طفشوني الناس صدق هالحريم كا عندهم الى الحكي

السلام عليكم ورحمه الله وبركاته

اللهم صلي و سلم على محمد و اله و صحبه اجمعين

كيفكم بنات .. موضعي اليوم سوالف و فضفضه ..

انا تزوجت و تاخرت عن الحمل سبع سنوات و الناس كرهتني بحياتي \

ما حملتي ؟؟
مافي شي بالطريق ؟؟
ما عالجتي ؟؟ في دكتور يقولون كويس ؟؟
العيب منك ولا منه ؟؟

ولا بنت الحلال الي تجيك بوجه حزين بريئ يالله يا كريم يرزقك بالذريه
يا أمي أدعي بظهر الغيب اصدق ترا :08:

عاد يجيك نوع من طويلات العمر تخبي عيالها و تقول لا يغرك ولدي يظحك ترا حنه و مزعج
متعبني على اساس بصكها عين

كله كوم و سلفتي كوم ثاني بالتاسع وماتبيني ادري انها حامل يا عممي حتى الأعمى درى ترا
كرشك مترين قدام ..

الحمدلله انتهى هذا الجزء من المسلسل اللسنه الي فاتت حملت بفظل من رب العالمين وجبت احلى
ولد بالدنيا

طبعا ما استخدمت موانع ولا شي بعد الولاده سبع سنين من عمري بدون عيال مو شوي
و طول ما انا اطلع كنت ادعي انو ربي يرزقني له اخوان و اخوات مع الم الطلق تخيلوو

الحمدلله يوم صار عمر ولدي خمس شهور ونص حملت مرا ثانيه توني حامل لي شهر ونص

رجعت الناس تتكلم طفشوووووووووووووني :mad2:

هوووو العيال بيطيرون ؟؟
توك والده حرام عليك ظلمتي ولدك ؟؟
مو زين على ظهرك الرحمه زينه ؟؟
والي بكل وساعه وجه تقولي وش فيك كنك مو مصدقه انك تحملين توك والد .. هذي شسوي فيها
افجرها ولا وشوو

والي تجيك ناصحه ترا كلن يحمل و يولد حتى قطاوه الشارع بس التربيه صعبه
خفي يا بنتي

هالحين لي فوق ثمان سنوات متزوجه وعندي ولد و حامل بالثاني لا بالحلال ترا من زوجي
وين المشكله وين الخطاء

بالله مين الي بيحمل و يتوحم و تعب انا ولا هم ؟؟
مين الي بيطلع و يتشقق و يتخيط انا ولا هم طال عمرهم ؟؟
مين بيسهر و يتعب

ترا ولله ما حنا طالبين منكم عانيه للحليب و البامبرز بنشري لحالنا

ياخي هالحريم قرف ما يخلون احد بحاله ابد لازم ينكدون على الواحد


من جد طفشت وش الحل معهم ؟؟