وما يهمك أحد لكن أكثري من الدعاء
اللهم اصرف أذاها عنها وحببها الى قلبها واسعدها في الدنيا والاخره
واعتبري صبرك لله ورضى زوجك
وادعي الله يفرج همك
وأفعالك تدل أنك انسانه راقية بمعنى الكلمة ولاتنزلي لمستواها
وعيشي حياتك وما يهمك أحد لكن أكثري من الدعاء
اللهم اصرف أذاها عنها وحببها الى قلبها واسعدها في الدنيا والاخره
لا يمكنك مشاهدة هذا التعليق لانتهاكه شروط الاستخدام.
اختي تحمليها يمكن بتلاقي على صبرج خير باذن الله
وماتدري عن المقدر و المكتوب لج
لالالا اختي العزيزة لاتنسي الدنيا دين و سلف
وماتدري عن المقدر و المكتوب لج
لالالا اختي العزيزة لاتنسي الدنيا دين و سلف
الصفحة الأخيرة