طفشت و زهقت من هالعيشه

صباح الخير
اخباركم مع البرد ...
انا حابه افضفض انا متزوجه من 8 سنوات زوجي شوي بعيد عني يعني نادر يجلس عندي وتعبت من الهواش معه
طبعا انا ساكنه عند اهله هي 4 شقق شقه لامه ولوحدها عايشه و شقه لاخو زوجي الكبير و شقه لاخو زوجي الثاني طبعاااا انادايم طغشانه يعني عندي 3 اولاد و تو ولدي في سنه اولى كلمت سلفتي الكبيره قامت تحجج في بناتها و مدارسهم طنشت و اصبحت اطلع العصر بس عند ام زوجي و باقي اليوم في بيتي كنت اطغش و ابكي خاصة زوجي مايجلس عندي
قال زوجي انتي كلمي سلفاتك تتجمعو يوم في الاسبوع وفعلا كلمتهم بس مالقيت اجابه و كانت اخت زوجي كبيره يعني عمرها بال 50 تنزل من المدينه و تاخذ يومين عند ام زوجي و كنت اروح و اسهر ل 11 عندهم بس بعدها اكتشف ان بسهرو لساعه 5 الفجر يطلعو السطح او عند وحده من سلفاتي وانا محد يكلمني و مره زعلت و تكلمت قلت لاخت زوجي ليه ماتجو عندي و قامت تتاسف و كلام طويل و عريض عشتن زوجي دوامه للعصر بعكس اخوان زوجي دوامهم لضهر قلت لها اخوك بغرفته ولا اشوفه الا وقت النوم و الاكل و انتي بتجي خميس يعني ماعنده دوام طبعا جاتني هي و سلفتي لاكن سلفني اللي تحجج في بناتها ماجات طنشتها و لا عملت لها حساب
انا ماعلي تجيني او اجيها بس قاهرتني يبنات بناتها ياكلو عندي و يجلسو اغلب اليوم عندي و فترة نفاسها يوميا ارسلها الغداء و عشاء لبناتها و زوجها و الله مره قالت لي احب العريكه وسوينها لها و ارسلتها لها وهي عندها تؤام بنات عمارهم 14 سنه مره كان عندي زواج و ولدي عمره تقريبا 6 شهور. وكان مزكم اتصلت عليها قلت لها بخلي ولدك عند بناتك قامت تعتذر و كان عندها ولد نفس عمر ولدي قلت لها كل وحده تشبل واحد قالت بناتي رافضات سكت و ربي بكيت امي و اخواتي بعيدات عني المشكله هي دايم تقولي اذا بتروحي مكان جيبي ولدك عندي ولما اتصل ترفظ و سلفتي الثانيه وتخلي بنتها و لدها عند بناتها عادي ماتتكلم
و مره كنت زايره عمي و بنتي كبيره عمرها 4 سنوات قلت روحي عند بنت عمتك حتى اجي شوي والا بنتي لاحقتني عند عمي قلت لها ليش تجين قالت بنتها امي تقول روحو عند عمكم امكم عندهم وربي طنشتها و قلت لها بنتك تقول و تقول و قامت تتحجج وادري انها كذابه
و اخر مره
بنت عمتي حجت و قالو سلفاتي بنزورها قلت كلموني قالو طيب ورحت لاهلي الخميس
ولما رحت الجمعه لخالتي قالت لي ام زوجي امس سلفاتك عند بنت عمتك و انقهر قلت ليه محد كلمني قالت مدري
واول ماجات سلفتي ام التؤم قلت ليه ماكلمتوني قامت تتحجج وانتي عند اهلك قلت تكلموني بالاول
و سكتت شوي تجي سلفتي الثانيه واقولها تروحو عني و لاحد يقولي. قالت ليه فلانه ماقالت لك والتفتت
جهتها وقالت انا ماقلت اتصلي عليها و قولي لها بنروح قالت هي عند اهلها قلت قولي لي وانا اقرر و قالت لو اجلنا متى بنروح وربي انقهرت منها انا ماذكر تكلمت عليها و بناتها غير عندي ولو اجيب شي تقول حتى انا عندي
طبعا انا ساكنه بمدينه فيها عماني و عماتي و جدتي ام ابوي و خلاتي
بس استحي اطلع
و خلاتي و بنات خلاتي اللي عشت طفولتي معهم ماعمرهم كلموني يتجمعو و يسهرو ولا يكلموني
يطلعو بر و سهر بس انا مايقولو لي شي ومشكلتي حساسه جدا
تعبت دايم اقول لزوجي هم يكرهوني
وخالي في جده هو الوحيد اللي فاهمني مره رحنا جده و عزمنا اخو زوجة خالي و لما عرف اني جيت جده و جيت عند بيته و مازرته زعل و قطع العلاقه مع ان سالت عنه و قالو بالمستشفى الحين يشوفني مايكلمني بس مطنشه هو كان كتابي اللي اكتب فيه كل شي لاكن خلاص راح و نسانا
وربي حتى صديقات ماعندي الحين احاول اتغير وابدا اروح لعماتي لاننم احسهم يحبوني بس مشكلتي اتخيل انهم يتكلمو فيني
ولي يومين اتذكر حديث الرسول فيما معناه اذا احب الله عبد طرح قبوله في الارض فالشيطان يقولي ربي ساخط علي عشان الناس مايبوني والله اني انسانه على النيه بسرعه ارضى و احب الكل وحتى خالتي اخت امي تقولي انتي بنت حلال ظعيفه و طيبه ومع ذالك دايم ينظحك علي حتى زوجي يخدعني و يكذب علي
واليوم قلت له ابي انقل من هالمكان قال لي تعوذي من الشيطان تنقلين عشان ناس قلت كيف تعيش مع ناس مايبونك
اسفه طولت عليكم بس انا مخنوقه صرت انام من الطفش
اااه يايمه متى يجي اليوم اللي اسكن قريب منك وربي اللي تسكن بعيد عن اهلهااا الله يكون بعونها