طفشت من تصرفاته

السلام عليكم
بنات
انا زوجي بس كل ماطبخت شي
يقول مب زين
لدرجة اني شكيت بنفسي
ولمى اطبخ واخذ الطبخ للناس وفيه حريم جايبين طبخ او حلى والله انهم يسألوني كيف سويتيه وكيف طريقته ويمدحونة الا هو

بنات حتى اللبس يحطمني
يقول دايم انا ودي اعرفك على زوجة صديقي بس اخاف تفشليني بلبسك ؟؟
مع انو لبسي حلو وعادي مثل هالناس
البس فساتين ناعمة اذا بنات مثلي
واذا كبار البس تنورة وبلوزة مثلهم
ولبسي مافيه شي لاني اسأل صديقاتي اصور لهم الفستان واصور اللبس واقول وش رايكم
والله مايجاملون صديقاتي اعرفهم وحتى خواتي اصور لهم قبل ما اطلع
لانه خلاني اشك بنفسي مرة من تصرفاته

وكل هذا يسوويه انا اعرف انه من امه تقوله مب حلو لبسها ومب حلو طبخها ؟؟
والله مرة لبست فستان من زارا وكنا بنروح لزوجة خاله ونزلت عند امه وكنا ننتظر يخلصون صلاة العشاء وبعدين قلت افصخ عباتي واصلي العشاء قبل مانروح احسن وفصختها وامه تشوفني واتوظيت وصليت ودخل زوجي قالي روحي جيبي البالطوا حقي من الشقة
قلت طيب واطلع فوق تخيلوااااا واروح اجيبة على نيتي ويلحقني مع انه شايف الفستان قبل يوم البسة
وقال لي روحي غيرية الحين مب حلو عليك
قلت طيب واجي افتح الدولاب واقوله وش رأيك بهذا ولا هذا
رد علي قال ما ادري وش دراني البسي اي شي .؟؟؟؟
وقلت طيب وانا عارفة انه من امه هي اللي قالت مب حلو مع انه لبسي ساتر وحلو
بس هي كذا ماعجبها اووووووف بس مقهورررة مرة
الله يسامحها ماودي ادعي عليها حرمة كبيرة بس جاهلة مرة تصرفاتها فيها جهل عظيم
واللي يطبخ غداهم الشغالة ما عمرها امه دخلت المطبخ
بس ما ادري لية تعايرني وانا انقهر انه يسوي كذا بس ما ارد علية واسوي نفسي ماسمعت ولا ما انتبهت
وامشي ولا ارد
بس امس قهرني مرة مسوية سلطه مشكله ومكرونة المهم قال انا ماادري لية انتي تطبخين من غير نفس :(
رديت علية من قلب اجل ادخل المطبخ واطبخ لنفسك ووريني وشلون طبخك ؟:confused:


يا بنات انا سمنت مرة مو من شي بس لاني اطبخ حق اثنين ومرة بالاسبوع اللي ياكل والباقي ماياكل
وكل مرة احلف مع نفسي واقول والله ما اطبخ له مايستاهل واهو يسبني
وبعدين يجي الدوام ويقول هاه وين غداء ؟؟


وش رأيكم؟؟