كل الرجال كذا شكلك توك عرووووووس

ههههه

عندنا وعندك خير

ولا تقولون المفروض امه تعوده
لان زوجي الله يذكره بالخير ويهديه ويغفر له اذا رحنا لامه
مره شفته يشيل صينية الشاي والقهوه من الصاله ويوديها للمطبخ
ومره مستغربه

انا لماتزوجت اكتشفت زوجي عصبي
فقلت مايلبق له انه يساعدني ويشيل حوسته
عساه يفكني من شره ههههههه
بس لا والله عند بيت اهله
يتحرك

وانا لو تشوفيني بالبيت انواع الحوسه
الملابس بالدلاب مرتبه ومعطره
واخرتها يحوسها حوس عشان ياخذ فنيله
ويترك الدولاب فوضى


الاكل اذا كنت نايمه وجاب معه شي
ياكل ويخلي الاكل مكشوف واذا قمت انواع الريحه

المنديل مايرميه بالزباله يرميه جنب الزباله

ولا الاكل ولا حتى كاسة المويه مستحيل يجيبها
لازم يطلبها مني

وجزمته وانتم بكرامه مايحطها بمكانها بدلاب الجزم
لا كل يوم يطلع زوج جديد
ويجمعهم برا عند الدولاب
يبيني ارجع وراه


واذا كلمته يقول هذي شغلتك
فاهم الدلال غلط يحسب اذا اشتغلت وراه كنه بيبي اني مدللته
مايدري ان اسمها فوضى


الحل

طنشت

الملابس اللي يحوسها مارتب وراه ويقول الملابس هذي مرح ترتبينها
اقول لا
ليش اضيع وقتي انت تحبها فوضى خلها فوضى

المناديل

والاشياء اللي وراه

والجزم الخ


ماشيلها اخليها فوضى كم يوم



وبالاخير
وبعد جهد جهيد
خف شوي
تحسن
وعقبال الباقي يارب

كل الرجال كذا فوضوين هذا الدلع اللي تعودوا عليه السعوديين ...قال سعوده قال ...بالمشمش

كل الرجال كذا خاصه اللي عنده زوجه شاطره ومرتبه يعتمد