طفش..ملل..نبي احد يجينا....يمه دوري احد نروح لمه........((اقلطوا))

اطلعي كل يووم لمكااان تمشي
من سوق مطعمم منتزززه ساافري لو اسبوووع
لو تغيير جوووو
مايجي زو اج واو عززيمه الا واطمررري روحى لها
وكل يووم هالحال لين تخلص العطله :D :D

اصللا حنا لو نلف الدنيااااااااااااااا بعد بنقوول طفششش

اولا : صلة الرحم

ثانيا : حفظ سور من القرآن ...مثلا :حفظ سورة البقرة وال عمران

وبعدها :الراحة والاستجمام والسفر........الخ

ماانكر ان كلامكم عين العقل وانا عن نفسي اممممممممموت بالدوران بالشوارع لكن!!!
من اللي فاضي يطلعن كل يوم ..الوالد عنده دوام والاخوان عاد الله يستر عليهم لاهين مع الربع..صح مايقصرون لكن حنا مانشبع.

ثانيا فيه احد مايقدر يروح ويطامر كل شوي..او مايقدر يسافر لظرف معينه..هذا وش يسوي

او نفرض سافرنا وطامرنا وناقزنا ومافيه زواج الا وحظرناه وحندنا بعد ...طيب وبعدين


بنات انا ابغى ان كل وحده تحس انه لها هدف في هذه الحياة ابغى كل وحده تنجز شي ولو قليل علشان تحس بقدراتها وتحس بااهمية الوقت اللي ضاع من بين ايدينا ....

اختي ((جلنار 30)) قالت نحفظ جزء من القران وانا اقول الله يجزاك خير على هالاقتراح نستفيد منه دين ودنيا..

فهمتوا الان المغزى من الموضوع...


عموما ما قصرتوا يااخواتي الله يعطيكم العافيه....واتمنى لكم اجازه سعععععععيده ان شالله..





نسيت اقول اني حابه اصمم موقع بسيط لكن محتتتتتتتتتتتتتتتتتاره بالموضوع عاد وش تقترحون علي ابغى شي يكون غريب سهل وبنفس الوقت مطلوب وغير متداول......ان دليتوني والله تكسبون فيني معروف..

ثانيا حابه اسوي شويت تعديلات في الحوش مثل شجره من حنا وورده من هنا ومظله هناك ومرجيحه جمبها ورطقه هنا من الوالد يبي يقول وين ندخل السارات هههههههههه..
يعني اسوي مكان طبيعي شوي..

المشكله ان العالم مدري شفيها معد تتحمل نفسها من اول ما بدت العطله كل ما اطلع لسوق القى مضاربه حريم او رجال
بشارع برضو مضاربات مدري وجهي نحس ولا الناس فيهم شي
ومو قادرين نمشي من المغازله المو طبيعيه
غير كذا في الرياض وين نروح اسواق ومطاعم بس وملينا منها طول السنه نروحلها

انا ما ودي اسافر لكن بضطر اروح غصب امكن اشم هواء بس معرف لان عندي شهر سته 6 تبداء الدوره حق دراستي ومعرف كيف انسق وفيه كذا زواج قريب لنا

ابقولك تجربتي البسيطة مع أهلي :
1- العصر نروح للتحفيظ يا أختي انا ما دخلته إلا متاخر والله اقول ان إلي ما يدرس تحفيظ محروم من السعادة مو لازم يومي فيه دور عندها قسم اسمه المفتوح يعني ما يحتاج تداومين كل يوم بس مره في الأسبوع 0
2- سوينا مسابقه شاملة لكل افراد الأسرة كل يوم على واحد منا يصلحها ولازم قبل اذان الفجر مباشرة نفرز الحلول وإلي عليه بكره لازم مع الإذان يعلقها ويعلق جمبها فائدة بسيطة والله خلصت كتب المسابقات إلي عندنا من كثر الفرز والتدوير على الأسئلة وطبعاً مسوين جدول للأسماء علشان النتائج وندون فيه كل يوم0
3- كل مره في الاسبوع لابد انه تكون فيه حفلة شاي على وحده من افراد الاسرة بحيث انها تبتكر اشكال للتقديم واطباق جديدة والله الوالدة انبسطت من هذه الحركة 0
4- ادخلي مواقع تتعلمي فيها برامج الكمبيوتروهذه وش كثرها 0
5- اشركي افراد اسرتك بالأفكار وشوفي احياناً ما راح يتحمسوا معك بسرعة لكن مع الأستمرار راح ينفع فيهم0