طفشت من ولدي.. كرهني حياتي.. صرت سيلانية بسبته.. ساعدوني ارجوووووكم...

:(


السلام عليكم
انا ام جديدة.. بس شفت الويل من ولدي..
عمره اسبوعين..
بس اقسم لكم بالله من طلعت من المستشفى مانمت 4 ساعات متواصلة..
طول الليل صياح ونياح.. وعلى هالحال يوميا معه..
الشي الوحيد اللي يسكته اني احطه على صدري ويرضع..
اول ما احطه يرضع شوي ويناااام.. واذا حطيته بسريره صاح..
واستمر معه كذا حوالي 10 الى 12 ساعه..
اقسم لكم بالله البارح من 3 الفجر الى اليوم الساعه 12 الظهر وانا كذا معه..
وامس وقبل امس نفس الشي..
لدرجة اني كرهت شي اسمه رضاعه طبيعية..
ورحت جبت حليب صناعي.. ورفضه تماما.. حتى اللهايه او المصاصه مايبيها..
بس يبيني احطه على صدري طول الليل.. حتى لو مارضع..
يجلس يمص الحلمه شوي وينام على صدري شوي..
واحيانا يرضع ويستفرغ لانه ياخذ اكثر من حاجته..

واذا وسخ وجيت اغير حفاظه.. يسوي حالة طوارئ ببيت اهلي..
صياح ونياح كأني اطقه مو انظفه!
حتى امي تعبت منه.. لانها تحاول تسكته ومايرضى..

تخيلوا كنت مخططه اسافر يومين واخليه عند اهلي..
بس اذا انا امه مو متحملته.. فما بالكم بغيري!!
ااااه بس..

تعبت والله تعبت..
ظهري انكسر من شيلته على صدري..
والمشكلة انا والدة بعملية وللحين ما ارتحت ولا شي..
قل النوم ذابحني.. وصرت متوتره وقلقانه 24 ساعه..
شكلي صاير بشششششششع من الهالات والارهاق..
تحت عيني سوااااااد ووجهي شااااحب.. كأني سيلانية..
حتى زوجي استحي منه اذا جاء يزورني.. شكلي مره شييين..
وانا كنت حاطه ببالي اعدل نفسي بالنفاس.. اه يا القهر..
ماشاء الله بعض الحريم تطلع من الاربعين كأنها عروس..
وانا احس اني كبرت 10 سنين خلال اسبوعين..

جربت اني اخليه يصيح واطنشه.. بس ماقدرت..
يصير وجهه احمررر وصوته ينخنق..
واشيله واحطه على صدري ويسكت..
وزوجي كل ماكلمني والا زارني يقول طنشيه..
بس احس هالعمر صعب اطنشه..!!

وللعلم ولدي تكرمون اذا جاء يبرز يطلع صوت قوي من بطنه..
يعني اسمع صوت البراز وهو يطلع حتى وانا بعيدة عنه..
قلت يمكنه ممغوص..
اليوم دهنت ببطنه بزيت زيتون دافي وشربته ينسون.. ويارب يفيد..
الحين ولدي نايم.. فقلت أستفيد من هالنص ساعه وافضفض لكم..
لان نومه خفيف مرررررره..

ابي حلول يا مامات.. وش اسوي؟ :(