طفشت من زوجي..شوروا عليء

مساء الخير

كيفكم يابنات ...
انا مالي الا الله تم انتم ...حبيت اشوركم قبل لا اسوي اي تصرف

انا انسانه متزوجة من سنيين ....

وزواجي اثمر عن 5 عيال ...اصغرهم ولد عمره 5 سنيين

صار زوجي يسوي حركات ماتنطاق ...ملل ...اوف

صار اذا زعل على اي موضوع تافه حده ...وكل المواضيع اللي تزعله تافهه

يجلس قرابة الشهر ما يتكلم معي ...تخيلوا

ولا يعبرني ..واذا جا من العمل والله يابنات انا واقفه قدامه ما يسلم

واذا خرج من البيت هو والاولاد ما يقول لي على طول ياخذهم وانا اجلس ادور عليهم..

اكون جالسة في المجلس يمر يروح للغرفه ينام ولا كأنه يشوفني ..

كأني هوا بالنسبه له ...

لو اني خدامه كان احترمها اكثر من كذا ...الشكوى لله ..

المهم انا قررت يا بنات اني اروح لديرة هلي وهله ....

انا عندي بيت عند هله ...باروح انا واولادي اسكن فيه ...

واربي اولادي بدون مايطلعون بعقد....

واهلي بيكونون قريبين وهله برضوا ..واخوانه ما بيقصرون ...

ايش رايكم

اروح انا سرت اكرهه ...عيالي يستانسون عند اهله عشان اوالاد اعمامهم ...

قلت ابعد عنه احسن ويسير يجي زيارات على الاقل يحترم نفسه..

ومنها يسدد ديونه عشان مافي اجارات ومدارس اولاد ...

قررت افاتحه اليوم ..

احسه مو طايق منى اي كلمه امس تهاوشنا وقال انا مو طايق الثوب اللي فوقي ..

انتظركم

انا اتحملته يابنات كثير ...الى متى وانا اكبر عقلي ..بالله قولوا لي ..؟؟؟

الين انجن ؟؟

وبعدين انا قلت باروح بيتي اللي عند هله ..واهلآ فيه باي وقت

وياريت انه يتكلم كان احسن بس عايشين اخوان الا الاخوان احسن

هو ابد مايتكلم معي ...اصلا مايجلس معي كل واحد من في مجلس ..

ياكم تخاصمت وقلت له بس مافي فايده

كم تمنيت اذا ناموا الاولاد يقول لي تعالي اجلسي معي الا العكس ...يجي يقول مانمتي قومي نامي بكره وراك مدارس ..بالله ايش رايكم

وماخفي كان اعظم

انا ماحكيت لكم حكايتي معه كااااااااامله في اشياء كثير..

اشكركم على ردكم ..والله ماادري