طفشنا نبي نسوق اجل😢

_
طفششني طفششني والله من قو مو منقهره منه ودي اضحك على نفسي😭😭
المهم سبق ونزلت موضوع عن ذا الادمي اللي ذابحني وجالطني مايطلعنا او حتى يفكر لمجرد التفكير وفوق ذا كله مايجلس بالبيت يعني مسوي مشغول وهو فاضي
المهم تكفون لاتجي وحده تقول من جدك عشان طلعات !
بقولكم تفكيره تفكيير الأولين مع انه صغير بالعمر يعني اللي الاحظه من تصرفاته انه يشوف المرأه مكانها المطبخ والغرفه بس ! هو ماقال حرفياً واذا سألته انت تشوف المرأه كذا يقول لا ! ومع ذلك هذا شعوري وهذا اللي احسه ! يعني دايم يعلق ع الرجال اللي بس جالسين بالبيت مع حريمهم !
ويعلق ع تصرفاتهم ان ممكن ياخذون قروض عشان يمشون حريمهم ! وكل هالكلام يوحي لي انه مايعتبر المرأه شي !
يعني مشتهيه مره يفاجئني بطلعه من خاطره حتى سفر ماسافرنا
حرام راح شبابي معه!
واساساً مافيه حاجه تشفع له يابنات !
يعني اذا جينا لنظامه نايم النهار يقوم اخر الوقت العصر وياكل ويطلع ويمكن يرجع المغرب عشان يتعشى وينام وممكن لا يسحبها الى الساعه 12 يجي متعشي ومبسوط
يعني يومياً ذا الروتين واذا ناقشته ما القى حل منه تعبت
وفوق هذا كله راتبه قروض والباقي يادوب !
لكن مع ذلك يبقى معه الى الشهر الجاي شي من الراتب ومع ذلك مايمتعنا ولا يمتع نفسه !
حتى زيارات لو ابغى ازور احد ممكن يتعذر انه مايقدر يا اما تعبان فيه نوم او جوعان يبغى اسوي له اكل بحيث يروح وقت الزياره
ويا اما اساسا بعد طلعته من العصر مايرجع البيت والحجه انه انعزم وهو برا وبيروح للي عازمه ! طيب وانا ؟!
يعني البارح تناقشت معه قلت ما امنعك اطلع وروح وسو اللي تبي لكن نظامك هذا روتيني يعني كانك تجبرني اتحمل واصبر لكن الى متى
وانا اساسا طلعاتي مو كثيره يا ازور احد يا ابغى السوق يا ابغى اتمشى معك فقط يعني لو بتشوفها بالشهر مرتين ثلاث!
يعني معقوله ماتقدر تفضي يوم من جدولك الروتيني انا طلعاتي مو دايم ! اما انت مسوي لك نظام كأنه عمل خارج العمل ! انا ويني من الاعراب!
بدا بتعذر كالعاده بأشياء تافهه انا اكون تعبان من الدوام انا امر بضغوط عمل انا لو معي ماده عطيتك انا انحرج من الرجال اللي يعزمون او مثلاً يجون لمي واكون مظطر اعزمهم ع حسابي والخ الخ الخ من المعاذير الواهييه اللي انا اشوفها..
يابنات هل من حل فكرت اكلمه اقول ترى انا ابغى اعيش سعيده ومبسوطه من تزوجنا ماشفت يوم حلو بس نفخ وطبخ وغسيل وحبسه بالبيت راح عمري ماتمتعت فيه
يعني نفسي اعيش ذكريات حلوه معك لكن مو معطينا فرصه !
حتى بقوله اذا ماتقدر تسعدني لا تخليني على ذمتك 🙊
كبيير الكلام صح😁؟!
المهم جد جد تفكيره من الاولين يعني حتى لما يشوف واحد عمره 40 ومسفر حرمته وعياله يقول هو وش يبي بالعجوز لو اني منه اخذت بنت وانبسطت معها!
يعني هالادمي وسوس بي اخاف عمري كله وشبابي يروح وانا ماعشت الحياه الزوجيه اللي اشوفها بمجتمعي من البنات طلعات سفرات ومواقف مضحكه بينهم وذكريات
ووقت مانكبر بالعمر يروح يتزوج
اكون انا في حال صعب لا اخذت قراري واستمتعت وهو عقب ما اخذ صحتي وعافيتي يروح يتزوج!
اقسم بالله ما ابالغ < احس عمره فوق ال50 شايب
حتى الشيبان يبسطون حريمهم 😂
يعني ما اذكر لعبنا انا وياه حتى اونو او بلاي ستيشن او كيرم او اي لعبه معروفه في حياتنا قبل الزواج يعني حياه روتينيه داخل البيت مميييته
واذا بالسوالف انكت عليه بنكت يبتسم ابتسامه تسد النفس
اقوله سالفه يرد علي كلمه او يسكت يعني مايتفاعل ابد
صدق الحي يحييك والميت يزيدك غبن !
وش اسوي بالله معه اخنقه وهو نايم 😂😂😂😂
امزززح
لكن ذا الاشياء تضغطني منه متى نعيش شبابنا متى ننبسط دام اللي بنسويه حلال مو حرام
والله افكر اطلب منه الطلاق قسم بالله على الوحده الي عايشتها معه وغربه نفسيه وهو موجود !
قبل يومين حلمت ان بيتنا ماله سقف ورحت قرأت تفسيره
طلع معناه ان رجل البيت غائب !
واللي تعرف معناه اكثر تفسره لي
يعني عقب هالمنام تأكدت فعلاً مااحس فيه وما اعيششه..
وسلامتكم 🏃🏻