ياعمري موﻻزم تروحي شيخ سوي الرقيه بنفسك في البيت خير البر عاجله شلون كل هالكره لزوجك على حنيته وتعامله الطيب ماشا الله وتقولي انك طبيعيه واضح جدا ان فيك مرض روحي ومو كل اﻻمراض الروحيه تبان من خﻻل قرائتك البسيطه للقران ﻻزم قراءه مكثفه ومكرره وحتبين اﻻعراض معك وتشوفي ..

و الله جاتني نفس حالتك بعد الولادة يمكن لاني في غربه

فالوضع زاد سوء مع المسؤوليه الجديدة ..

بدون سبب ابكي و اجلس بالايام ما اسولف ولا اضحك

بالعربي اجااااااامل بس ابغى ارجع لاهلي و اعيش بينهم

يجيني شعور اني اموت و محد يدري عني في شقتي

و اشياء كثيرة .. شعور غريب

احب زوجي طيب و حنون ما شاء الله يساعدني و لا يظلمني في شي

بس ليه احس كذا ما ادري .. بدأت اتحسن و صرت اطنش

الافكار اللي تجيني و اتذكر ايش عندي

الحمدلله بيت و زوج و طفل غيري محروم او عنده طفل مريض

او ما عنده حق يومه ولا بيت يلمه فالحمدلله ع النعمه

اتعوذي من الشيطان و اشغلي نفسك ..

حاولي ما تخلي مجال للزعل افتحو اي موضوع و اتناقشو

سوي قهوة و اخرجو ع البحر غيرو جو و ربنا يهدي سركم

حرام الحريم ردودهم تحزن وتدل على قلة وعيهم
وتبغون الرجال يحبوكم مادري كيف

شوفي حبيبتي انا كنت زيك جاتني فترة كذا وجلست عند أهلي شهر ورجعت لزوجي أفضل من أول
خصوصا زواجي كان على فترة أمتحاناتي في الثانوي فكان ضغط دراسة وزواج مع بعض
انتي خذي لك أسبوع عند أهلك وبعدها شوفي اذا هديتي ولا ظلي عندهم كمان أسبوع
صدقيني راح تتحسن نفسيتك لان الروتين والضغط النفسي أجتمعوا

اسمعي لازم تعلمينه انك متضايقه وتوضحين له هالشي وخليه يجيب لك زيت مقري فيه وماء زمزم
اهم شي قولي له انك محسوده لايمل منك
وحرام يحزن وربي قولي له انو مؤ برضاك هالشي
وإنتي اقري سوره البقره والاذكار وحصني نفسك
ترا مبين انك محسووده

لاتجي وحده وتقول لك معاك عين واقري على نفسك و وو
شبعنا من ذا الكلام
كل مافي وحده تتبطر على زوجها وتعامله معاملة سيئه قالو لها عين
وحده ضايق خلقها قالوا عين !!
استغفر الله العظيم ترمون بلاويكم وضيق اخلاقكم ونفسياتكم على العين
ترى صحيح العين حق بس انتم مخلينها في كل مصيبه وكل مشكله
يختي انتي ترفسين النعمه برجلينك
هذا ان صدق كلامك حجز وسفره ويداريك ويهتم فيك و وو
ولو انك ماتستاهلين اقولها لك وبكل صراحه
شكله بعد فتره بيطفش منك ويروح يتزوج ثانيه
وبعدين لاتجين تبكين وتلومين نفسك وتشتكين منه وتبين حلول من البنات
انتبهي لبيتك ابرك لك من السوالف والشكاوي
واضغطي على نفسك وشوفي وش يحب و وش اللي يخليك راضيه بحياتك
احسن من غيرك