طفشنا من زوجة اخويا

زوجة اخويا ساكنه فوقنا .... وماخليتنا ع كيفها
مطبخها كامل ومجهز وماتطبخ فيه 😡
تنام الين تشبع وتشيل ولدها وتنزل مطبخنا تغرف اكل وتطلع تاكل ف بيتها والاتنزل هي وولدها وزوجها ياكلون تحت وترجع بيتها وماتساعد حتى بتغسيل الصحون
يعني لاتطبخ ولا تساعد بالصحون واحنا اذا نزلت نظطر نمد سفرتين رجال وحريم ويزيد الكركبه وماعندنا شغاله
واحنا صابرين عليها ايام الدوام
امي تداوم وهي بعد تداوم وبعد ماترجع امي من الدوام تسوي الغدا للكل ونعذرها نقول مداومه
يجيك خميس وجمعه ماتقول بشيل عن عمتي واطبخ مكانها
حتى ايام الاجازه تنزل تاكل تحت واذا طبخت في بيتها تطبخ لهم فقط يعني ماتحسب حسابنا
وصراحه اللي خلاني انزل الموضوع من يوم العيد وهي تنام وبعد ماتصحى حضرتها تنزل تحت تاكل عشان ماتطبخ واليوم احنا راحت علينا نومه وصحينا لقينها طابخه لهم بس
وش عليها لو زادت الكميه وطبخت للكل
المهم احنا مانبيها تطبخ لنا بس انا ما ابغى اشوفها تاكل تحت عندنا ليش ماتطبخ في بيتها وتاكل
يكفي ايام الدوام امي تطبخ لها وانا اذا جيت عند اهلي امسك ولدها عشان تداوم وما يخليني انام وارتاح ...
انا ابغاها تفهم ع نفسها بس هي قوة عين ايش اقولها
فكرت اكتب لافته واعلقها ع باب عشان تحس
كل وحده تحط نفسها مكاني وترد