طفلة ذات ثمان سنوات تعاني من مشكلة نفسية!! ما هو الحل؟؟

السلام عليكم ورحمة الله وبركاته ..

اخواتي العزيزات ، اود ان اعرض لكم مشكلة لاحدى قريباتي لا نجد لها حلا.

الطفلة عمرها 8 سنوات ومنذ دخولها للمدرسة بدت تتكشف لنا اعراض حالة نفسية عند الطفلة وهي انها دائما تشعر بالنقص تجاه الاخرين ودائما تردد ان الكل لا يحبها في المدرسه وفي غير المدرسه

يعني لما ترجع من المدرسه دائما تقول لامها انا الوحيده في الفصل اللي المدرسه ما تحبني ولا الطالبات يحبوني وما في احد يحبني في المدرسه كلها وغيره من هالكلام ..

وادا احتكت مع بنات خالاتها اللي في مثل عمرها دايما تحس بنفس الشعور وتفسر اقل كلمه يقولونها انها ضدها وانهم ما يبونها معاهم .
هذا غير مستواها الدراسي اللي متدني في المدسه على الرغم من ان امها ادا قامت تراجع معاها الدروسفي البيت تقول انها ما تتعبها وانها تفهم الدروس بسرعه وتحل التمارين بسرعه كبيره.لكن الكلام اللي تقوله عنها المدرسه هو العكس..

وللعلم فان هذي البنت وحيده بين اخوانها الثلاثه واعمارهم متقاربه من بعض.

ما هوالحل ؟؟ رجاءا اللي عنده خبره يفيدنا وسامحونا للاطالة:(