طفشت من هالعيشه وزوجي غير مبالي باي شي ادعولي بنات

السلام عليكم ورحمة الله وبركاته
انا متزوجه وزوجي اكبر مني ب10 سنوات لكن ضعفه وقصره مخليه مبين اصغر عني، وهو وايد وااااثق من نفسه ويدق سوالف مع بنات المحلات ودوام وهن بعد يبادلنه الشعور. عباله وايد وسيم وانا مسويلي طاف والله شعور يقهر. والي مخله يثق بنفسه اكثر .البنات الي يعطنه وجه وهو يتشقق من اذنه اليمين لي اليسار واصله. واليوم قلتله يروح محل الاطفال عشان ياخذ لبس العيال وفهذا المحل في بنت فارطه ف السوالف مع كل الشباب طبعا الي يعطونها وجه ومن ضمنهم زوجي وايد يتشقق لما يشوفها وبعد قدامي كم مرة يسووها سوالف وضحك ودوم تصير مشاكل والحجه اني فاهمه غلط وهذا مجرد كلام بين كاشير عن الملابس لا غير! وضحك وسوالف
المهم انا قلتله يروح لاني مالي نفس اشوفها تعرض نفسها قدامه انقهر وهو فرحان. وثانيا هو ما يحبني اطلع معاه مكان معروف السبب،
والحبيب قال بيروح يحلق. اكيد عشان تشوفه باجمل حله الغبي.
والمشكله الثانيه اني عايشه فبيت اهله والله مو ماخذه راحتي وخاصه هني اخته من فترة هي وعيالها هني لان معها مشاكل مع زوجها وهذي اخته مسوتلي مشاكل قبل وصرت ما اطيقها و اجلس بغرفتي بسببها منحبسين انا وعيالي الصغار طفشنا. وغير انها تسوي دوريات مراقبه للمطبخ عشان ما اخذ اكل زياده لعيالي عشان عيالها مع انه اغراض البيت كلها على حساب زوجي. انا كم مرة اقوله بنطلع بيت وحدنا لان غرفه وحده ما تكفينا وما ماخذين راحتنا لكنه يقول ما اريد اطلع من البيت يا بنات ادعولي نطلع بيت ونستقر فيه. وادعو زوجي الله يهديه من حركات المراهقه هذي. هو يقدر يطلع بيت ببلاش اذا سجل لانه عندنا شيخ تاجر كبير يساعد الناس وباني بيوت وايده. وعنده بيت ماجر والاجار تاخذه امه وعندهم بيت ثاني وماجر وامه تاخذ الاجار.
يقدر يدبر حل للبيت لكن هو ما يريد يطلع وحن الضحايا انا وعيالي عايشين فحجرة وحده اكلنا وشربنا وزحمه ملابس صايره الحجرة فيها كل شي واب مريحه.