طفلة العيد الفلسطينية ....وجوالي الفيصلية

مادام راتبك طيب حاولي تتصلي بقناة الجزيرة و توصلي لبنت العيد و حاولي تساعديها و كل واحد معاه لا يبخل على الي مو معاه . الله يبارك للي معاه و يرزق كل محروم

والله انك صادقه

الواحد ماااااااااهمه غير نفسه

مو بس الجوالات حتى اللبس والاثاث وووو.......الخ

الله يعين

والله اذا ربي منعم على الشخص ليه مايمتع نفسه .. والتمتع مايمنع ان الواحد يتصدق .. مو شرط كل من اهتم بلبسه وبجواله وحرص انه يكون مظهره مثل مايبي انه مايتصدق .. الصدقه عمل خفي .. مايمنعه الاهتمام بالمظهر .. ولا اهماله ..
ماعليش ( ان لنفسك عليك حقا ) ربي ليه منعم علي علشان ابخل على نفسي ؟!
تفكير عجيب صراحه ...

*
ما شفت المقطع

لكن كلامك منطقي

وأنا مثلك موظفة وراتبي كبير بحمد الله

لكن جوالي له سنتين وقيمته 250 ريال فقط

أيضا مو بخل لأني ما أحرم نفسي من شي أحتاجه

لكن أتبع سياسة الصرف الذكي

آخذ أحسن نوعية تدوم سنين في اللبس والأجهزة >> ما أقصد جوال أبو 250 لأن مكالماتي فيه نادرة جدا بصراحة

كمبيوتري موديله قوي وممتاز لأني أحتاجه في شغلي وأستخدمه للترفيه

وملابس ما أشتري كل شهر

لكن إذا شريت آخذ خامة ممتازة وشي راقي يستحمل الكرف بدون ما ينهري


استغنيت عن الخادمة لأن شقتي حاليا صغيرة وقادرة أقوم فيها

وبالمقابل أخذت معظم الأجهزة المساعدة

>> بصراحة أبو الشباب اشتراها كثر الله خيره

لكن أنا آخذ الكماليات وأجهزة الترفيه

يعني بالمختصر ما أطارد الجديد أبدا إذا كان سريع التغير

المهم شي يستحق قيمته ويخدمني فترة

وما ينقصني شي بحمد الله وأسافر أكثر من مرة في السنة >> داخليا طبعا

بدون ما تهتز ميزانيتي

والسر في الصدقة

لأني مهما صرفت ألاقي حسابي مليان من فضل الله

( وما نقصت صدقة من مال بل تزيد )

*